April 6, 2020 (2020): S. E Asia rama Cambodian, Filipino, Vietnamese leh Lao-hote chuan Artui/Varak tui, a note keu hma si, ni 10-18 vel awp keu tep tawh chhum hmin ei an ching hle a, a chak tha bik an ti.

Vietnam ka zin tumin Awle (crocodile) sa hem hmin an lo zuar a, "inti mipa takin" hrang khat hleh thlak leiin ka ei chhin ve ringawt a, arsa ti hem hmin ang ka ti hle. Mahse, ka ei zawh vek hnuah ka ten thar leh a, ka chil rialin chil ka chhak ta fo mai a! A tih chi vak loh.

Rulsa te pawh an lo zuar a. Chawngkawr NUNG lai, ban rek tiat vel talh tir chuan USD 15 man vel a ni! Puithuna nasa tak hi S. E Asian hnamten an nei nasa hle. Chawngkawr thi (blood) leh Vodka zu chawhpawlh in chu chakna a ni, te an ti mai mai a! Chawngkawr nung lai an zawrh te chu engtia an man nge tih, ka zawh chuan Rul farm siamtute hnen atanga an khar chhawn niin min hrilh.

Saphai (python) sa chu Mizo zingah pawh an ei ve thin a, a hriak chu kang damdawi tha tak niin, a ser ve ngailo a, Saphai mit (bile) chu santen leh damdawi dang atana tha tak a ni, an ti. Chakma phei chuan Saphai sa chu, Arpui tui lai sa aiin an duh, an ti thin.

Rul nung lai leh a thi sa an zawrh hmuh changin, tiril a tim deuh thin! Sa duhzawng leh chawhmeh duhzawng hi ava lo in anglo tak em! - CT Lalrinawma

Post a comment

Powered by Blogger.