1. Thalfavang Romei a zam leh ta,
Zokai Uleuh, Ngirtling, Lel-te kiu nen;
Ti hian hmana kan nunhlui min ngaih tir e,
Chun chawia piangin an la tuai thar ngei ang ka di ve tur.
Awi maw, a leng em mai, ka di ve tur.
2. Kawlkhaw thli nemten va leng ta la,
Biangnovi ramtuan lai va chhem dai rawh;
Tin, hrilh ang che, “ I ngaiin Kawlkhaw daiah,
A uai e, tlangrel reng reng a dawn zo lo” va ti ang che.
Awi maw, a leng em mai va ti ang che.
3. Ka duh ber che tih leh mai loh zawng,
Ka hril thiam lo, Lengher mi ringhlel suh;
Engti zai zia nge ni nang nen kan karah,
Biahzainem kan vawr, Parte a rem theilo i nuar leh thin.
Awi maw, a leng em mai, i nuar leh thin.
4. Hnamtin fa lunglawma nunhlui ngaih,
Leh phu lohpui zunleng an ngai leh thin;
Kei zawng nunhlui phu lohpui zun ka ngai lo,
Huiva hram thiamte, hmana ka lungrualpui mi va auh rawh.
Awi maw, a leng em mai mi va auh rawh.
