April 23 zana Chennai, Tamil Nadu-a boral ta, Vivian Lalremsanga(28) ruang chu vawiin hian an chenna Model Veng, Aizawl rawn phurh thlen a ni ta. Mizoram Sawrkar leh Chief Minister aiawhin Minister Dr. K. Beichhua chuan CM's Relief Fund aṭangin ₹ 2,000/- ṭheuh leh pangpâr a hlan a ni.

Kilometre 3000 chuang zeta thui ruang rawn zuitu, Mizo tlangval Rafael AVL Malchhanhima tlawmngaihna kan ngaihlûin kan fak takzet a. Ruang phurhna ambulance khalhtute pahnih, Jeyantjiran(TN) leh Chinnathambi(TN) te inpeknaah lawmthu kan sawi bawk e.

Chennai lama Vivian-a ruang lo buaipuitute leh Mizorama ruang phurh thlen a nih theih nana hmalatu zawng zawngte kan sawi seng lo; in zavaia chungah lawmthu kan sawi a. Phût let neilo tlawmngaihna lantira ṭanpui ngaite tana in inpekna hi a hlûin in chhuanawm takzet a ni.

Mizo tlawmngaihna vul zel rawh se.

Source: CM Instagram

Post a comment

Powered by Blogger.