Contact Form

Name

Email *

Message *

Iklan

Mizoram Mamawh Union Health Minister Hnenah Thlen

ToMZ
11 Apr 2020, Saturday, April 11, 2020 IST
Vawiin April 10, Zirtawpni chhun khan Union Health Minister Dr. Harsh Vardhan hovin India ram State hrang hrang a Health Minister leh Health department mi pawimawhte’n Video Conferencing neiin COVID-19 do nana hmalakna leh inbuatsaih dan te thlir hovin, hmalak zel dan tur leh mamawh thil chi hrang hrang sawiho a ni.
Mizoram Mamawh

Video Conferencing ah hian thusawina hun tha tak ka chang a. Mizoram dinhmun leh mamawhte thlen nghal a ni.

Mizoramin ZMC leh Aizawl Civil Hospital bak district hospital dangahte ICU a neih thuai theih nan chak taka hmalak pui turin Union Health Minister hnenah ngen a ni a; Mizoramin international border kilometer 722 laia thui a neih avang leh thenawm state hrang hrangah Covid-19 vei hmuhchhuah an tam sawt tak avangin screening test tih zung zung theih nan Covid19 test-na rang chi -‘Rapid Antibody tests’ leh ‘Trunat tests” tam tawk pe turin ka ngen bawk. PCR test kits pawh thahnem tak pek belh leh thuai turin dil tel nghal a ni.

Tin, Mizoram chhunga district hrang hrangah mithiam – Microbiologists leh Epidemiologists te mamawh belh an nih thu thlen anih bakah, district hrang hrang tan Basic Life Support Ambulance (BLSA) mamawh a nih thute, thawktute veivah zung zungna tur lirthei leh samples dah thatna Ice-lined Refrigerators (ILR)/Deep Freezers mamawh belh a nih thu pawh thlenin, National Health Mission leh Health department ah te fund tam zawk pe turin kan ngen a. Covid-19 enkawlna tur chhawngthum – Covid Care Centre (CCC), Dedicated Covid Health Centre (DCHC) leh Dedicated Covid Hospital (DCH) te siamna tura thil pawimawhte ngaihtuahpui zel turin Union Health Minister hnenah thlen a ni bawk.

Heng kan thu thlente hi chak taka bawhzui a nih theih nan lehkha ziakin ka thawn zui nghal.  

Source: Dr. Thangtea Page
Visitor's Voice

Click to Comment

No comments:

Mizo Nula Khal

+