MIZO NULA (DOCTOR) MUMBAI SLUM AREA AH A ZUANG LUT
Tunah hian Mizo nula chhuanawm tak, Dr. Lalchampuii chu Covid-19 hripui kaite ṭanpui tur in Mumbai mirethei te chenna(Slum Area)ah a zuanglut mek a, vawi khat tal a hming lamin i ṭawngṭai pui ang u.
Nl.Dr.Lalchampuii D/o Upa Lalduhzuala Sailo Laipuitlang hi KEM (Seth Gordondas) Hospital ah Specialist zir in a awm mek a, Mumbai khawpuiah Covid-19 hripui hi a ṭaidarh tak avangin Dr. Champuii te thawhpui Doctor pakhat kum 47 miin hri hi kaiin a thih pui tawh a, tunah hian an Lab. Technician pakhat a positive tih hriat chhuah a ni ve leh bawk a, nichin mai khan Dr. Champuii nu Pi. Lianpuii'n "Ṭawngṭaina chauh kan hma chhuan e" tiin ṭawngṭai pui turin min rawn chah a, he group ah hian tih tak zeta ṭawngṭai ṭhin in awm tih hriain ṭawngṭai pui atan ka rawn chhawp chhuak e.
Mumbai mirethei te bit tak maia an in hnawh khawm na ah Covid-19 hri hi a ṭaidarh mek a, chutah chuan positive te thliar in leh enkawl ngai te buaipui in Dr.Champuii te ho hi an buai hle a, he slum area a chenna in te hi chep tak tak a nih hlawm avangin chet lak na a awm lova, a chang chuan kawngpui ah te chhuah tir in an positive test te an nei ṭhin. Ṭawngṭai pui an ngai hle. @Lalramzauva Ralte
Post a Comment