Tunlai hian langsar lutuk si lo in kan khel nasa hlawm a, ka lo khel ve ange.
RAWNGBAWLTUTE -
Rawngbawltu kan nei tha hle hlawm a, tun huna a hman mek ni a langte, tlo taka rawngbawl ngar ngar te kan awm thei ang. Tunlai hian rawngbawltuten an thu dawn hi a hruanghrau sawt hle. Mahni rawngbawl puite thu ken kheng tawlh tawlh hreh lo te, Pathian rawngbawltu lem leh tak teh tura ruat ang hrima in chhuahchhiatna rawngkai, an thusawi in khen sakna lam hawi hriat tur a awm ta zeuh zeuh mai.
Hei hian lamtang siamna a thlen a, dik zawk, sawi fu zawk nih tumna, lar zawk nih hial duhna te pawh a thlen thei ang. Rawngbawlpuite khen talh talh duhna hian an ni aia hmufuh zawk leh ti dik zawka intarlanna a hring thei a, fimkhur a tha hle mai. Mipuiah lam tang a siam a, thutak Isua aiin rawngbawltu dik zawk teh leh thlek reng rengin min ti buai a, thutak chu a sirah a lo let ve mai mai zawk mek a ni. Rawngbawltu lârte fimkhur ula, in rawngbawlpuite kher buai lovin thutak puang mai teh u.
MIPUI LAM -
Kan han Over thin khawp a... Rawngbawltute fuihna, selna a lo thlen hlek a, an kal kan dil emaw tih mai tura lo sa nghal phat mai, tawng thei tak tak, an thlavang hauh reng renga nileng peih, thutak aia mihring buaipui kan tam ngei mai. Heng ho hi chuan 'Nang aiin ka tlâwm zawk' tiin in sual an hreh hauh lovang!!
Rawngbawltute hrin chhuah avangin tan bik ngawih ngawih kan nei a, a thenah Hallelui kan pe ring hle a, Bucket kan vaw ri pup pup a, rawngbawltu thenkhat erawh chu Facebook a an Wall thlengin kan diriam hreh leh lem hlei lova, ENG RAU NGE KA HRE VE THIAM LO!! Sawi chhiat mai nilo, Challenge em emin kan bei hreh lo. A mak a ni. Kan ngaihsan te thuken ah khan hetiang zirtirna hi ka hmu lova, Setana rawngbawl kan ti thlawt ngam lo a nih chuan hetianga Pathian mite en hran neih thliah thluah hi Chunglam thu a nih ka ring ve thei lo.
Heng ho hi chuan Pathian aiin mihring an Pathian a, Thlarau Thianghlim aiin mihring an Thlarau zawk bawk thin. An ngaisang a, an thlawp ngawih ngawih a, an thlavang an hauh a, an chanchin an ngaihven thin. An ngaihsana ten a rawng an bawl zawk Pathian chu an ngaisang em em lova, an thlawp peih reng lova, a chanchin pawh an ngaihven reng peih lo. An tan zawng takte sawihnawmna a awm chuan an tang ar a, a thu an awih zawk tura lakah chuan Tui Point leh Gas lakna ah phatsan an awlsam hle thin.
MIHRING NGAIHSAN LUTUKNA -
Vawikhat chu thuhriltu râu tak mai kan ruai a, thawhlawm hlantu Upa tawngtaina a a chham chhuah pawh ka la hre reng; "Hetiang taka Thlarau hnathawh chiangkuang hmu theia min siam avangin.." a ti phawng maia, Amen ri a ring ngei mai. Kha thuhriltu kha rei lo te ah mipat hmeichhiatnaah a tlu zui a, a chanchin chu sawi zui tlak pawh a ni tawh lo.
Vawiina kan diriam tak takte hi hmâna min khawihthlu tu kan Support leh ngaihven em em te kha an ni a, tuna kan atchilh loh chauh te hi nakin hne leh ngei hmel kan tih chhiat em emna tur an la ni thei. Hei hi a ni Amah Pathian aia mihring ngaihsanna mai mai chu!! Lalpa zarah chawisan an ni a, kan ngaisang tur pawh a ni. Mahse Chunglam aia tai pawng pawnga tan, buaipuia nei zawk te hian an ti fuh rei lo fo thin.
RAP BATTLE -
Politics tuinu ai pawhin rawngbawltu zawkah kan nu but a, Rappers te an inhnialfiamna tawngkam ai pawha tawngkam duh tui lo khawpa changsang leh hmu fiah kan pung a, tawngtaipui ngai, hremhmun tla tur an hmu zung zung thei a, "Enge i nih bik?" tih tawngkam hmangin tlâwm an zir mek a ni.
TLIPNA -
Sermon ang deuh a ni. Kan duh zawng leh pawm zawng tak ziah fuh hi chuan tha kan ti dual dual a, panchhe ei anga min ei tur thu a lo thlen chuan kan beng per a, Post ho leh tullo, a hma pha lo kan inti leh then maia, a hahdam thlak zaw phian.
Piangthar miah lo pawh hian 'A lang' tih ram hi an nei ve vek a, an rilru ah lang a awm ve fo, an Puh Pathian Aw ve lo mai a ni. A lang ram thliar thiam lohna hi kan chetchhiatna a ni fo thin. Sikkim 60% Hindu awmna ram, "Aw Lalpa" ti hluah hluah reng lo khian thuawihna Chunglamin mal a sawm a ni chek ang 100% Negative an la ni!!
@David Sailo
22nd April, 2020