Contact Form

Name

Email *

Message *

Iklan

MIZO TANGKHANGTE TAN Rs. NUAI 156.2 SEM A NI DAWN

ToMZ
22 Apr 2020, Wednesday, April 22, 2020 IST
STATE DANGA MIZO TANGKHANGTE TAN Rs. NUAI 156.2 SEM A NI DAWN

Aizawl, April 22 : Chief Minister’s Relief Fund hman dan tur ngaihtuahtu tura din Committee on Utilization of Chief Minister’s Relief Fund for COVID-19 chu an Chairman Pu Lalnunmawia Chuaungo, Chief Secretary hovin Chief Secretary’s Conference Hall, MINECO-ah ni 20 khan an thukhawm a.

Tun dinhmunah Mizoram State chhunga State pawn lam mi, lockdown avanga tangkhang, Mizoram sorkarin chenna  leh ei tur a pek mi 96 an awm a,  chenna nei, ei tur pek ngai  mi 1478 a chawm bawk a. Hetiang bawk hian Mizoram mi leh sa, India ram State danga tangkhangte chu an awm mekna State ten an tanpui theihna turin an hming, an chenna leh an harsatna tawh dan sorkar chuan a lakhawm a. An awmna State theuh Chief Secretary te hnenah lo tanpui turin ziakin ngenna a thawn angin mi engemawzatin an tangkhanna State sorkar atangin chhawmdawlna an dawng a. 

Heng State-a Mizo Welfare pawl hrang hrang awmte pawhin theihtawp chhuahin Mizoram mi leh sa tangkhangte hi an lo buaipui bawk.  Heng bakah hian harsatna zual bik nei, chhawmdawl mamawhte tanpui an nih theih nan Mizoram Chief Minister ruahmanna hnuaiah Committee on Utilization of Chief Minister’s Relief Fund for COVID-19 chuan CM Relief Fund atangin tanpuina pek ni se tiin a rel a. Welfare tin ten tangkhangte harsat dan enin mamawh zualte an lo tanpui theih nan an kutah CM Relief Fund hi hlan a ni ang a. Mizoram House awmna hmunah erawh chuan Mizoram House enkawltu official-te leh Mizo Welfare pawl hruaitute inrawnin ruahmanna an siam ang. 

Hmun hrang hranga Mizo Welfare-te hnena sum semchhuah dan turte :

1. Visakhapatnam Mizo Welfare Association - Rs.  1,60,000

2. Chandigarh Mizo Union   - Rs. 1,40,000

3. The Mizo Welfare Association, Delhi -  Rs. 14,90,000

4. Goa Mizo Welfare Association - Rs. 5,20,000

5. Gujarat Mizo Zirlai Pawl    -  Rs. 7,30,000

6. The Mizo Welfare Association, Delhi (Haryana-a awmte tan) - Rs. 2,60,000

7. Himachal Mizo Fellowship (C/o Pi Lalrengpuii)  - Rs. 90,000

8. Jharkhand C/o Pu Lalbiaktluanga Khiangte, IAS - Rs. 80,000

9. Bangalore Mizo Association    - Rs. 22,30,000

10. Kerala Mizo Association       - Rs. 1,60,000

11. Jabalpur Mizo Society         -  Rs. 1,50,000

12. Bhopal Mizo Welfare           - Rs. 1,60,000

13. Mumbai Mizo Association     - Rs. 19,30,000

14. Pune Mizo Welfare Association  - Rs. 6,40,000

15. Jallandhar  Mizo Zirlai Pawl   - Rs. 1,80,000

16. Ajmer Mizo Fellowship & Welfare Assn. - Rs. 3,10,000

17. Jaipur Mizo Welfare Association  - Rs.  70,000

18. Vellore Mizo Association      -  Rs. 80,000

19. Chennai Mizo Welfare Association  - Rs. 16,90,000

20. Hyderabad Mizo Association   - Rs. 6,70,000

21. Meerut Mizo Zirlai Pawl       -  Rs. 1,20,000

22. Allahabad Mizo Welfare Association - Rs. 70,000

23. Mizo Christian Fellowship, Lucknow  - Rs. 1,00,000

24. Varanasi Zofa Welfare Association - Rs.  2,00,000

25. Dehradun Mizo Welfare Association  - Rs. 1,80,000

26. Calcutta Mizo Welfare Association   - Rs. 6,30,000

27. Andaman & Nicobar Mizo Welfare Association - Rs. 60,000

28. Indore Mizo Welfare     -  Rs. 40,000

29. Nagpur Mizo Union       - Rs. 30,000

30. Udaipur Mizo Fellowship & Welfare  - Rs. 40,000

31. North Bengal Mizo Welfare Association  - Rs. 10,000

32. DRC Guwahati/Guwahati Mizo Welfare    - Rs. 8,00,000

33. Group YMA, Imphal    -  Rs. 8,00,000

34. DRC Shillong/Group YMA, Shillong   - Rs. 8,00,000

          Total   1,56,20,000

 * Mizo Welfare pawl hran awm lohna emaw, darhsarh taka hmun hrang hranga awm tanpui ngai te chu Task Group on Migrant Workers and Stranded Travelers kal tlanga tanpuina tur Rs 2,00,000 vel pek tur a ruahman a ni.

* Chin unau refugee Delhi-a awm harsatna tawkte tanpui nan Rs 5,00,000/- pek ni se tiin Committee chuan a rel a. Hei hi Resident Commissioner, New Delhi in a lo buaipui ang. 

* Ramdang leh State dang atanga lo lut turte danga, ramri venga ngawrh taka mutmu pawh tuahloa inpe YMA, YLA leh MTP te mamawh phuhruk nan an awmna YMA Group hrang hrang 15, YLA leh MTP  te hnenah sumfai belhkhawmin Rs. 57,00,000 pek chhuah a ni ang. 

* Relief Fund semchhuah hmasak zawka dawng ve lo Home, Centre leh Rehabilitation Centre 24 te hnenah tanpuina a vaiin Rs.2,98,500 pek an ni ang. 

* Tun hnaia Mumbai Mizoram House-a thawkte leh thleng mekte COVID-19 test man atana senso Rs. 2,52,000 pawh CM Relief Fund atang hian pek a ni ang.

* Mizoram pawna Mizoram House hrang hranga thleng mek, lockdown vanga tangkhangte zinga sum lama harsa, awm man leh ei man pe theilote chungchang ngaihtuah a ni a. Hetiang sum lama harsatna tawkte ei man hi CM Relief Fund atanga pek ni se, tiin rel a ni a, an thlen man hi sorkarin a awl dawn a ni. 

* Heti hian CM Relief Fund atanga hman chhuah tur zawng zawng hi Rs. nuai 250 bawr vel a ni. 
Visitor's Voice

Click to Comment

Mizo Nula Khal

+