Lunglei TimesLalrammuana Chawngthu leh Rosiamliani Bazarveng , Lunglei te fanu,Vanrammawii Chawngthu(23) hi Lehkha a zir lai atanga sorkar hnathawh tum ngai lo a ni a, mahni ke a din a, mahni thil nuam tih leh tui zawng a kal a tum ber thin. Pawl 12 a pass hnuin International Institute of Hotel Management (IIHM) Kolkata ah a kal a, kum 3 course a ni a, 2nd year ah internship neiin Malaysia ah thla 5 a thawk.

A graduate hnuah hna hmuin The Leela Ambience Gurgoan, bakery department ah a thawk chhun zawm nghal a. A hna thawhnaah hian, international-ah placement an hmu thei a, mahse baking tak hi chu India hotel ah hian experience a that bik avang hian a duh zawk a. Thil ho ber anga kan ngaih atang a lian tham ber thleng an ti vek a, kar khatah vawi khat off day an neia ni khatah a rei ber tumin darkar 16 te an thawk thin.

A thawhna hmunah hian junior a nih avangin, maida bag,chini bag leh baking supplies la tu zingah a tang a, hmeichhia a nih vanga dim bik a awm si lova, tun thlengin a kawng hi a tih khawloh phah.

Cake siam a, ur a, chei mawi ringawt an zir lova, Time management,patience, team work, heng zawng zawng hi a pawimawh vek avangin zir tur an ngah hle a, awl a awm lova, an rim em em a ni.

Vanrammawii hian, Khang ka tawrh nate kha mite tan chuan lian tham a ni lovang, Ka tan chuan ka hun tawn ve chin a, chhel a ngaih ber lai niin ka hria. Kan thil tum hi tih tak tak dawn chuan hreawm leh harsat na neuh neuh hi pal tlang alo ngai ve thin a,hna ka thawh khan kum 21 ka ni a, naupangte ni mah ila, ka tum hi a ruh ve tlat a.

Lunglei than nan leh Lunglei a mi ten a eitur tui leh hrisel kan lo neih belh zel hi ka duh a. Dream te hi chu kan nei theuh a, kan duh tak tak anih chuan kan ti hlawhtling mai thin tur hi alo ni zawka. Mental health hi a pawimawh ka tia, mahni hna hlim leh nuam ti taka thawh tluka hlu hi awm lo, a ti.

Hna kan thawh peih em em loh, kan tui em em na nilova thawh hi a hrisel lo ka tia,chuvang chuan ka thalai pui te pawh in tui na tak, sumdawnna tlak a siam hi a that zia hre ve ula ka duhsak em em che u. Ka chhungte leh ka thiante bula ka sawi thin chu. Mahni "Own Boss" nih hi ka duh ber ka ti thina, kha mi va ni thei tur pawh khan mi hnuaia, a hniam ber atanga tan kha lo lo ngai tho a. Chuvang chuan hmanhmawh lo in, mahni tum a chiang ran in progress siam hi a pawimawh ka ti.

Baking hi ka tui em em a, 2016 atang khan home baking ka tan a,holiday kan neih apiang in ka haw a order te ka la tan a, ka la zir zawh loh avangin ka la ti tak tak thei lova. Thiamna tha zawk leh experience neih phawt a, Lunglei ngei a keima bakery cafe neih hi ka tum ber a ni.

Kum 2019 thla lai hawl atang khan home baking ka chhunzawm leh thei a, bakery cafe din ka duh avangin HPC buatsaih Leitlangpui Rahbi ah te khan ka project ka theh lut ve a, applicants tam tak zing ah interview te, presentation te nei in vanneih thlak takin winner ka ni ve hlauh a.

He leitlangpui rahbi in a a tum ber chu kut hna thawk te,mahni ke a din tum, micro startup tan puih na pawisa pek ani a. Ka dawng ve hlauh mai a. Ka business start tur hi a capital a lian in a risky ve em em a, sum tamtak a ngaih vangin chhungte pawisa dil tawp ai chuan ka tia ka apply ve kha a nia. Ka dawng kha ka tan chuan challenge tha tak a nia ka lawm em em bawk a ni.

Bakery Cafe hi kan veng Bazarveng-ah hawn ka tum a, icecream live station te, dessert hrang hrang te chhawp chhuah ka tum a. Tleirawl ten hna hemi zara an lo hmuh hi a tangkai ka ring a,ka buaipui tan mek a, he ka project hi Leitlangpui tan than na chi khat a lo nih ngei theihna turin, tih hlawh tlin ngei hi ka tum tlat a ni, a ti.

Lunglei Times
Vri Chawngthu

Post a Comment

Powered by Blogger.