Contact Form

Name

Email *

Message *

Iklan

KAN HMABAK - THIH LEH DAM

ToMZ
11 May 2020, Monday, May 11, 2020 IST
COVID-19 kan buaipuina ni 50 chuang zet a ni ta a, complete lockdown leh partial lockdown-a kan kalpui hnu pawhin kan hmabak hriatthiam a la har hle mai. Tunah hian hri vei awm lohna state niin green zone-ah awm mah ila, kan thenawm state Tripura, Assam, Meghalaya leh Myanmar ramah an pun tual tual rih si avangin thlamuang hman kan la ni bik lo. Kan hmaah hian kawng hnih – thihna leh damna a awm niin a lang a; he kawng hnihah hian eng emaw zawk zawk kan zawh a tul hmel a, chu kawng chu eng ang nge tih ngaihtuah ta ila.
 THIH LEH DAM

DAMNA KAWNG: Covid-19 hri vei awm lohna state kan nih avangin green zone-ah kan awm mek a. Tuna a lan dan chuan ram chhungah kan him a, state/ram pawn atanga lo lut te kal tlanga kan kai a nih loh chuan India ram pumin kan tawrh daih hnuah kan zalen tak tak thei chauh ang. India hi kan hriat angin ram zau tak a ni a, hri kai lohna hmun leh reh leh tawhna hmun eng emawzat a awm chungin tunah hian a ni telin vei thar an pun tam belh zel a ni a. Hei vang hian green zone-a awm tan pawh pawng zalen ngawt theih a ni bik lo.


Thenawm State atanga pur chaw kan nih miau avangin kan mamawh kan seng luhna lamah kan fimkhur reng a ngai dawn. Hri vei thar kan awm lo a nih pawhin kan mamawh thil engkim mai hi a vang chho tial tialin a to chho zel dawn niin a lang a. Chuvangin tha thlah lo va state/international boundary kan neihte kan ven fimkhurt reng a ngai a; ei leh bar lamah pawh kan inrenchem a tul bakah thar rang thlai thar tura hma lak nasat a ngai, hei hi kan damna tur a ni. India ram mi thiam ten June/July velah a vanglai kan hmachhawn chauh turah an ngai a nih si chuan vanneihthlak takin Covid 19 lakah hian kan state hi fihlim mah ila, kan hmabak hi a ko hle a ni.

THIHNA KAWNG: Sawrkhar thuneitu te, Police leh damdawi lam mi thiam te, Village/Local Level Task Force ten theihtawpa hma an lak vangin tun thlengin green zone-ah kan awm theih phah a, a lawmawm hle. Green zone-a awm ta na na na chuan lockdown pawh kan thlah dul a, partial lockdown kalpuiin ni tinin dawr kan hawng a, pawimawh bikah kan chhuak a, thenawm hri vei awmna state atangin ei bar bakah ni tin mamawh chi hrang hrang kan chaw lut chur chur a. State boundary-ah theih angin lo check ve mah ila, a put ru thei tlat.

Hmanni lawkah thenawm state (North East) a tangkhang kan phurh haw atang khan fimkhur zawh sen a harzia kan hre thiam ang chu. Tangkhang phurtu driver-te kha kawng laka chawl lo turin leh an tum ram bak pan lo turin chiang taka hrilh vek an ni a. Amaherawhchu, fimkhur tura driver-te an chah mawlh mawlh chung khan motor pakhat chuan kawng lakah pa pathum an phur nawlh mai a. Kan hriat tirh leh tun hnu thlengin kha thu kha fiamthuah a tawp ta em ni tih tur a nih hi. Engvanga kha thil kha thleng nge a nih? Uluk taka hrilh leh chah thlapte mahin khatianga an tih palh chuan Zoram mipuite dinhmun hi a derthawng a, green zone hi red zone-ah kan kai thuai lo vang tih sawi har tak a ni.
Tunah hian sawrkhar laipui chuan ‘Vande Bharat Mission’ kalpuiin khawvel ram hrang hranga Indian tangkhangte hruai haw hna a thawk mek a, COVID 19 vei tamna ram an nih leh nih loh sawi lovin a hruai haw hmiah hmiah mai a ni. Mizoramah pawh kan Mizo-pui, state pawna awm te hruai luh hna kan thawk ve mek bawk a, harsatna vawrtawp a thlen meuh chuan mahni ram nge nge chu a lo hlu a ni tih a chiang e. A chunga kan sawi ang khian kan fimkhur vek sengin a rinawm lo va; mi 150 zet sawrkhar ruahmanpui loha lo haw ru, khung hranna(quarantine) hmuna awm si lo an awm tihte phei chuan red zone min kawhhmuh tlat a ni.

Vawiin May Ni 11 hian kan PM chuan state tin CM te lockdown chungchang a sawipui dawn a. Hripui hi hlau mah se ram economy an ngaipawimawh lo thei lo va, a tahtawla lockdown atanga chhuah dan tur pawh an sawi dawn a ni. Covid 19 hian a power a thlah thut emaw, amahin a reh thut emaw dawn si lo va. A damdawi lo hmu chhuak ta pawh ni se kan ban phaka a awm hmain tam takin nunna kan chan hman thei tho a ni. A nih loh leh a venna vaccine lah a hma berah September lam lam an tinzawn daih si a, khua a var rih lo a ni ber e.

Hriat chhuah mai loh he natna vei lo awm ta ila, tunah lockdown kan thlahdul avangin zalen khatin kan zalen mek si a. Rei lo te chhungin mi pakhat lek pawhin mi tam tak a kai darh thei dawn tihna a ni. Kan zaithiam hmingthang Daduhi chanchin kha social media lamah kan hmu hlawmin ka ring a. Khawvel ram changkang berte zinga mi UK ah pawh enkawlna lam an indaih theih loh dan te; damdawi in lama inenkawl a duh ngawih ngawih kara a aia na zawk an awm avanga hmun a chan mai theih loh dante kha kan hriain kan lainat em em ang chu.

UK nena khaikhin tlak loh Mizoramah hian sawm rual chauh pawh awm ta ila, engtin nge kan inenkawl ang? Pastor Hruaia atang khan pakhat lek pawh enkawl a hautak dan leh hun a duh reizia kan hria a, kan hmabak pakhat zawk ‘red zone’ ah kan lut a nih chuan kan se pui ruah tuar deuh tlawk tlawk mai a ngaih hmel hlawm a ni. Kan ram dinhmun kan hre chiang tlang bawk a, thihna zone (red zone) lut lo tur hian ‘NANG I HMUNAH, KEI KA HMUNAH” tiin fimkhur i chhuah phawt mai teh ang u.

~R. Lalfakawma 
Seling
Visitor's Voice

Click to Comment

No comments:

Mizo Nula Khal

+