MIZO TANGKHANG TE JHARKHAND STATE ATANGIN BUS 2-IN MIZORAM AN RAWN PAN MEK

May 11, 2020 (MSR) : Tukin zing dar 5:30am vel khan Covid-19 vanga Jharkhand State a Mizo tangkhang te chu Bus pahnihin, ATI-Ranchi khawpui atangin Mizoram an rawn pan mek. Hetianga a Free veka Bus tum saktu hi Jharkhand Chief Minister Hemant Soren hmalakna (Chief Minister Relief Fund) vang leh Mizo pa IAS pakhat, Pu Lalbiaktluanga Khiangte (BT-a), Addl. Chief Secy & Home Dept., hmalakna vang niin an sawi.

India sorkar chuan ram dang (foreign) a a khualehtuite Covid-19 hri leng vanga tangkhangte a phur lut mek zel a, chutih rualin State sorkar tam tak pawhin a khualehtuite chu an State ah lakluh tumin Bus leh Rel te a buatsaih mek.

India ramah Covid-19 vei leh thih pui an pung chho zel a, Mizoram State thenawm Tripura state ah pawh veitu 150 awm tawhin, Assam ah an pung a, Bangladesh leh Myanmar ah an pung chho zel bawk a. Sorkar ruahmanna leh VLTF thupek zawmin, a hma aiin mi tin FIMKHUR zual zel a ngai/CT/.

Post a comment

Powered by Blogger.