Karnataka atanga lo haw te tukin zing dar 4:30 khan Bairabi an lo thlengin, Bawrhsap hovin an lo dawngsawng ani. Gujarat leh Madhya Pradesh atanga lo haw ten Badarpur-ah an lo nghak rih.
Karnataka atanga lo haw zinga hmeichhe 1 chu rinhlelh, Covid 19 symptom a neih avangin a chuanna compartment S-15 a chuang ve dangte nen a hrana quarantine an ni dawn ani. Engmah confirm ala awm lo a, venthawn thilah a hranin Bus ruahman sak an ni a. PCR sample lak sak an ni anga, Aizawl ah sample hi thawn ani ang.
He compartment ah hian Aizawl dist mi 55, Kolasib dist mi 5, Saitual dist mi 1 leh Lunglei dist mi 16 te an chuang a. Kolasib district lo zawng chu Aizawl-ah quarantine an ani ang.
Kan medical team lam te pawh nimin chawhma dar 9 bawr vel atang khan Bairabi ah an awm tawh a, nizan zankhuaa lo nghakin vawiin lamah pawh ruah sur leh sur loh lai pawb sawi thei lovin screening an ti mawp mawp a. A sur tam deuh leh an inseng a, a han deuh hunah an endik leh a, chuti reng reng chuan hun an hmang a. Tunah pawh hian ruah sur vangin engmah tih theih a ni lova, Rel a awm te pawh an rawn chhuk thei chuang lo bawk a, ruah sur ban an nghak tawp mai ni.
Source: Kolasib Times
Post a Comment