Lunglei Chanmari a, Nedfi Office opposite a LEMY G dawr neitunu T. Lalrempuii hi harsatna tam tak sualchhuak a, Diploma in fashion designing zirchhuak a ni a, Pu T. Vanlalsanga (L) leh PC. Lalramnunsiami (L) te fanu Serkawn Lunglei a mi a ni.
Naupangte a nih lai tanga a tuina leh a chak em em thin chu fashion designer hi a ni a, mahni thiam ang angin, puan a thui ve mawp mawp thin a, zirna pangngaia a zir hmain, a ma rin dana a in thui lai chuan, a thil thuite chu han hak chhin pawhin thut that pui theih loh khawpa diklote, ban phar theih loh khawpa thui dik lohte a ni nawk thin.
A tuina ber a nih avangin thiam turin zirna hmun belin a hun a hmang chho a, a tuina zawnah hian a nu leh pate leh chhungten an tuipui a, an support tha em em a, a Nu-in englai pawha a tana a tawng tai puinate, a Pa-in a thiltihna kawnga a tuipui em em na te chuan, a mahah chakna pein hma a sawn phah hle thin niin a sawi. A tan a hlut zia chu tun hnu hian a hrechhuak nasa tulh tulh.
Kum 2012-13 khan Women’s Polytechnic Aizawl atangin Diploma in fashion designing a zirchhuak a, kum 2014 tawp lam atang khan puanthui khawl pahnih nen bul a tan chho.
Kum 2016-ah Bank loan lain a lo in khawl tawhte nen dawr a hawng ve thei ta a, a thawrimna leh inpeknate avangin hmasawn chho zelin tuna a dawr pangngai takah hian kum 2017 khan a insuan lut leh thei ta a ni.
Harsatna tam tak a lo paltlang tawh dan hetiang hian a sawi a : -
Ka eizawnna(fashion designing) kaltlang hian Pathianin dawhtheihna,tlawmna, thuhnuai rawlhna leh a tello chuan harsatna pal tlang harsatzia min zirtir nasa em em a ni.
Hlawhtlin tuma ke ka penna kawngah hian lungngaihna, tahna leh beidawnna tam tak nitinin ka hmachhawn a, ka innghahna Pathian tello chuan tun dinhmun hi ka thlen ka in beiseilo a ni.
Ka hma lamah hmabak tam tak leh hmasawnna tur ka la ngah em em a, mihring hi nitina in zir reng tur kan nih avangin keipawh ka tum te puitlin turin ka bei ve mek zel a ni. Chung zawng zawng zinga pawimawh ber chu Pathian belh tlat leh thawhrimna hi hlawhtlinna a nihzia hi ka tan fung ber chu a ni.
Lunglei Times palaiin, |halaite hnena chah duh a neihte a zawt a, ti hian a chhang : -
Ka thalai puite ka fuih duhna chu kan bultanna chu a te emaw a lian emaw pawh nise tlemte chungah pawh i rinawm theih phawt chuan Lalpan a pek belh zel ang che tih hi a ni. (Mathaia 25:23).
-LUNGLEI TIMES
Post a Comment