PU F. THANSANGA DARZO A AUIN A ṬAP LEH TLAT MAI

ToMZ
25 May 2020, Monday, May 25, 2020 IST
TUKIN CHU PU F. THANSANGA DARZO A AUIN A ṬAP LEH TLAT MAI (24/5/2020)

Hun rei tak a ṭah tawh loh hnuin tukin chu ka pu hi a "Zoram i hun tawng tur i hre silo a maw!" ti a a au bakah a ṭap leh nasa hle mai.

He thu a au kher kher phei hi chu Pathianin Zoram hian hria se tih hi a duh hle niin ka hria.

A chhan chu,nikum July thla a, Aw! Zoram, i hun tawng tur i hre silo a maw! ti a,a ṭah bawrh tuka ka awm ang chiah khan keimah ngei pawh ka awm ve leh zel hi a mak ka ti em em a ni.

Ka awm dan chu....
Nikum a au tuk ang tho khan, tukin zing dar 6 pelh hlek khan ka harh a, engmah tihtur a awmlo,,mut leh ka tum lai chuan, ka thinlungah Pu Sanga te in a kal duhna hi zawite fiah takin a lo thleng leh tlat mai.

Ka tho peih bawk silo, mahse, ka tho ta a, chuti chung pawn in danga len kha ka la chak tlat tho a ni.

Thingpui ka in zo chu ka tho thut a, ka pu te inah chusn ka phei ta a ni. Ka phei a thingpuite ka in a, a chhungte nen kan titi bawrh bawrh lai(nikuma ka awmdan ang) chuan ka pu chu pawnah ṭawnghriatlohin a au nawk nawk hi kan hria a, ka va tlan phei a, video hian ka cover ta a ni.

MAK KA TIHTE:

A mak leh zel ka tih chu, nikuma ka awmdan ang chiah a ka awm te, tuk dangah zingkarah an in ah ka kal zen zen lo, bakah phone ka keng phei ngai meuh lo bawk. Ṭap chunga an in a ka kaih luh lai hian ka pi leh a fate nupa ngei pawn, tukin zing ber kher a ka va kal leh tlat, mak an lo tih thu an lo sawi bawrh bawrh nghe nghe.

Ka pu hian a au zawh chiah hian a au thu hi zawt pawh ni ila, a hre tawh ngailo hrim hrim. Hei hian Pathianin a autir a ni tih min pawm phahtir leh zual ṭhin.

Ka pu hi a au dawn leh dawn loh a hriat lawk ve theih ngai loh, kum khat chuang chu kan inzui ve ta,hnathawk leh thildang tiin ka buai ve ṭhin avangin, an in ah hian ka kal reng hman biklo, a au lai zawng zawng deuh thaw, video a cover hman tura a bula ka awm leh mial zel hi Pathian remruatna fel tak niin ka hria.

A ṭah bawrh bawrh hian in lo khawngaih viau mai thei. Mahse, a ṭah zawh hi chuan amah hi a hlim hlimah hian a ṭang a, kan nui dun leh bâwk bâwk ṭhin. Tin, a taksa zawng zawng a dam vek zel.

Titi ah pawh nise, Lalpan a pek bak a sawi hi ka la hre lo. A thinlunga awm tlat fimkhur taka a sawi erawh ka hriat chin chu a la dik vek mai.





TUNLAIA A SAWI UAR TE:

"Zorama Lalpa mite hi hmunkhatah kan la awmkhawm vek dawn. Hmun khata kan awmkhawm dan tur erawh ka hre biklo, mahse ka chiang a ni".

"Haw runpui neih mek hi, a haw tur an haw kim chuan kan nih tur ang kan ni rup rup tawh ang, inrin reng a ngai"

"Israel thar kan la ni dawn".

"Ṭawngṭai tam hi a pawimawh ber. Kan thinlung hi Pathianin a hmu vek a thinlung thianghlim kan neih a pawimawh takzet. Pathian thuawih hi a pawimawh ber"

"Kan hun hi a khirh tawlh tawlh tawh ang"

"Engpawh lo thleng se, Lalpa mite tan engmah hlauh tur a awmlo, kan lawmna nî tur zel a ni."
tihte a ni.

CHHIARTUTEN MIN LO HRIATSAK ULA KA DUH CHU:

Ṭun ṭum chu uar takin hei hi ka sawi duh. Ka pu au thu i comment uar min lo tih pawn a pawilo e.Kumpui linglet ka inzui ta, a rindan a sawi pawh hi a la dik zel, Putar rilru tluang tak, hetiang taka a au leh ṭap hi thil naran mai mai an kei chuan ka ngai ve theilo a, nangni pawn a au hmanga Lalpan thu min chah hi lo ngai pawimawh hram hram turin ka ngen tak meuh che u a ni.

A au a, a ṭah zawh hian ka haw phei a, chhung inkhawmna ka nei a, Pathian tawk tura inbuatsaih a pawimawhzia leh thildang ber aia Pathian chiah buaipui a hun tawh tih thute sawi a, ṭawngṭaina ka hman hnuin, chaw kan eikham ah, lo chhiar leh video lo thlirtu zawng zawngten thil narana an ngaih loh a,malsawmna,hlawkna an chan ngei theihna a tan, ka pu au ka post tur hi hlanna ṭawngṭaina, ṭawngṭaina In a ka neih hnuin tihian ka rawn ziak ta a ni.

Source: Hriata Fanai, Darzo
Visitor's Voice

Click to Comment

No comments:

Mizo Nula Khal

+