Sawrkar Laipui Sum Ruahmanna Thar

Union Finance Minister chuan Aatma Nirbhar Bharat Abhiyaan hnuaia sector pasarih a Sorkar ruahmanna a kalphung siamthatna turte a puang

A tlangpui

 Hnathawh tur tam zawk siam turin MGNREGS hnuaiah sum vaibelchhe 40,000 ruahman belh a ni.

 Public Health atana sum tam zawk ruahman leh hripui leng thei lak a invenna atana health reforms kalpui

 COVID reh hunah rualkhai taka technology hmang tangkai a zirna kalpui

 IBC kaihhnawih hmalakna kaltlang a awlsam zawk a sumdawnna kalpui theihna tur a ruahmanna

 Companies Act defaults hnuaia phalloh/khap thin chungchang a inngaihnathiamna

 Corporate-te tana sumdawnna awlsam zawk a kalpui theih dan tur

 India ram intodelhna atana Public Sector Enterprise Policy

 State Sorkarte pawisa puk theih zat 3% atang a 5% a tihsan leh State level a kalphung thar siam tura hmalak

New Delhi, 17th May 2020

Prime Minister zahawm tak Pu Narendra Modi chuan May ni 12, 2020 khan cheng vaibelchhe nuai 20 awmna special economic package lian tham tak a puang a. Hei hi India GDP 10% hu a ni. आत्मनिर्भरभारतअभियान / India ram intodelhna movement atana thawkchhuak turin mipuite a sawm a. Aatmanirbhar Bharat innghahna ban pangnga - Economy, Infrastructure, System, Vibrant Demography leh Demand-te a puang bawk a ni.

Aatma Nirbhar Bharat Abhiyaan hnuai a COVID-19 dona atana stimulus package kalpui dan tur puang a thuthar thehdarhtute a kawm vawi 5na ah Union Minister of Finance & Corporate Affairs Pi Nirmala Sitharaman chuan May ni 12, 2020 a Prime Minister Pu Narendra Modi-a'n ram mipuite hma a a ruahmanna siam a puanthu a sawi nawn leh a. Prime Minister kam chhuak sawi chhawngin Pi Sitharaman chuan a ram angin hun pawimawh takah kan mek a ni a ti a. COVID-19 hian kan tana hriat tur pawimawh keng telin kawng thar min rawn hawn sak a. Aatma Nirbhar Bharat din tura hma kan lak a ngaih thu a sawi a.

Pi Sitharaman chuan Aatma Nirbhar Bharat tihlawhtling turin ram leilung, thawktu, liquidity leh dan leh hraite Aatma Nirbhar Bharat package ah hian ngaih pawimawh annih thu a sawi bawk a. Harsatna leh buaina kan tawh hi chonaah ngaiin India ram a intodelh theihna tura tan lak phahna atana hman tur a ni a ti.

Finance Minister hian vawiin khan ruahmanna thar thahnem tak a puan belh leh a. Inkharkhip tan anih hnu lawkah Prime Minister Garib Kalyan Package (PMGKP) puan a ni a. PMGKP hnuaia sum ruahman cheng vaibelchhe nuai 1.70 atangin Sorkar chuan buhfai/wheat a thlawn a semte, Hmeichhia leh kum upa khawsak harsate leh loneitute hnena sumfai a tanpuina pek leh a dangte kalpui a ni. Chak taka ruahmanna siam hi kalpui niin ngawrh taka vil chhunzawm reng a ni a. PMGKP hnuaiah hian khawsak harsa zawk vaibelchhe 41 velin chhawmdawlna cheng vaibelchhe 52,608 an dawng a. Finance Minister chuan tanpuina pekna atana hian Direct Benefit Transfer (DBT) hman anih thu pawh a tarlang a. Hetiang ruahmanna chak taka an tihhlawhtlin theih chhan hi kum rei vaklo kalta atanga hmalakna hlawhtling an lo kalpui tawhte avang a ni tih pawh a sawi bawk a ni.

Hemi bakah hian State-te hnenah buhfai/wheat metric ton nuai 84 leh pulse metric ton nuai 3.5 chuang thawnluh tawh a ni a. Harsatna hrang hrang awm karah buhfai/wheat leh pulse tam tham tak buaipuitu FCI, NAFED leh state-te thawhhona fakawm a tih thu Pi Sitharaman chuan a sawi bawk a ni.

Sorkarin ruahmanna thar a siam puanchhuah tum 5na leh a hnuhnung ber tur puangin Pi Sitharaman chuan hna siamturte, sumdawngtute chhawmdawlna turte, sumdawnna awlsam zawk a kalpui dan turte leh state sorkar bakah Education leh Health sector atana ruahmanna kimchang pasaih a sawi .

1. Hnathawh tur tam zawk siam turin MGNREGS hnuaiah sum vaibelchhe 40,000 ruahman belh a ni.

Sorkar chuan MGNREGS hnuaiah cheng vaibelchhe 40,000 a dah belh leh dawn a. He sum hmang hian vaibelchhe 300 dawn lai ni khat thawhhlawh siam belh a ni thei dawn a, Fur laia hnathawh tur vang thin hre reng chungin migrant worker mahni khawlama hawte tiamin hnathawh tur mamawhte’n thawh tur an neih theihna atan siam belh a ni a. Thingtlang mite tharchhuah a lo pun theihna turin tuihna humhalh tiamin nitin khawsakna atan a mamawh thil tangkai leh tlo zawk a tam thei ang siam tum a ni.

2. Health Reforms leh Hmalakna dangte

Hmun kilkhawr zawk a health institution-te tihchangtlung nan leh thingtlang leh khawpui chhung a Health and Wellness Centre-te thuam thatna atan Health lama senso tihsan tum a ni a. District tin a of Infectious Diseases Hospital Block din leh hripui leng laka invenna atan lab network tihchak leh district tin a Integrated Public Health Labs leh block level a Labs leh Public Health Unit-te chak zawk a hrileng zawng chhuak thei tur a thuam chak an ni dawn a. Hei bakah hian ICMR hnuaia One health hmanga National Institutional Platform in zirchianna lamah hmasawnna a thlen dawn a. National Digital Health Mission hnuaiah National Digital Health Blueprint ruahman a ni bawk.

3. COVID reh hunah rualkhai taka khawl hmang tangkai a zirna kalpui

PM eVIDYA, digital/online education programme chu hman thuai tura ruahman a ni a. Manodarpan – zirlaite, zirtirtute leh an chhungkuate’n rilru hrisel leh ngaihtuahna hrisel an neih theihna atana psycho-social support pekna tura hmalakna pawh hman thuai tura ruahman a ni a. School, zirlai naupang zawk leh zirtirtute tana National Curriculum leh Pedagogical framework thar pawh peihfel thuai a ni dawn a. Kum 2025 hma a naupang zawng zawngte’n zirna in rap a pawl 5 thleng an kai vek theihna tura hmalakna National Foundational Literacy and Numeracy Mission chu December 2020 a hman tan tura ruahman a ni.

4. IBC kaihhnawih hmalakna kaltlang a awlsam zawk a sumdawnna kalpui theihna tur a ruahmanna

Sumdawnna tlachhia (insolvency) proceeding tithei tura minimum threshold chu cheng vaibelchhe 1 ah tihsan a ni a (cheng nuai 1 a ni thin). MSME-te tan Code Section 240A hnuaia Special insolvency resolution framework chu tihchhuah thuai tum a ni.

Hripui leng dinhmun a zirin kum khat chhung atan insolvency proceeding thar siam titawp lailawk a ni a. Code a leiba hrilhfiahna default ah COVID 19 kaihhnawih leiba chhiar tel lo tura thuneihna Sorkar laipui chuan a nei a ni.

5. Companies Act defaults hnuaia phalloh/khap thin chungchang a inngaihnathiamna

CSR reporting a tihsual tenau, Board report famkimlo, defaults filing, AGM holding tihkhawtlai tiamin technical leh procedural defaults a Company Act dan kalh a thiltih awm thinte chu inngaihhnathiam a ni tawh dawn a. He siamthatna kalpui tum hian criminal court-te leh NCLT inrawlhna a titlem dawn a. Compoundable offence 7 chu a zavai a paih a ni ang a, 5 dang chu framework dang hmang a chinfel tura ruahman a ni.

6. Corporate-te tana sumdawnna awlsam zawk a kalpui theih dan tur

Ruahmanna thar pawimawh zualte chu:

• Phalna hnuaia rampawn lam thuneihnaah te Indian Public company-te tana direct listing tih.

• Private company zinga stock exchange a NCD list tute chu listed company anga chhiar an ni lovang.

• Companies Act, 2013 a Part IXA (Producer Companies) of Companies Act, 1956 provision-te tih tel.

• NCLAT tana additional/ specialized benches siam tura thuneihna

• Company tenau, mimal din Company, Producer Company-te & Start Ups tana default zawng zawng a penalty tihhniam.

7. India ram intodelhna atana Public Sector Enterprise Policy

Sorkar chuan policy thar a puang ang a, chutah chuan -

• PSE neih mamawh strategic sector list tihchhuah a ni ang

• Strategic sector-ahte enterprise pakhat aia tlemlo chu public sector anni chhunzawm ang a, private sector pawh phal an ni ang.

• Sector dangah chuan PSE-te chu mimal kutah hlan anni ang (a remchan dan ang a kalpui tur a ni ang)

• Sorkar inrelbawlnaah tullova insen ralna titlem turin strategic sectors ah enterprise pakhat atang a pali dah an ni ang a; a dangte chu mimal kut a hlan/chhun fin/ company hnuaiah dah an ni ang.

8. State Sorkarte chhawmdawlna

Sorkar laipui chuan State sorkarin sum an puk theih chin chu 3% atangin 5% ah kum 2020-21 chhung hian a tisang a. Hei hian State-te tan cheng vaibelchhe nuai 4.28 neih theihna a siam belh sak dawn a. Pawisa puk theih zing a thenkhat hi chu ruahmanna thar bik kaihhnawih (Finance Commission rawtna te tiamin) an ni a. A Ruahmanna thar kaihhnawih hi pali a then a ni a: ‘One Nation One Ration card’ kalpuina turte, sumdawnna awlsam zawk a siamna turte, Power distribution leh Urban Local Body revenue-te an ni. 

A hnuai a tarlan zulzui hian Department of Expenditure chuan scheme kalpui dan tur a tichhuak ang:

• Condition awm lova punna 0.50%

• Ruahmanna pali atan 0.25%, ruahmanna palite hian reform action mumal, teh theih leh tihpuitlin theih an nei vek tur a ni.

• Reform kalpuina pali zing a pathum talah hlawhtlinna a awm chuan 0.50% Finance Minister chuan Aatma Nirbhar Bharat atana ruahmanna siam hrang hrangte then hrandan tarlangin a thusawi a titawp a ni.  

Source: AIR Aizawl/PIB