~Atea Thihlum
(1) Delhi leh Mumbai ami restaurant belhkhawm aia tam, London ah Indian restaurant a awm.
(2) Ni heltu Planet zinga lum ber chu, Venus a ni a, a pawnlang sat zawng chhut a nih dan chuan, 864°F (462.222°C) a ni hem mai.
(3) India leh Pakistan indona lar tak 'Kargil War' lai khan, India chuan US hnenah India sipai awmna hmuna GPS Navigation Data pe turin a ngen a. Mahse US chuan a lo hnar thung, tunah chuan India chu mahni puala GPS nei thei ram 5 zingah a tel ve ta vâng mai a ni. Ani bakah hian, US, Japan, China leh Russia ten GPS hi an nei.
(4) Oct, 2018 khan archaeologist te chuan Pocklington, Yorkshire a in an sakna tur hmunhma ah, kum 2500 zeta upa sakawr tawlailir, sakawr leh a khalhtu an hmuchhuak.
(5) Indopui 1na a British sipai thi hmasa ber chu, John Parr a ni a, thi hnuhnung ber chu George Ellison a ni. An 2 hian Belgium Cemetary ah phûm an ni.
(6) Nick Vujicic chu Australian Christian evangelist a ni a, kutke neilova piang a ni. Hetichung hian Painter, Swimmer, Skydiver leh mi fuihphurtu (motivational Speaker) a ni thei !
(7) Shanghai, China rama tlângah te chuan, boruak sang takah riahbûk an sual (Sky Camping) nia mawle !
(8) Alien luruh niawm tak chu, Peruvian desert a pûkah an hmuchhuak.
(9) International Independent University of Ecology and Politology, Moscow ami Dr.Alexander Koltypin Geologist & Director of the Natural Science Research Center mithiam chuan, Motor tlan kawng kum 12million-14milion zeta upa chu Turkey leh Spain hmun ṭhenkhatah a awm thu a sawi. Motor kawng hi lunghmun te a ni.
(10) McDonald's a hnathawk nawlpui mipakhat thla 7 hlawh belhkhawm hi, an CEO darkar khat hlawh.
(11) Hmeichhe rilru put hmang (mood) hi, 0.0003 sec.lekah zu in thlak thei a !
(12) Michigan State University a, Professor 1 chuan ni chakna lo la khawl thei (solar panel) langtlang thei a siam a. Hei hian in pumpui chawm thei khawpin hna a thawk thei, khawvela a hmasa ber a ni.
(13) Ancient Egyptian ho chuan mitdel tihdam an lo tum tawh ṭhin. Chuta tan chuan vawk mit, hlum sen leh khawizu te an rawt kawia, chu chu mitdel bengchhungah an hnawh lut ṭhin.
(14) US a Chinese restaurant upa ber tunthlenga la kalpui reng chu, kum 1911 daih tawha hawn ṭan Butte, Montana ami 'Pekin Noodle Parlors' a ni.
(15) Ṭumkhat chu sangha mantu pakhat hian, Palawan Island, Philippines tuipuikamah 34kg zeta rit tuikep lunghlu hi a chhar a. Enge anih hrelovin a khumhnuaiah kum 10 chhung zet vanneihna thlentu atan tiin a lo dah ṭha vel mai mai. 2ft a sei a thil chhar lunghlu chi 1 hi $100 million man lawih a lo ni reng !
(16) Maldives tuihnuai 16ft.ah chuan khawvela tuihnuai hotel hmasa ber a awm. Zankhat pindan luah man hi $50,000 (₹ 3785875) chauh a ni.
(17) Manipur ami Loktak dil hi, India hmarchhaka diltui thianghlim lian ber a ni. He dilah hian hnimṭo kualna thil bial lâng a awm thluah mai.
(18) Awle te hi chak deuhin an tlan thei a, mahse rang takin an in her vut theilo thung. Awle in a ûm che a nih chuan, 'zig zag' in i tlan mai dawn nia.
(19) Animated film lar tak 'Beauty and the Beast' hi, hmeichhia ten pasal neih an harsat loh nana ziah a ni.
(20) Kan hmui leh hnar inkar ami hnapthlenga rîn 2 inkar huamchhung hi 'Philtrum' an ti.
(21) Kum 2012 khan 'Pizza Hut' chuan, Pizza tharlam tak a bawm chhunga awm rim ang chiah hi 'Perfume' an tlangzarh.
(22) Harry Potter thawnthu a HoGwart's express chu, Scotland ah a tak takin a lo awm reng.
(23) He pa 'rap' hi i duh emaw duhlo emaw, a tunhma chanchin erawh a buarchuar ve hle. A pa in a kalbo san a, 9th Grade ah vawi 3 tawp a hlawhchham, an sikulah tihduhdah a ni a, a hnuah a nupuiin a bum bawk, anu in a hua a, drug addict a ni zui ! Heng zawng zawng hi a hringnun vêt hnawktu nimahse, vawiinah chuan 'Eminem' hi, englaipawha Rapper hlawhtling ber niin, kumin 2020 hian $230 million zet sum neia chhut a ni.
(24) Indian/Asian leh mi ngo nilo (non-white) zinga, Nobel Prize (physics) dawng hmasa ber chu, C.V. Raman a ni.
(25) Kum 1940 chho a thlalak pakhat, German lawng piaha sangha lo lang chu, shark chi mang tawh 'Magalodon' niin Scientist tamtak chuan an ring !
Post a Comment