Chanchinthar Ateipa Chhakchhuak|Samthang 29.6.2020 8:00AM: Nimin lamah mithiam Hriata Chhangte hovin rei tawk kan titiho a, lirnghing chungchanga kan hriat loh ngaihnawm tak tak kan ngaithla a. He kan lirnghing pawhin min kiansan hret hret nia a lan avanga kan lawm hle laiin ni 28.6.2020 zan dar 11:23 ah a rawn nghing leh dawt mai. A va mak zo zai tak em.
MAK VE DEUH CHU:
Kan bial chhunga lirnghing mek hi a nghin zat kan chhinchhiah dan a in anglo zut mai a. Keini khuain vawi 30 vel nghing tawha kan hriat laiin kan ṭhenawm Khawbung khua chuan vawi 40 vel nghing tawhin an chhinchhiah a. Vaphai lam pawhin vawi 35 vel nghing tawhin an chhinchhiah thung. Tin, khaw hmuna awm pawhin a nghin zat kan chhinchhiah dan hi a in anglo ve bawk. A chhan chu In chhunga awm laia lir a rawn nghin a hriat loh theih loh anih laiin Motor chhung aṭang chuan hriat a har em em a, pawn/mual vela awm lai pawhin a nat viau loh chuan hriat a har ve khawp mai.
MITHIAM TE SAWI DAN CHUAN:
Mizoram hi Zone V a awm kan nih avangin englai pawha lirnghing tuar thei dinhmuna ding kan ni. Tuipuiral bial chhunga lirnghing mek hi nghing miahlo ta se a in chhekkhawl anga, nakinah tun aia na zawk leh rapthlak zawk, chhiatrupna thleng thei khawpa rawn nghin tur anih avangin Tuipuiral bial chhunga hetia a rawn nghing hian kan Zoram hi in chhanhim a ni tiin mithiamte chuan an sawi tlat mai.
"Lirnghing hi hlauh loh theih loh, hlauh hleih theih loh a ni a. Chiai lutuk hian sawtna a nei miah lova, lirnghin duhna rama cheng kan nih avangin hmachhawn dan kan thiam angai a, ngaia kan neih ngei ngei angai a ni" tiin kan mithiam Hriata Chhangte chuan a sawi a ni.
A NGHIN CHAM KARKHATNA
Tukin zing dar 4:11 hi na taka a rawn nghin cham karkhatna chiah a ni a. He hun tukin zing dar 4:11 ah chiah na vak lovin a rawn nghîng leh a. Tun dinhmun a a nghin hnuhnun ber a la ni rih e.
Sam 60:2, Sam 62:6 He ram hi i tikhûr a, i tikhi ta a; a kakte chu siam ṭha leh ang che; a nghîng a nghîng si a.
Amah chauh chu ka lungpui leh ka chhandamna a ni; ka kulhbîng sâng a ni a; ka nghing lo vang. #Pic: File Image
[ToMZ is dedicated for archive and exposition of Mizo affairs to the rest of the world. Informations obtained are re-posted 'as-is' basis as a digitization initiative so as to make accessible to all through online surfing. Due credit is given to all author/owner except those which cannot be ascertained]
Post a Comment