BCM RAMTHAR QUARANTINE CENTRE A MI TEN CHAW NGHEI AN TUM

ToMZ
16 Jun 2020, Tuesday, June 16, 2020 IST
BCM Ramthar Lungleia Quarantine lai mek hmeichhia te chuan an result an hriat theih loh avangin tukin atang hian chaw nghei an tum niin kan thudawnna chuan a sawi.

BCM CQC a awmlaite hi Dt 31.5.2020 khan JNV Pukpui lo thlengin hemi zan zankhua hian an throat swab sample lak sak an ni a. June 1, 2020 ah BCM Ramthar Quarantine Centre ah dah luh an ni a, Quarantine Centre-ah hian room khatah hmeichhia 10 awm in bathroom 3 an inhmantawm a ni.


An sample result chu June 4, 2020 ah a chhuak a, an roommate pakhat chu a lo positive a, ani hi CCC, Pukpuiah lak chhoh a enkawl a ni. June 6, 2020 khan Positive ta bula ni 4 in quarantine tawhte sample hi lak that leh a ni a, hei hi vawiin thlengin a result an la hre thei lo a, Lunglei District result zawtfiah tura State Nodal Officer in a ruat pawhin tukin ngaichang turin a hrilh a, chhanna a pe thei bik lo.

An rilru a mangang in zan an mu thei lova, chaw an ei hlei thei lova, an chhungte pawh an rilru a mangang takzet tawh a ni.

BCM Ramthar Quarantine Centre a positive roommate te hian ni 10 zet an result an nghah hnuah an beidawng in an hlauthawng em em a, an dinhmun dik tak hriat chhuah anih vat theih nan tukin atang hian chawnghei an tum a. An dinhmun hriatchhuah anih thuai theihna kawngah mualpho an pawi ti lova, positive pawh nise tunge annih miin an hriat pawh pawi an ti lo niin thu kan dawng.- Gilbert Renthlei @Lunglei Chanchinthar


Hetih lai hian Mizo Gospel Singer lar Bethsy Lalrinsangi leh a pasal Upa Lalhriatpuia Chawngthu te chuan Lunglei District chhunga Quarantine Centre-ah rawngbawlna an neih thin thu, Bethsy facebook page atangin kan hmu a. Quarantine Centre-a awm mekte tan Pathianin an nupa hian a hman ngei kan ring tlat a. Rawngbawlna tluang taka an kal zel theih nan duhsakna kan hlan bawk a ni.
Hun khirh tak karah rin loh tak maiin Lalpa’n heti zawnga rawngbawlna hun hlu leh hriatreng tawh tur kawng min hawnsak leh hi a ropui kan ti hle a ni...Lunglei Quarantine Centre hrang hrang ah Dinhmun khirh leh rilru hrehawm tak tak a awm mêk te tâna thlamuanna, thu leh hla hmanga hun kan hmang thei hi kan nupa tan chuan Mel lung pawimawh tak ava ni em!! Theihtawpin bâng lovin Lalpa i au zêl ang u...🙏🙏
#Lungleiquarantinecentre #quarantineministry#worthministry#ministrydiary



Visitor's Voice

Click to Comment

No comments:

Mizo Nula Khal

+