Quarantine zingah tel ve ta la - Lalnghinglova Hmar

ToMZ
12 Jun 2020, Friday, June 12, 2020 IST
Pawn lam atanga kan rin phak bâk hian an rilru a hahin ka ring ta tlat mai. An hnathawhna leh zirna hmunah awm reng theih a ni lo. Sikul leh college an khar a, an eizawnna a tawp a, Vairama awm reng chi a ni lo - an pianna rama an haw a ṭul.

An awmna state ṭheuh aṭanga an rawn haw dawn kha chuan phûr takin Mizoram an pan ngei ang - mahni rama haw tluka nghahhlelhawm hi a tam lo.

Tunah an ram an thleng ta a, rilru a hah dâwn chauh mai! An hawpuite ngei an positive tih an hre tawh a, a ṭhen chu quarantine-na hmuna an chenpuite pawh an positive ta hial mai - an bula mu leh an ruala châw ei ṭhin an positive hnu zet hi chuan an rilru hahna a thuah hnih tawh ngei ang.

A tirah hetiang em thlenga an rin loh avangin haw kawngah leh inkhung hranna hmunah an lo fimkhur kim seng bîk lo nen, tunah zet chuan, "Engtikah nge min test ve ang?" tih leh, "Ka swab sample an lâk hi test result engtikah nge a chhuah ang?" tiin hlauthawng reng rengin an awm ngei awm si...

Pawn lam aṭang chuan an Mizopuite ngei hi chuan bei zui tawh lo ila, keimahni ang bawkin Mizoram hi an ram a ni.

'State pawn aṭanga rawn haw ho' tiin kawk zui lo ila, an duhthusam angin awm se tunge hri rawn hawn duh ang? Tunge hri kai nih duh bîk ang?

Mizo vek kan ni a, unau kan ni e - damlo chu kan kan ṭhin a, harsatna tawk chu kan inpui tawn ṭhin a nih kha. Quarantine-na hmuna awm Mizo unaute kan hre reng che u a nia.
kan unaute an ni

Visitor's Voice

Click to Comment

No comments:

Mizo Nula Khal

+