NULA HUAISEN 3 COVID19 DO TURIN

ToMZ
13 Jun 2020, Saturday, June 13, 2020 IST

Nula 3-in hlawh phut lovin Covid 19 dona a thawk turin an inpe


Nl. Laldinpuii ( 22) D/O Pu. Zoramchanthanga, Kikawn, Bazar Veng Lunglei chuan nimin atang khan Covid 19 Positive te tan Voluntary a, enkawl hna thawk turin a in pe. Nula fel leh ruihhlo lak a fihlim a ni a. Midangte tan mal sawmna ni turin a in pek thu a sawi, Covid 19 Positive te enkawlna tur a, a inpekna ah engmah lawmman leh hlawh abeisei miah loh thu a sawi chiang nghal bawk . Amah hi, Diploma in Medical Laboratory Technician a ni. 
NULA HUAISEN 3 COVID19 DO TURIN

Tlabung Chawnpui Venga Nl C Lalthanpuii, Dr. CT Lalruatthanga fanu chu Covid-19 hri leng mek dona tura tih tur tul awm apiang thawk turin hlawh phût loin nimin khan a inpe. Damlo enkawl ngai buaipui bakah, hna tûl dang tih tur awm apiang thawk tura inpe Nl C Lalthanpuii hian kum 2018 khan General Nursing and Midwifery (GNM) a zirchhuak a, a pa Dr. CT Lalruatthanga hi Baptist Church of Mizoram hnuaia hun puma rawng bawl tura inpe Missionary niin, Tlabung Chawnpui vengah an khawsa mek Tlabung Senior Medical Officer Dr. R Lalnienga chuan, tun dinhmunah Tlabung Sub-District Hospitalah staff nurse pali, a nghet pahnih leh a nghet lo pahnih chiah an awm mek avangin, hlawh phut loa a tul apiang thawh inhuam Nl C Lalthanpuii chu an tangkaipui hle dawn tih sawiin, a inpekna chhuanawm an tih thu, a sawi a ni. 

Nl. Salemthari d/o H. Lalthankima Rahsiveng pawhin, hlawh engmah phut lovin Covid 19 dona a tana a tul apiang thawk turin a inpe a, nimin atang khan Cvil Hospital Lungleiah hna thawk tanin, nimin khan Screening neihna hmuna thawktute a thawhpui nghal. #LungleiTimes

[ToMZ is dedicated for archive and exposition of Mizo affairs to the rest of the world. Informations obtained are re-posted 'as-is' basis as a digitization initiative so as to make accessible to all through online surfing. Due credit is given to all author/owner except those which cannot be ascertained]
Visitor's Voice

Click to Comment

No comments:

Mizo Nula Khal

+