Cancer natnain a tihbuai mek laia Covid-19 hripuiin a man, dam leh ta Pi Zochhuansangi Ralte CV chanchin hi a va ngaihnawm em
"A ni, thih mai chauh hmabak tawhin kan inhria a, mahni inring lova, Pathian, mitthi kai thotu chu kan rin zawk theihna tur a lo ni.
"Chutianga thihna rapthlak ata chu Pathianin min chhanchhuak tawh a, min la chhanchhuak leh ang; min la chhanchhuak leh zel dawn tih, amahah chuan beiseina kan nghat a." 2 Korinth 1:9-10
Vawiin hi Pathian khawngaihna a zarah, Cancer avanga zai ka tawh atanga thla 1 na alo ni ve ta der mai! Kan nun ka thlir let a, kan nun engkimah Isua alo tel vek a lo ni. Ka hriatloh leh ka ngaihtuahloh lai pawhin A hmangaihna ban chuan min lo chelh reng a. A khawngaihna avang chauh a Vawiin Ni hruai thlen ka ni.. Amah avangin kan nung, kan che, kan awm a ni si a. (Tirhkohte 17:28)
Cancer piahlamah Corona Virus avanga buaina kan tawh lai pawhin Kan Pathian chu a ngai reng a, ka hlim viau lai leh ka lungngaih viau lai pawhin Ani chu a danglam ve ngailo! A Vantirhkoh tam tak hmangin min hmangaihzia min hmuhtir thin a, Natna kaltlangin kan tan a rinawmzia min hriattir a, Harsatna hmunah a thiltihtheihzia a takin min hmuhtir fo thin.
A khawngaihna vang liau liau a Thlarau, Rilru, Taksa damna changa, vawiin thleng a a hruaina ropui tak changtu,hmu tu leh hretu a min hmang ve duh hi lawmthu sawi mai loh chu tihtur dang kan lo nei lo e!! Kan zui Lalpa hian Min thlahthlam ngailo, kan tan a rinawm fo thin.. Ka thlang nawn zel fo ang che Lalpa!
II Korinth 12:9 Tin, ani chuan ka hnenah, “Ka khawngaihna i tan a tawk e; ka thiltihtheihna hi chak lohnaah asin tihfamkimin a awm ni,” a ti ta a. Chutichuan Krista thiltihtheihna chu ka chunga a awm theih nan lawm em emin ka chak lohnate hi ka chhuang tawh zawk ang.
Post a Comment