CHHIATNA THLENGAH MI 21 THI

ToMZ
3 Jun 2020, Wednesday, June 03, 2020 IST

Tunlai ruah nasa taka a sur vangin hmun hrang hrangah chhiatna a thleng a. Assam-a Barak Valley districts pathum - Cachar, Hailakandi leh Karimganj ah mi 21 in nunna an chan.

Thi te hi Cachar-ah mi 7, Hailakandi ah mi 8, Karimganj ah mi 6 an ni. Thi zingah hian naupang 8 an tel. 

Tuilian leh leiminin chenna in a hnawl a. Covid19 hrileng karah mitlawmngaite’n theihtawp chhuah a an zawn hnuah an vai hian hmuh an ni. 

Cachar district bikah chhiatna thlenna hmun hi Joypur, Lakhipur Sub-division huamchhung niin, mi 7 thi te hi chhungkaw khata mi vek an ni. 

Barak Valley landslide
Silchar MP Dr. Rajdeep Roy,  MLA Mihir Shome , MLA Rajdeep Goala ,DC Ms Keerthi Jalli, SP M Debroy, BJP Cachar District President Kaushik  Rai leh official ten chhiat tawhna hmun hi an tlawh nghal a. Assam Chief Minister Sarbananda Sonowal thurawn angin cheng nuai 28 zangnadawmna Ex-Gratia thi chhungte an hlan nghal bawk.

Barak Valley-a chhiatna thleng chungchang hi India Prime Minister Narendra Modi chuan lo hriain, a tawrhpui thu a sawi a. Assam Governor Jagdish Mukhi pawhin thi te sunna thu a sawi ve bawk. Assam CM chuan district administration te chu a rang thei ang berah zangnadawmna pe nghal turin a hrilh bawk.
Visitor's Voice

Click to Comment

No comments:

Mizo Nula Khal

+