CHHUNGKAW ZIRLAI 20-NA

ToMZ
29 Jun 2020, Monday, June 29, 2020 IST
Chhungkaw InkhawmI ṬAWNGṬAI ANG Aw Lalpa kan zirlai, Lota te chhungkua aṭang hian chhungkaw thar min buatsaih ang che, Isua hmingin. Amen.

LOTA TE CHHUNGKUA
(Genesis 11,14,19) Lota hming awm zia chu "Khuh" tihna a ni a. Malsawmna in Ur khua aṭangin bul a ṭan a, buaina (Sodom leh Gomorra) in hun an khar thung a ni.

LOTA: Abrama unaupa Harana fapa a ni a. Farnu pahnih Milkah leh Uskah a nei a, a nu leh a pate hian an boralsan hma a.Tera tupa, Abrama te chhungin Ur atanga an pem chhuahpui a ni.

Lota nupui hi a chhe zawngin a lar hle mai a, a hming pawh hi Bible ah a in ziak lova, Juda thawnthu ah chuan Adithi emaw Irithi tiin a in ziak. Amah hi mithiamte chuan Sodom khaw mi niin an ngai a. Lota hi a tuten an that a ni. (2 Chronicles 24:26)

LOTA NUNAH ENG NGE KAN HMUH
1. Pathian malsawmna lo pung avangin Abrahama leh Lota te an ran pute inkar ah intih buaina lo awm avangin inṭhen hran a lo ngai ta a ni. (Genesis 13:-1-2) Pathian malsawmna hi buai nan i hmang lovang u.

2. Pathian râwn lovin phairuam tui tamna leh hmun ṭha, a ran rualte tâna ṭha tur a thlang ta zawk a. (Genesis 14:1-16) I kawppui, eizawnna te hi Lalpa hnena i dil leh hmuh a ni em? Nge thil dang vanga i hmuh zâwk?

3. Lota leh a chhungte hmelma in an mante Abrahama'n a mi huaisente nen an chhan chhuak. (Genesis 14:1-16)

4. Pathian duhdan aiin a nupui leh fate duhdan angin a awm tam ta. (Genesis 19:1-8)

5. Pathianin tlân tura a tihna hmun, an himna turah tlân lovin rawtna dang alo nei a,  a va pawi teh lul em!

Hemi avang hian eng nge an chhungkaw chungah lo thleng i han thlir teh ang -
• A nupui chi khâwnah a chang. (Genesis 19:12-26)

• Zu a in phah a, chu mai ni lovin a fanute pahnihin a lak ah fa an hrin phah. Israel hnam hmelma Amon leh Moab thlahtute an lo ni ta a ni. (Gen 19:30-38) Pathian programme i her dang lam lo ang u.

6. A fanute pahnih pasal nei tawhte bulah kal a Sodom leh Gomorra tih chhiat Lalpa'n a tum thu a hrilh khan "fiamthu ang lekin an lo ngaihsak. (Genesis 19:14)

Pathian ṭhahnemngaihna kan rawngbawl puite kaltlang a sawm/kohna kan dawn hian ila urhsun hle ang u. Fiamthu ah i ngai lo ang u.


LOTA NUPUI ATANGA ZIRLAI
1. Pathian thupek angin phaizawl ah din phal a ni lo.(Genesis 19:16)

2. Hnunglam hawi lêt tawh loh tur a thu pek a ni. (Genesis 19:17)

3. Vantirhkoh in a kut ah vuanin tlanchhuah pui mahse, a rilru leh thinlung chu khawvel thila a khah tlat avangin a tlan chhuahsan lam a hawi kir leh avangin CHI LUNG ah a chang ta an ni. 

Hnung tawlh a hlauhawm zia Luka 17:31, Zephania 1:12, Thupuan 3:15 leh Ezra 7:26 ah te kan hmu.

4. Mi felte bula awm ringawt hi himna a ni lo. (2 Petera 2:6-8). Lota pawh Pathian mithlan Abrahama bulah a awm a, mahse chu chu amah leh an chhungkaw tân himna a lo ni miah lo.

5. Chhungkaw hlim leh chak, leh chhungkua venghim turin "NU ṬHA" kan mamawh vek a ni.

Lota nupui hi a hming ka lo phuah sak ve a, 'Pi Vanlalkhawvelhmangaih thangzuali' tiin.

ABRAHAM NGENNA COUNTDOWN
Lalpa hnenah mi fel 50 aṭanga 10 thleng an awm chuan hrem lo turin a dil sak a, mahse 10 pawh an awm ta si lo. Pathian thinurna rapthlak tak, mei leh kat (hremhmun entirna pakhat) chuan hrem leh tih boral an ni ta.

Tunah hian kan chhungkua ṭheuhah hian rorelna rapthlak tak lo thleng tur hi a chhuk zawngin chhiar thlak (countdown) mek a ni a. Kan inpeih in kan inring em?

Pathian anchhia leh hremna rapthlak ber, Kraws a kan tana a nunna hlan tu Isua hming leh thisen hi kan la ngainep reng a nih chuan kan chan tur hi Sodom leh Gomorra ai hian a la rapthlak dawn a ni.

SODOM LEH GOMMORA  HREMNA CHU
Hmanlai chanchin zirmite (archaelogist) chuan Sodom, Gomorra, Adma leh Zeboim khawpui pali te a MEI LEH KAT hmanga Pathian in a tih chhiat takte hi mihring nuai 15-50 inkar vel an nih an rin thu an sawi a. Helai khaw hnaivaiah chuan Zoar chiah hi tih chhiat a ni lo. (Genesis 13:10)

Heng Pathianin a hremte hi sualna khawpui, hmeichhia leh hmeichhia innei, mipa leh mipa inkawp leh ngilneih lohna khawpui te an ni.

Kum 4000 kal ta a Sodom leh Gomorra leh a bulhnaia khawpui Pathianin mei leh kat hmanga a hremna hnuhma chu tunah pawh a takin a hmunah hmuh theihin ala awm reng a sin.

THUTHLUNG HLUI (OT) a Sodom leh Gomorra lanna te -
Deuteronomy 29:22-23, 32:32-33;
Isaia 1:9-10; 3:9; 13:19-22;
Jeremia  23:14; 49:17; 50:39-40;
Ṭahhla 4:6;
Ezekiela 16:48-50;
Amosa 4:1-11;
Zephania 2:9.

THUTHLUNG THAR (NT) a Sodom leh Gomorra lanna te -
Matthaia10:1-15; 11:20-24;
Luka10:1-12; 17:28-30;
Rom 9:29; 
2 Petera 2:4-10;
Juda 1:7;
Thupuan 11:7-8.

SAWMNA HMANHMAWHTHLAK
1. Tunlai thil awmzia kan hria a. Mithiamten an sawi dân chuan kan Zoram leilung hnuaiah hian khi chat hmun 21 ah a awm a.

Lir a nghing a, kan veng, kan khua leh kan chhungte zawng zawng nen tunah hian lei hnuaia pil vek thei dinhmunah kan ding mêk.

Tunah hian khawvel pumpuiah hripui a leng mek a. Mi thianghlim lawr a hnai tawh a ni lo maw? Mi thianghlimte hi lawrin lo awm ta se, kan chhungte leh kan ṭhiante vanah hruai chhoh in an awm ang a, keini hi a lawr hmaihah ṭangin chhungte hi kan zawng kan zawng ang tih a va hlauhawm êm!

Khawvel pum huap accident rapthlak, Lalpa rorelna a thleng ṭep tawh a, kan chhungkua hi chhandamin kan awm em? Tih tak zeta chhungkua a Lalpa lam hawi hun a ni ta e.

2. Tunah khan i chhiar mek lai leh i ngaihthlak mek lai khan i sual te simin Lal Isua Krista hi lal leh chhandamtu a pawm tur leh Isua hnena kir leh turin tih tak zet min ka sawm che a ni.

Tunah khan thutlukna siam nghal ang che. I tlai palh hlauh ang e. (Rom 10:-9-10; Thupuan 3:19-20)


SODOM LEH GOMORRA HRERENG RAWH

Matthaia 6:9-10 - "Lei a sulrul leh tuiekin a ei chhiatnaah, rukruten an rehpawha an rukna ah hian, in tan rote khawl khawm suh u. Vanah, sulrul leh tuiekin a ei chhiat lohnaah, rukruten an reh pawha an ruk hek lohnaah chuan, in tan rote khawl khawm zawk rawh u."

I ṬAWNGṬAI ANG
Aw Lalpa, tih borala kan awm loh avangin lawmthu kan rawn sawi e. Kan sual te thupha Isua hmingin kan rawn chawi e.

Thu chhiar mek leh ngaithlatu mektute hi an taksa natna zawng zawng leh rilru hliamte Isua hming leh a thisen avangin lo dam rawh se. (Thup 12:11; Jeremia 30:17)

An chhungkaw chung ah leh an eizawnna hrang hrang chungah i van tukverh malsawmna chu Isua hming leh a ropuina turin rawn hawng ang che. Isua hmingin ka dil e, Amen.

Malsawmna tin reng nen
STD Ministries
Dawrpui Aizawl Mizoram India.
Harsatna i neih chuan
9862040023/8794421727
email: stdula1@gmail.com
Visitor's Voice

Click to Comment

No comments:

Mizo Nula Khal

+