Bible-in, “Thil engkim tih ka tân a thiang a, nimahsela thil engkim tih a Å£ha kher lo; thil engkim tih ka tân a thiang a, nimahsela eng bawihah mah ka inphal lo. Thil engkim tih a thiang a, nimahsela thil engkim tih a Å£ha kher lo. Thil engkim tih a thiang a, nimahsela thil engkim tihin mi a siam Å£ha lo” (1 Kor.6:12, 10:23) a tih avangin, Zu in ringawt hi sual a ni lova, “Zu in sual (hman sual/abuse) erawhchu sual lian tak a ni thei” tih hi a dik hle mai. Bible-ah hian Zu in vang ni lova, zu in sual (hman sual) avanga chanchin lungchhiat-thlâk tak tak min record sak nual a. Zir chhuah tur I tum teh ang u.
BIBLE-A ZU RUI SUALTE

2.1. NOVA A RUI SUAL, A ZAHMAWH A LANG! (Gen. 9:21-25, Heb.11:7)
Nova, Pathian Å£ih dêk a, a chhungte chhandamtu, rinnaa kan pa meuh khan Zu a siam a, a in a, a in nasa lutuk deuh. A rui-sual a, a la mu-sual zui! Nova Zu rui sual hian nghawng Å£ha lo tak mai a nei a. A Zu rui mu-sual chu a fate zinga 1-in a zahmawh lang a hmu a! A tupa Kanaan leh a thlah-ten ânchhia an dawn phah ringawt bawk! A Zu ruih vanga zahmawh langa a mu khân a thlah-te zingah ânchhia a thlen phah a nih chu, ava Å£ha lo êm! Zu hi kan in pawhin chhungte leh thlahte ânchhia dawng khawp khawpin in-rui lo ila a Å£ha ang. 

Miin Zu a ruih tawh chuan, sawi tur leh sawi loh tur a thliar thiam tawh thin lo. A hun leh a hmun pawh a hre tawh lo thin. Mahni Mualphona (Zahmawh lang) bakah Chhungte leh Thian-te, Thenawm leh Khawtlang tan pawh Zahpuiawm leh Chhiatna/Mualphona thlentu an ni mai thin. Kan Zu rui buaiin Nghawng tha lo tak a thlen loh nan i fimkhur ang u.


2.2. LOTA ZU RUI CHU A FANU-TEN SEX AN HMANPUI! (Gen.19:32-33)
Ava râpthlak êm! A Zu ruih sual mah a pawi tawh nâk alaiin, a hriat miah lohvin a fanu-ten sex an lo hman-pui zui a nih chu! Bible scholar-te chuan Lota hian Nova hnung zuiin hetiang thil sual râpthlak tak hi a tawng ta a ni, an ti! Pathian duhloh thil chuan nghawng ţha lo tak mai a rawn nei ta. A fate (thlahte) Moab mite leh Ammon mite chu Israel-te hmêlma chimawm ber-te zinga mi an lo ni chho ta rêng a nih kha! Lota khan Zu kha rui sual lo ta se chuan, khatiang thil tênawm leh râpthlak kha a thleng lo tur a nia le! Zu leh Sex hi Unau an ni a, Zu i ruih chuan Sex hman-sual a awl bik tih hre reng ang che! Thalaite u, i fimkhur ang u, Zu i têm hlek khân Sex hman-sual a hnai nghal hle tih hre reng rawh!

2.3. PUITHIAM NADAB LEH ABIHU ZU RUIH VANGIN AN THI! (Lev.10:1-11)
Puithiam Arona fate Nadaba leh Abihua-te thih chhan hi Ngaihdân 4 a awm a, (1) Meiling hi Maicham aţanga lâk tur a ni a, Maicham aţang hian an la lo a ni ang (cf. Lev.10:12), (2) A hun dik lohvah thilhlan hi an hlân a ni ang (cf. Ex.30:7-9), (3) Hmun Thianghlim berah an lut palh a ni ang (kum 1-ah Puithiam Lalberin vawi 1 chauh a lut thei)(cf. Lev.10:12-13), (4) Zu an rui a ni ang (cf. Lev.10:9), tih te a ni.

Bible scholar-te chuan, he thil thlen zawh chiah-a Pathian thusawi, "Nang emaw I fapate emaw pawhin inbiakna puan in chhûnga in kal laiin uaiin leh zu rêng rêng in suh u, chutilochuan in thi ang. in thlahte zel thlenga kumkhaw dân tur a ni ang a” (Lev.10:9) tih thu an zirchian hian, Puithiam Arona fate hian Zu an in a, an rui a, an rui lungpuam chuan Pathian thupek lohvin rui chungin hâlral thilhlan an lo hlân ve ringawt a niin an ring ta a ni. Puithiam Arona fate, Puithiam atâna training mêk-te (puithiam tia koh theih an ni tawh) thiltih hi a râpthlak hle mai! Pastor/Revival Speaker/Upa/T.Upa ni ve si khân Zu te i lo tem ang a, i lo rui ve hlauh ang e, fimkhur hle ang che. Kohhran-in i chungah action an la lo a nih pawhin Pathianin nâ tawkin action ala la ngei ngei dawn a ni.

2.4. ISRAEL LAL ELA CHU A ZURUIH LAIIN THAH A NI (1Lalte 16:8-10)
Israel Lal 4-na Ela chu Israel-te chungah kum 2 chauh a Lal hman tiin, a puipa Zimria, a Tawlailir zât ve chunga hotu-in a phiar ru a. Mi in-a zu in a, a in in-rui lai chu Zimria chuan a bei a, a that a, a aiawhin a lalţhutthleng a luah der mai a ni! Bible scholar-te chuan Israel leh Juda Lalte rêng rêng hi Indo-hrât leh chak tak (warrior) an ni tlangpui a. Rui lo hai lova râlthuam kenga inbeih râlah chuan an Sipaite tan hneh rual leh cho rual an ni lo, an ti! Isreal Lal Ela hi zu rui lo sela chuan, Indo-mi pawh ni lo Zimria hian a thah mai theih an ring lo. Pathian ruat a chunga thleng ni mahse Zu ruih pawi zia a entir chiang hle awm e. Miin, Zu a ruih tawh chuan, tual-thih mai te, tual-thah mai te a awl hle tawh tihna a ni.

2.5. BABYLON LAL BELSAZZARA CHU ZU A RUIH LAIIN THAH A NI (Dan 5)
Lal Belsazzara chuan a miropui sângkhat-te tân ruai ropui tak a ţhehsak a, sâng hmâah chuan Zu a in a. A ruih deuh chinah chuan a pa Nebukadnezzaran Jerusalem Temple ata a lâkchhuah rangkachak leh tangkaraw bungbêl-te chu rawn la tûrin thu a pe a; lal leh a mi ropuite leh a nupui te leh a hmeiten Zu inna atân an hmang ta a. Tichuan, rangkachak te, tangkarua te, dâr te, thing te, lungte-a siam pathian-te chu an chawimawi dur dur a.


Chumi lai tak chuan mihring kut zungţang hi a lo chhuak a, lal in bang kulh, khâwnvâr dahna ep lamah chuan a rawn ziak ta a; tin, lal chuan a ziaktu kuttum bung chu a hmu a. Tichuan lal chu a hmêl a dâng a, a rilru te chu a buai zo va, a kâwngruh chuktuah-te a zawi zo va, a khûp te a in khâwng hlawk hlawk ta mai a. Chumi zânah chuan Kaldai Lal Belsazzara chu thah a ni zui ta a ni.

Bible scholar-te chuan Lal Belsazzara hian Zu rui lo ta sela chuan, Hmun Thianghlim (Jerusalem Temple) Bungbel-te kha Zu in nân a hmang kher lo mai thei a, Pathian pawhin a nunna leh a Lalram kha ala zuah sak rih mai an ring a ni. Zu a in mai a ni lova, a Zu rui lungpuam khân Lalpa Bungbel Thianghlim a ti-bawlhlawh a, kha khân Pathian mit-naute a khawih a, Pathian thin a ti-alh a, a Nunna leh a Lalram thlengin a chân phah ta a ni.

Miin Zu a ruih tawh chuan, an rilru a lo chapova, an ngaihtuahna a tawi a, a fim tawh lova, Pathian sawichhiat te, Pathian pawi sawi te, Mi pawi sawi leh Tualthah thlengin an hreh tawh ngai lo. Chu chuan anmahni tân, anmahni ngeiin chhiatna an in-siamchawp ta Å£hin a ni. Zu ruih sual hi a va pawi êm!!! MLPC-in Zalenna min pek hi kan hman sual dawn ai chuan Zu hi i in lo mai ang u. Author: Anonymous

Post a Comment

Powered by Blogger.