Ka NEGATIVE a, COVID-19 chungchang ah Meghalaya Sorkar inpuahchah dan ka fak

Ka NEGATIVE a, COVID-19 chungchang ah Meghalaya Sorkar inpuahchah dan ka fak.

(1) Delhi to Gauhati kan tum khan Airport ah mahni thu in a chho ngawt theih lo a, Form fill up tur min lo pe a, Shillong chho duh chu Shillong form ah kan in fillup a.

(2)Gauhati to Shillong ah pawh Bus chhung ah Social distancing an ngai pawimawh hle.Seat pahnih kha mi pakhat seat in a kal chutiang bawkin thlawhna chhung ah pawh.

(3) COVID-19 Registration Civil Hospital Shillong pan hmasak ber niin, Form pawh an mahni in min fillup sak thlap kan pian kum leh khua veng ID no min zawt a,Thisen, Hnar leh Hrawk sample lak a ni.

(4) Khing zawng zawng khi tih zawh vek hnu ah Polo ah min phur thla leh a, in register leh in kan chaw eitur sa leh thlai chi hrang hrang thei (Apple) tui thleng in min lo pe.

(5) Polo atangin kan chuan phak loh COVID-19 duty Car changkang lutuk ah min phur chhuak leh in Swab sample result chhuah hma a kan lo awm lailawkna tur quarantine center National Institute of Fashion Technology (NIFT) New Shillong (NEIGRIHMS thlang)ah in register leh in room thianghlim damdawi nen an tih faina hmun a chhungah zingkar a kan tuilum chhuanso na tur No leh chaw ei na thleng leh Vawt kan tih pawh meilum kan ai mai tur heater leh Blanket sin tur leh lukham kawr leh bedsheet ,Inbualna sahbon,In sukna surf leh Toilet paper awmna hmun ah min dah a.Harsatna leh mamawh in nei chuan phone no hi la ula in rawn call dawn nia tiin min chah.

(6) Quarantine Center kan awmna room phei zawng zawng Corridor,Kut sil na hmaiphihna, Bathroom, Toilet leh step zawng zawng nikhat ah Vawithum damdawi hmang in an rawn ti fai thin.

(7) Kan zing Breakfast tur zing dar 8 ah kan room kawngka bul Bucket chhung ah an rawn dah thlap.

( Mahse keichu ka thawh tlai avangin dar 10 ah te ka va la thin) Chhun dar 12 ah chaw leh Tlai kan thingpui in tur tea bag leh Chhang an rawn dah a,Zan dar riat ah chaw leh tea bag bawk an rawn dah leh.

(8) Quarantine Center a kan awm chhung in kan phone no thehluh ah Health Department atangin Vawihnih min rawn call a,Harsatna khawsik hritlang awmna khuh kan nei leh nei lo min rawn zawt leh thlap.

(9) Sample Results chhuah hma awmna tur a hranin an buatsaih a,Results a zir in quarantine center hmundang ah min sawn chhuak leh thlap.A chhan chu nitin hian Shillong khawpui ah lut chhuak an awm vangin chung ho chuan test an paltlang ve vek a ngaih avang in an awm ve zel a ngai a.

(10) Monday zan dar 7:00 ka Thisen,Hnar leh hrawk sample an lak chu Vawiin dar 2:00Pm khan Meghalaya Health Department atangin call dawng in ka results swab sample an lak chu a NEGATIVE thu min rawn hrilh leh thlap.Tun ah hian results chhuah hma a min quarantine na hmun nuam lutuk zanhnih kan lo riah hmun chu ngai tak chungin ka chhuahsan ta.Sorkar dan ang in quarantine ni 14 chu ka paltlang hrim hrim chu a ngai a,Home quarantine ka duh leh duh loh min zawt a,Duh loh thu leh Sorkar quarantine facilities a awm ka thlan thu ka sawi leh mai.

(11) Sample la hmasa lo in quarantine center ah in dah luh phal a ni lo.