PATHIAN TEL LO NUN

King of Pop an ti mai Michel Jackson-a khan kum 150 dam a tuma.

A inah a keler atanga a taksa bung hrang hrang lu thleng zakin engkim exam ziah turnin Specialist thah doctor 12 a kawl. A chaw ei tur te pawh lab ah test vek phot a ni thin. Mi 15 dang chu nitin a exercise -na leh a hnathawhna amah enkawl bik turin a ruai bawk a. A mutna khum te chu a tul huna oxygen pe chhuak theih nghal tura siam ani a. A tul huna taksa bung hrang hrang donte nghal vat tur pawh engemaw zat a neia. Chungho ei leh in leh an mamawh engkim chu a tum sak.

Kum 150 dam tuim a bei nasa a, mahse a hlawhtling ta lo.

Kum 150 dam tum kha kum 50 anih kum 2009 June 25 khan a thaw a tawp ta ani. Doctor 12 a rawih ten engmah tihtheih an nei lo. Los Angeles a doctor te nena tangruala an beih pawhin awmzia a awm ta lo.

Sum tamtak neia Pathian hre lo, khawvel sualna chi hrang hrang chena kum 150 dam tumtu nun chu a tawi hle mai.

Thina chotu chu thihna chuan a hneh let ta.

Hausak hi sual ani lova, mahse pawisa nen chauha hausak hi chu vanduaina rapthlak ber ani thung.

A tawpa pawimawh ber ta chu mahni nihna leh dinhmun ang anga lungawi leh Pathiana thlamuanna neih hi a lo ni.

A dam that laia Lal te Lal hma a kun duh miah lo King of Pop an tih chu rorelna niah chuan Lal te Lal hmaah a kun tho tho a la ngai dawn ani.

Thihna ka hlau lo, meidil ka hlau lo, Pathian pawh ka hlau lo ti pung pung thin ho pawh hi an thih dawn darkar ah meuh chuan Pathian ngai lo fa tumah an awm lo.

Khawvela fing ber leh hausa ber Lal Solomona pawhin Pathian tell ova hilmna leh thlamuanna hi a lo zawng nasa tawha. A tawpah a hmuhchhuah chu eng,ah lo mai alo ni e tih hi a ni. Ka rilruin, “Khawi nge! Nuamsip bâwl ka han chîng teh ang, a nuam teh rêng emaw!” ka ti a; mahse, hei pawh hi eng a lo ni lo. Nuih hi a âtthâkzia ka chhar chhuak a, hlimhlawp lah eng ruai a ni lo a ti a ni.

Vân hnuai mihring fate dam chhûng tawi tê hman ral dân ṭha ber a ni law maw tiin, finna zawngin uaina intihhlima nuam tâwl a tum a. Khawvela fing ber a lo ni ta renga. Mahse chu pawh chu engmah lo mai alo ni. Hna nasa taka thawkin ; inte a insak a, grêp huante a insiam a, huante leh ngaw nuamte a insiam a, tah chuan theikûng zawng zawngte a phun a. Ngawa thing ṭhang laite châwm nân dîlte a siam bawka. Chhiahhlawhpate leh chhiahhlawhnute a lei a, bâwng rualte leh berâm rualte pawh a nei ṭeuh va, A hmaa Jerusalem-a lo awmte zawng zawng aia nasai a hausa a. Tangkarua leh rangkachakte leh lalte ro leh ram bial ro ṭha bîkte a la khâwm a; hmeichhe zai mi leh mipa zai mite a siam a, mipa fate lâwm zawng hmei tam a nei bawka.

Chutichuan, a lo ropui a, a hmaa Jerusalem-a awmte zawng zawng chu a khûm veka;, A mit îtzâwng apiang chu a hlah lo va, a thinlung pawh eng lâwmnaah mah a sûm lo; Tichcuan a thawh rimna zawng zawng leh a kutchhuak zawng zawngte leh a thawh rimnaa ka thiltih zawng zawngte a han en a, ngai teh, thil zawng zawng hi engmahlo leh thil lothlâwn mai a lo ni a, ni hnuaiah hian hlâwkna rêng rêng a lo awm lo ve! tih chu a thu tawpna ani.

Pathian tel lo nun chu atawpah beidawnna leh thihna mai ani. Pathian nen erawh chuan huan neih te kut hnathawhte hi a hlimawm em em a, sum leh pai leh finna te pawh hi Pathian nen chuan mite tan malsawmna hlu tak an ni a. Hmelthatnate taksa mawina te pawh hi Pathian nen lo chuan chapona mai ania , zankhat thilthuah an chuai thei. Sum leh pa leh hausakna te hian thla an nei a, Pathian tel lo chuan zankhat thilthuah an hlawkbo vek thei. Chuvangin mihring nuna pawimawh ber chu Pathian nen len dun hi a ni. i Pathian nen I lengdun tawh thin em? A taka inzawmna i nei tawh em? A thutakte hi nungin nagmahah a tahwk em?

Khawvela mifing leh hausa, hmeltha leh mi ropui ni a Pathian hre lo nih ai chuan rethei te pawh ni ila, mi mawlte pawh ni ila, Isua nenihtu nih ka duh zawk.

Ziaktu: Pastor PL THlenga