KEIFANG NULA RAIL ATANGIN TLA HLUM

ToMZ
2 Jun 2020, Tuesday, June 02, 2020 IST
HAW RÛNPUI NEIH MEK A LO HAW, KEIFANG NULA RAIL ATANGIN TLA HLUM
Mizoram khua leh tui thahnem takin India ram hmun hrang hrang atangin Mizoram an lo thleng mek a. Chanchin lawmawm lam hriat tur a awm laiin kan nula pakhat a vanduai hlauh mai.

Nl. Marlia Vanlalhmangaihzuali d/o C. Vulluaia, Keifang, Shivneri a awm, tuna Mizoram lam pana Train a haw chho mek chu nizan dar 11 vel khan Train atanga chesual palhin a tla a, Dar 12:35am khan a thi.

A ruang buaipui dan turah Train lama hruaituten Police lam dawrin hma an la nghal niin thu dawn a ni. Lusun chhungte kan tuarpui tak zet a ni.
Vawiin hian Maharashtra atangin kan Mizo unaute’n Bairabi Railway Station, Bairabi lo thleng tura beisei a ni a, District hrang hrangah thawn darh an ni dawn. Khualzinte mahni District theuh tluang taka an thlen theih nan leh natna inkaichhawn theih laka mipuite kan him tlan zawk theihnan kan fimkhur tlan a ngai hle ni.



PUNE MIZO HAW MEKTE ZINGA CHHIATTAWHNA


Kan beisei loh leh ngaihtuah pawh kan ngaihtuah phakloh in kan chungah thil a thlenga. Maharastra atanga Mizoram lama tangkhang haw tur te zinga mi Nl Marlia Vanlalhmangaihzuali (k-26), Keifang khua , Shivneri , Pune-a awm mek chu Samsi Railway station, Siliguri thlen hma deuhah Train atanga chesualin a tla chhuak palh hlauh mai a. Train lama kan hruaitu awm ten an hriat velah Emergency brake pawt nghalin Train an ti dinga an va zawng nghal a. Hei hi zan dar 11 bawr vela (1 June 2020) thil thleng a ni. Pune lama hruaitute rawn hrilh nghalin an ni hian Railway lam thuneitute an be nghala. A va hmuh meuh chuan vanduai thlak tak maiin a lo in sawh na deuh a nikhawhreloin a awm a. Train ah hian Mizo Doctor pathum chuang ve an awm a, anni leh hruaitu awm ang ang te hian uluk takin Train Compartment pakhat ti ruakin an han buaipui nghal vat vat a. Vanduaithlak tak maiin a hliam te a nat em avangin zanlai dar Zan lai dar 12:35 AM,( 2 June 2020 ) vel khan mihring ka in chan zo ta lo a ni.

A ruang phur haw tur hian Police atang lehkha tih fel leh Post Mortem te a ngai dawn si a. Hemi lo buaipui tur hian mi thenkhat buaipui turin awm hnufual a ngai dawn a. Member te zingah in zawngin tlawmngai tam tak an rawn ding chhuak a, heng mite zingah hian mi 5 (Aneiha, Joseph V Renthlei, John Laldingliana, Dr Lawrance, Lalsangpuia) te hian ruang hi an buaipui chhunzawm dawn ta a ni. An rawn kal zel dan tur hi Railway lamin an ngaihtuahsak dawn niin an in sawi a, Ambulance ngaihtuah leh kal man te nen, vawin (2nd June 2020) lamah thildang hi chu a chiang thei turah kan ngai e.

Henry Chhingkhuma
SECRETARY
Pune Mizo Welfare Association
Date: 2 June 2020,3:50am


[ToMZ is dedicated for archive and exposition of Mizo affairs to the rest of the world. Informations obtained are re-posted 'as-is' basis as a digitization initiative so as to make accessible to all through online surfing. Due credit is given to all author/owner except those which cannot be ascertained]
Visitor's Voice

Click to Comment

No comments:

Mizo Nula Khal

+