
Kolkata-ah vanduathlak tak maiin mithi kan nei hlauh mai. Kawng dang a awm loh avangin motora ruang inphurh haw mai a ngai. Kawng thui tak zawh tur a nih avangin lusun nufa ringawta haw tur ngaingam lovin anmahni thlah turin tlangval tlawmngai a lo pen chhuak!
Chu tlangval chuan motor remchang driver awm si lo chu mithi chhungte chhawm nan a khalh haw ang a, motor Aizawla hnutchhiahin amah ruang phurhna motorin Kolkata a lo let leh nghal ang. Haw nghal a remchang tho bawk a tih lam a ni lo. Ka tih tur ni se ka peih lo lutuk. Chu tlangval pawh chuan a peiha a châk vang a ni bik lo ang. Ṭanpui ngai, thlamuan ngai a hmu a, mizo tlangval a ni a, phur takin a inpe ringawt mai a ni. Chu mizo tlangval tlawmngai chu Tv Malsawmkima Zathang, Kolkata Mizo Students (KMS) President a ni.
Mizo tlangval ngaihsanawm dang vawiinah tho ka hre leh.
Goa aá¹anga mizo tangkhangte phurtu rel chu Siliguri a lo thleng a. An zingah damlo pakhat a awm ta tlat. Kalpui zui zel a rem lo a, damdawi in awm hmasaah kalpui a ngai. Damlo amah ringawta hnutchhiah theih a ni lo a, relin a nghak ngawt thei hek lo. Chutiang harsatna karah chuan, 'hero' pakhat a lo penchhuak.
In thlen nghakhlel ve ngawih ngawih tho mahse, Siliguri-a an chhuka relin a kalsan hnuah engtiangin nge an haw ang tih pawh chiang lo zo vek tawh chung pawhin, a hmelhriat sa em em pawh ni lo damlo á¹anpui ngai chu chhukpuiin an á¹hiante rêla tlan an thlir liam a, damdawiin remchang hmasaah, tuma á¹awiawm lohin, mikhualna karah a 'mizo á¹hianpa' chu a lo buaipui a ni. Sawrkar hruaitute leh Mizo Welfare ten an hriata an han ngaihven chuan tih tur zawng zawng ti felin a á¹hianpa chu damdawi inah a lo dah fel vek tawh. Chu tlangval chhuanawm chu Sesawng tlangval Muankima a ni (Heti bak hian ka hre bik lo). A á¹hianpa hian harsatna dang a neih loh hlauh chuan ni thum hnuah haw dan tur an ngaihtuah ve thei ang.
He tlangval duhawm pahnihte chanchin hian vawiin chu min ti lawm veng veng mai. Mizo á¹halaite hi insawisel fo á¹hin mah ila, a hunah chuan mahni inphata midangte tana inpe ral á¹hak peih, á¹hian chhan thih ngam á¹halai rual hi an la ding á¹hup tih min hriattir a. He tlangval pahnih ang hi tlangval dang tam tak kan la nei ang tih ka ring nghet tlat bawk.
Lawmna chang hre lo phun thawm ri bengchheng tak karah hian, fak leh lansarh tum lem lova thil á¹ha tih tur hriaa ti maite chanchin hi ring takin ri zel se ka duh a ni, an thawm mitdelte hriat khawpin.
By : Pu Jacob Lalawmpuia MCS Kolkata
Post a Comment