By-Johny Ngurthansanga

MIZO SARUAK THLALAK HI

MIZO SARUAK THLALAK HI

1. Mizo nulate u, saruaka thlalak hi kan hnam naupang tak hian a la zo ve lo mai ni lovin kan Kristianna nen pawh thil inhmeh a ni thei ngang lo.

2. Mizoram khawpui ber Aizawl pawh hi traffic jam a awm loh chuan veng tawp leh tawp pawh hi 30 minutes chhung leka tlan theih vek a la nih ang bawk hian, duhdah taka i thlalak kha i dam chhung hun atana 30 minutes ang lek kal a awlsam ang bawk hian 1 minute chhungin Zoram a fang chhuak dawn a ni.

3. Social Media-ah i lan tawh chuan chatuan pawhin i nâwt reh leh tawh ngai lo ang.

4. Zahawm taka thla la a social media a lang ṭhinte bawk hi a ni Mizo mipaten hmelṭha an tiha a ruka an * ṭhin ni, khawlai lenpuiah an zahpui ngai lo nge nge.

5. I kawppuite lakah sernung i hnutchhiah sa chuan hlim taka i awmlai khan i hlim lohna leh zahna tam tak vurtu tur che a la ni dawn si a.

6. I saruak thlalak avanga likers leh followers ngah emaw i intih ang chiah khan mawl titu che an tam tial tial tih hriat a ṭha.

7. I duhthlannaa i thlalak khan i unaute zahna khua tiseitu a la ni dawn chauh a ni.



8. Saruaka thlala tura ngaihtuahna i senlai khan i fanuin a tih atana i duh dawn lo a ni tih kha i thluak fim tak hmang khan vawi tam tak ngaihtuah nawn leh ang che.

9. I duhthlanna a ni a, thu tawp siamtu pawh nangmah i ni e. Mizo nula hmelṭhate lo fimkhur deuh deuh teh u.


10. Pathian leh khawvel mitah pawh i zahawmna vawng himtu ber chu i sakruang mawina leh i chhungril nun kha a ni a, kan Pa Vana mi khian a thlir ve reng che a nia.

Post a comment

Powered by Blogger.