THIANCHHAN THIH NGAM MIZO TLANGVAL


Dt. 15.6.2020 Thawhtanni khan, Vaitin rawlthar Tv Lalremthara s/o Liana kum 18, Balu thiara inhlawh chu, Tuiruang lui lianin Zilthaw lui a han dilah tla lut palh hlauh mai a.

He a chesual hi Ramri venga duty Sakawrdai tlangval Pu Buanchungnunga, Hmarveng Branch leh a thiante chuan hmuin, Pu Buana hi hleuh pheiin a va chhanchhuak ta a ni.

Pu Buana hi tui hleuh thiam a ni lo a, hleuh thei hram hram chauh a ni. Hetia Vaitin rawlthar chesual ta hi amah ai maha lian leh sang zawk a ni a, tui atang hian a vawrh chhuak zo mai bik lo a, chuti chung chuan rilru fim takin luikam lamah nawr pheiin luikama lo awmte lo pawh chhuah atan a nawr phei a, lui kam hi tuilianin a hrut nal a nih avangin tla lut lehin hei hi a va bawhzui leh nghal a.  
Mahse, Vaitin rawlthar hi lo chiaiin a lo man bet titihin an buai deu nak nak a, Pu Buana chuan rilru fim takin vaukam lamah a tlawh phei ta a. 



THIANCHHAN THIH NGAM

Hetia a tlawh phei hi luikama lo awm Pi Numami D/o Rohluna Sakawrdai Hmarveng chuan a lo pawt chhuak ta a ni. Heti anga mahni nunna pawh ch├ón phah theih a ni tih hre reng chunga kan Mizo zia, "Thian chhan thih ngam" nun neia a chhan hi a ropui takzet ani.

Pu Buana hi mi tawng tam lo tak, mahni thil tha tih pawh sawi chhuak ngai lo a ni a, he thil pawh hi hun a liam hnu fein a riahpui a thiante hnen atangin kan hre chauh a ni. 

Hetiang mi, mahni nunna pawh hlut zo lo khawpa midang tana inpe Sakawrdai khawtlangin a nei hi a lawmawm takzet a, kan chhuang takzet bawk a ni.

Pic. Pu Buanchungnunga | Secretary, Jt. YMA: Secretary

[ToMZ is dedicated for archive and exposition of Mizo affairs to the rest of the world. Informations obtained are re-posted 'as-is' basis as a digitization initiative so as to make accessible to all through online surfing. Due credit is given to all author/owner except those which cannot be ascertained]

Post a comment

Powered by Blogger.