RAMRI VENGA DUTY CHESUAL BORAL - PI ZOBELI RUANG HMUH - VITHLUM

ZUALKO: Upa Lalpianvula (65) H/o Lalchhanhimi Bawrai veng chu tun mai dar 7:00 (bawr vel) khan Aizawl Civil Hospitalah a boral.

RAMRI VENGA DUTY CHESUAL PALH

17.5.20 :- Pu Lalpianvula, Kum 65 S/o Taiṭhuama, Zawlnuam Bawrai veng a awm chu Covid-19 hrilèn vanga ramri venga a duty chu, vawiin chawchhun ei tura an kal chu an chuanna Motor Bolero Pickup aṭanga tla palhin a chesual. Kawrthah Damdawiin panpui a nih hnuah Hmunpui lama refer niin Kawrthah aṭang hian Aizawl lam panpui nghal a ni.

Pu Lalpianvula hi Bawrai leh Bungṭhuam inkara Chengkawl lui leh Langkaih lui infinna (#Chengkawl lui chhuah#) buka duty niin, Chhunlama Nu leh pa duty te hian a huhovin duty point laili deuhah chawchhun an fak ṭhin a,(#Bawrai ah hian Chhun lamah Nu leh pa duty in, zan lamah Ṭhalai an duty ṭhin#), chaw fak tura an kal chu kawngkawi laiah Motor aṭangin a tla palh ta a ni. Pu Vula hian a chetsualna-ah hian a lu a sawh na hle a, he thu lakkhawm lai hian Dapchhuah khua thlen pui ni tawhin, a dinhmun a zia awm rih hle nia thudawn a ni.

Pu Vula hi Presbyterian Kohhran Upa niin, A nupui Pi Lalchhanhimi nen Fapa 3 leh fanu 3 an nei. - Marema Khiangte

PI ZOBELI  RUANG HMUH 

Pi Zobeli Kum 61, June Ni 1 2020 (Thawhtanni) a chhuak chu ina a haw mai loh avangin Bairabi Joint YMA kaihhruainain zawn a ni a, Mizo dan anga Ni Sarih chhung zawn a nih hnu pawhin engmah hmasawnna a awm loh avangin bansan a lo ni tawh a, Pi Zobeli hi Bairabi South Branch YMA huam chhunga awm a nih angin YMA Bairabi South chuan a ngaihven reng a, mipuiin enge maw hnu hma thar an sawi a piang dap zel niin vawiin Ni 19.June 2020 khan a ruang hi hmuh a ni ta a ni.

Nimin 18/06/2020 (Ningani) khan veng chhung chak laa ramkal ten Tlawng hnar lam Bairabi atanga KM - 10 vel a hla (He lai hnun hi ramhnuai leh lui atanga kal theih a ni.) ah Chem, puan leh thildang te an hmuh thu an sawi a, vawiin niah hian South Branch YMA Bairabi kaihhruainain helai hmun hi mi tlawmngaiten an dap chiang leh a, Pi Zobeli ruang chu hmuh a ni ta a ni.

Tin, vawiin nia ruang zawng te hi Engine Lawng 7 vel hmangin Luidungah kal a ni a, mitlawmngaiten lawng an thawhchhuahpui a, petrol hi Joint YMA Bairabi-in an tum thung a ni.

Pi Zobeli chhung te kan tawrhpuia, chutihrualin hetia an nu ber chin hriat loh a bo ta ruang hlawm theia an awm hi lawmawm kan tihpui takzet bawk a ni.

Vawiin mibo zawnnaa thawkchhuak te leh Engine Lawng thawhchhuahpuitu zawng zawng te chungah Bairabi South Branch YMA chuan lawmthu kan sawi a ni. Ruang hi vawiin niah hian vuiliam nghal a ni. Issued by : Bairabi South Branch YMA

A PA A VITHLUM

Vawiin tlai khan R. Lalnunzira, Zobawk Vengthar chu a fapa Lalhriatpuia (27) nen intibuaiin a fapa hian chemin a hnunglam atangin a vit.

Pu Nunzira hi civil hospital panpui nghal a ni a. Damdawiin thlenpui lai hian tha taka biak theih a la ni a, oxygen te pek niin enkawl nghal ni mahse, zanin la la khan a hliam tuar lovin a thi ta a ni.

A vit tu hi Police ten man nghalin thubuai siam sak nghal a ni. -Lunglei chanchinthar.