TOTAL LOCKDOWN
DUHTHLAN TUR DANG A AWM LO A NI E
North East lam hian Delhi kal haw kan buaipui hmasaber vek a, Mizoram pawh kan bang bik lo. State dang atanga rawn haw a tir lamah buaipui tham an awm lo vek bawk a ni. A awmzia ni ber a lang chu India khawpui Delhi hi an rilru a zau tihna a ni thei ang a, State dang a mi an zalen tihna a ni thei bawk ang. Delhi khawpui hi chawimawi tlakah teh riakah ka ngai ve deuh tawp mai a ni.
North East dinhmun han thlir hian Covid-19 vei tam tawh hle mahsela, mipuiah a darh lo niin a hriat deuh vek a, mipui a darh teuh ber Assam pawhin hneh takin an control leh tawh niin a lang bawk.
Tun dinhmunah chuan Mizoram kan buai ta ber a, heihi a chhan ber chu Covid-19 hian kan Society a tihchhiat kan duh loh avang niin a lang. Covid-19 avanga tangkhang rawn haw te kan en hrang lo hle a, Quarantine centre tam taka awm mek leh duty te an inpawh tha a, centre a awmten thil lei tura an tirh deuh reng te pawh an awm ni a sawi a ni. Hei mai hi a ni lo a, quarantine centre a awm lo tlawh a lo in selfie pui tawk an lo awm bawk. Positive kan han nei ta mai si a kan buai zo ta ani. Hetiang hi awm lo sela chuan Total Lockdown hi a țulna pakhatmah a awm lo a, a awm miau si avangin loh theih lohin Total Lockdown kan nei dawn ta nge nge a ni. Total Lockdown hi ni 21 nei law law i la, tuman bengvar chhuah a quarantine centre tlawh awm tawh lo sela kan him leh vek ang.
Tangkhang rawn haw te avangin Covid-19 lakah Mizoram a him lo hran lo a, kan phung thlukna avangin kan him lo ta mai zawk a ni. Khaw thenkhatah phei chuan Tangkhang rawn haw lo chibai an awm thu sawi a nih nghe kha. Quarantine Centre a awm te hi mi hlauhawm an ni lo na a, Total Lockdown a ngaih leh theih phah dawn avangin tuman tlawh tawh loh a thakhawp mai.
Tangkhang rawn haw zingah Covid-19 vei hi punbelh vak mahsela hlauh tur a awm lo a, lo panic pawh a ngai hek lo. Mipui lamin Physical Contact kan lo neihpui avangin ro a buai zo a, Total Lockdown a ngaih phah ta hial a ni.
Ziaktu: ZMP Tlau
Editor, Zingtian
Post a Comment