GP PROJECT PWD LAKAH AN NGENG
GP PROJECT NGENG SUAL THEI DINHMUNAH AN DING


Zero Point leh Meidum inkar kawng ( Km 119/00- Km 119/00 on NH-154) siamtu GP Project te chu PWD te chuan November 2019 atanga June 2020 chhung hian an kawng siam hna thawk thuai turin lehkha vawi kua (9) an pe tawh a, GP Project hian kawng siam hna hi nimin thleng khan an la thawk chuang lo niin thudawn a ni a. GP Project atangin ni 26.5.2020 khan NH Division-V, Thingdawl, Mizoram chuan Covid-19 avanga lockdown chuan an hna a thawh tir thei lo niin lehkha an dawng.

NH Division-V, Thingdawl, Mizoram-in Zero point leh Medum inkar kawng siamtu GP Project in an kawng enkawl lai lirthei tana tlan hreh-awm khawp a khuar nasa tawh te țhal laia an siam loh chung-chang-ah hma an lak leh lak loh RTI hmanga Zingțian-in zawhna an chhan danin November 2019 ațang khan GP Project hi kawng thuam that hna thawk turin vawi-9 lehkha an pe tawh a, GP project hian kawng thuamthat hna an thawh loh nachhan hi vawikhat chiah ziakin an la chhang.

RTI zawhna a alan danin SDO, PWD Bairabi chuan GP Project te hi an kawng enkawl lai thuam \ha tura hriattirna ni 19, Nov, 2019 khan lehkha in a pe a, EE PWD NHD, Thingdawl-in ni 4 Dec, 2019 khan a pe bawk. Bairbai PWD SDO hian ni 21, Jan, 2020 khan GP Project hi lehkha a pe ve leh a, 21, Feb, 2020 khan PWD SDO hian lehkha a pe leh bawk a, PWD SDO Bairabi bawk hian ni 17, March, 2019 khan a pe leh a ni.

Ni 15, April, 2020 khan ER. Joseph Remmawia NH Division -V, Thingdawl chuan GP Project te hi an agreement an bawhchhia tiin March ni 28.03.2020 hma a kawng thawm that hna thawh ngei turin lehkha a pe leh a, GP Project lam hian hna na la thawh zui loh avangin ni 24, April, 2020 khan Excutive Engineer NH Division -V, Thingdawl hnenah contract agreement chungchangah action la turin Superintendent Engineer, (P&W). For Chief Engineer, PWD Highways, Mizoram, Aizawl hmingin lekha pek a ni.

PWD EE, NH Division -V, Thingdawl hi an inthlak zui avangin PWD EE NH Division -V, Thingdawl thar Er. Lalthanzuala chuan ni 14 May, 2020 khan GP Project te chu kawng thuam that hna thawk turin a hriattir leh a, kawng thuam that hna hi an thawh loh chuan GP Project te chu Performance Bank Quarantee thleng kawng siam nan hmansak an nih dawn thu lehkha in a hriattir ta a ni.

Er. Lalthanzuala, Sr. EE PWD/NHD-V/5 Thingdawl-in lehkha a pek hnu hian GP Project Ltd., Club Road, Silchar te hian insawfiahna ni 5, May, 2020 khan rawn pe in Lockdown avangin hnathawk tur mihring an hmuh loh thu an rawn hrilh a ni.
GP project Mizoram PWD


Er. Lalthanzuala hian ni 9th. June, 2020 khan GP Project te hi lekha a pe leh a, Mizoram Chief Minister ni 25th, May, 2020 a Bairabi a tlawh tum a kawng siam tur ni awm taka Drama an lo chang chu dawt hmanga inbumna a nih thu a hrilh a, hemi tum hian ni 7 chhung a hna tan turin GP Project hi hun pek an ni leh a ni.

Thudawn danin GP Project hian Zero Point leh Meidum inkar kawng an siam dawn a security deposit chu 50% vel zet an lo lakchhuah tawh avangin hrem pawh an buaithlak hle niin thudawn a ni a, GP Project hi PWD hian Black list mahse company hming dang an nei tho ni a hriat anih avangin kawng siamtir hram dan hi ngaihtuah mai loh chu PWD tan duhthlan tur avang hle niin thudawn a ni bawk. ~ZMP Tlau, Editor, Zingtian

Post a comment

Powered by Blogger.