Vawiin Ni 1.7.2020 hian Champhai Special Judge Pu R.Vanlalena chuan Ephedrine Kg 12 neitu Lalsangzuala Chawngthu S/o Zathuamluaia Chawngthu R/o Durtlang Leitan chu kum 5 chhung hrehawm tak a jail tang tur leh pawisa Rs. 4000/- chawi turin a hrem.
Ni 7.10.2017 khan Champhai police te chuan taxi pakhat MZ 04 8437 atangin Ephedrine kg 12 Zotlangah an man a. Hemi kaihnawihah hian Lalsangzuala Chawngthu S/o Zathuamluaia Chawngthu R/o Durtlang Leitan Aizawl chu an man tel bawk.
Champhai Police Station ah FIR thehluh nghal a ni a. Case I.O chuan chhuizui nghalin a tul ang leh a tih tur te a tih hnuah Charge sheet chu Champhai Court ah a thehlut a. Lalsangzuala Chawngthu mantu Police te, Witness te leh Forensic Science Laboratory test report te leh document pawimawh dangte Champhai Special Court ah thehluh a ni a.
Court in he case a ngaihtuah lai hian Case I.O te, Witness te leh Forensic Science laboratory test te a endik vek a. Tin, Lalsangzuala Chawngthu Ukil te pawhin an thiamthu sawiin Court chu a chunga hremna hniam thei ber pe turin an ngen bawk a. Hun engemaw chen case chu ngaihtuah anih hnuin vawiin ni 1.06.2020 hian Special Court chuan Judgment a puang ta a ni.
Lalsangzuala Chawngthu S/o Zathuamluaia Chawngthu chu Champhai Special Court Judge chuan thiamloh chantirin, hrehawm taka Kum 5 chhung lungin tang tur leh pawisa Rs 4000/- chawi turin a hrem ta a ni. Pawisa hi a pe thei lo a nih chuan Thlakhat (1 Month) dang a tân belh leh dawn bawk a ni. @Maveni Khiangte
Post a Comment