Rev. Dr PC BiaksiamaCBN News in ni 24.7.2020-a a report danin tun lai hian Iran ramah revival ropui tak a thleng a, Mosolman sang tam takin March thlaa Covid-19 hripui a lèn hnu atang khan an sakhua Islam kal sanin Isua Krista ringtu an lo ni ta. Iran sorkar, Islamic Extremist rorel lai chuan mipui lungawi loh avanga sorkar laka mipui beidawng  thinrimin kawtthlera protest movement an siam luai luaia, sorkar leh sipai hmunpuiah te pawh bomb a puah dur dur lai control hlei thei lovin, khawdang hawi thei lovin ram chhungah buaina tawk an hmu a ni. Covid hripuiin a han nuai zui bawk si.  Middle East a buaina a siam È›hin avangin US President Donald Trumpa'n an ram economy chu namen lova a hrêk chêr reng lai, kum khat vel lai an Silchar kawngpuia kharkhip lai ni bawk si. Chutianga tualchhunga buaina leh harsatna a awm mek laiin, lehlamah Pathian lamah beiseina kawl êng a lo zâm ve thung a, a ram chhungah revivalin nasa takin hma a sawn ve thung, tih Iran rama kristian hruaitu Mike Ansari chuan a sawi.

Iran ram chhunga Kristian satellite channel làr tak Mohabat TV enkawltu Ansari chuan CBN News hnenah: "He harhna ropui thlen chhung hian Muslim sakhua atangin Iran mi 3000 vel zetin Islam sakhua kalsanin Kristiana inlet turin thutlukna an siam tawh," tiin a sawi. Mohabat TV hian nikum lam ai khan a let sawmin online kaltlanga chhandamna chang an tam tawh zawk tih a sawi bawk.

Tun hma lam ațang reng khan Iran mipuite hi Muslim sakhuana kulmûk lutuk hmanga an ram hruaitute hmalak danah an lungawi tawh lo va. Hmasawnna leh changkanna kawnga ram an hruai danah lungawi lovin, nawrhna namen lo an huaihawt chho reng tawh a.An sorkar atang hian beisei tur hlawl an nei tawh lova, an ring bawk hek lo. Hei hi hriain a ram mipuiin an sorkar an nawr thlu mai ang tiin, buaina țhelh mih dan ngawt an lo buaipui tawk a ni. Hmannia Iran General ropui Qasemi Soleimani US drone in a kah hluma Iran sorkar leh mipui inthurualin an sûn emaw tih lai khan, sorkara lungawi lo mipuite chuan a lawm nan kawng an lo zawh ve mup mup a nih kha. Trumpa'n Iran sorkar laka economic blockade leh a hrêk vel te hi Iran mipuite chuan huat ahnehin, Pu Trumpa hian kan sorkar hotute hi na zawkin rawn hrem rawh se, an ti zawk mah a ni.

Hetianga Kristian do nasatu Islam firfiak rorelna hnuaiah hian hman atang tawh khan kristian an pung chho reng mai hi thilmak a ni.  An zinga ringtu Rizala'n Turkey rama CBN News hnenah nikum September 2019 a a report danin, 1994 khan Iran ramah kristian 100,000 vel an awm tawh a, tunah chuan maktaduai 3 chuang an awm tawh a ni. Thlarau Thianghlim hnathawh ropuizia hi a mak asin! tiin Rizala chuan phur takin a sawi. 

A mak reng a, kum tam tak kal tawh atanga missionary luh theih miah lohna leh sorkarin a khapbet tlat chungin Iran ram hi khawvela  kristian pun chak berna ram a ni, tih a ni reng thei hi, Pathian hnathawh mak a tling. Natna manganthlak tuar, doctorte laka beidawng tawh hnenah te khan Isua inlâr an lo hmu È›hin a, mak takin an nâte a lo tih damsak È›hin a. Mi pakhatin tihdamna a chan chuan an chhungkuain tidamtu Isua chu an rin phah È›hin a, an È›henawmte leh an chhungkhatte thlengin. Chutiang chuan thawktu awm lohnaah Pathian inlârna hmangin kristian nghet chi leh mi dangte vei ve zel chi ringtu an lo pung ta thin a ni. An zawlnei Mohammeda'n a tidam ve thei si lova. 

Pawn lam atangin missionary te lut thei lo mahse, chung lam hnathawh avangin Iran ramah hian Pathian hnathawh a kal chho reng a, Muslim tam takin an sakhua hi a dik tawh lo, tih an hmu chhuak mek. Ringtute tan chona lian tak a ni. Kan țawngtaina hian Iran rama kristian kohhrante thleng ve thei sela. An Muslim kulmûk sorkar te khu paihthlaka, Kristianten sakhaw zalenna an neih theihna tura sorkar țha a din theih nan Pathian i dîl ang u.

Rizala sawi danin Iran ramah hian kristianna hi khapbeh tlat a ni a, sorkar hotute atanga vau leh man tuma veh reng an ni chungin, inkhawmna biak in pawh a awm lo na chungin, ringtute inah inkhawmin House Church angin an kal mai. 

Tun laia changkanna, internet hmangin United States, Canada, Germany, Malaysia etc a kohhrante nen Skype kaltlangin an in contact thei reng a. "Biak in pui ber chu keimahni in hi a ni mai, internet hmangin tupawh ka be pawp thei vek a ni, tiin "Internet Kohhran" ang mai a nih tak zia Rizala chuan a sawi. Isuan ram neih a țhulh thei lo.

Chuvangin tun lai Iran, Bible hun laia Estheri te chenna Persia ram leh Internet Kohhrante hi Lal Isua Krista lalna ram atan i hauh tlat ang u. 

~PC Biaksiama 
26th July, 2020.

Post a Comment

Powered by Blogger.