MIPA HURNA DAMDAWI (Sildenafil Citrate)

A KAMKEUNA

Mipa hurna damdawi (Sildenafil Citrate) hi tun laiin mipa rawlthar, patling, tar/upat hnua nupui naupangte te neiho hian an theh larin ei deuh chhen an ching thin a; Hriselna a khawih pawi nge khawih pawi lo tih pawh ngaihtuah lovin an bialnu/nupui/hmeite lawm loh hlauh vang leh anmahni Sex lama chak lo mi an nih chuan nuam taka Sex an hman theihna tur ngaihtuahin hetiang damdawi hi an ei fo thin. Chuvangin, he damdawi hi hrisel nan a him chiah em tih chiang zawka i hriat theih nan a hnuaia tarlante hi ngun takin chhiar la, insum ngaite leh zawm ngaite a awm chuan zawm ngei tum ang che.

ENGE A NIH?

Sildenafil Citrate hi a Generic chu Eriacta a ni a; mipa Sex-a chak lo, pa hlei thei lo, leh Kawhte fawk/fuk/khawng tha thei lote tanpuina leh nuam taka Sex an hman ve theihna tura damdawi an hman lar leh chhawr tangkai a ni. Chuvangin, Generic Eriacta hi khawvel huap pawha hetiang damdawi atana hman lar ber leh tun thlenga an la hman tangkai chu a ni. He damdawi hi Bazarah chuan Sildenafil Citrate emaw Viagra tiin hriat lar a ni bawk. Eriacta hi Ranbaxy company Registration chhinchhiahna (Trade mark) a ni.

A HMANNA

Tarlan tawh angin Sildenfil Citrate hi Sex lama chak lo mipa (male) te tan bik tisa chakna (Sex feeling) tipunluntu, tisosangtu atana tih a ni a; hmeichhe tan a ni lo tih hriat a tha hle. Miin he damdawi hi a ei chuan a tisa chakna a lo pung a, a thisen (blood vessel) a rawn tilian a, chakna a rawn tipung a, chi/baw (gene) tla hma lutuk tur thlenga vengtu/chelh khawtlaitu atana hman a ni.

EI DAN TUR

Hetiang damdawi hi nitin khel lova ei ve tur a ni lo tih hriat reng a pawimawh hle. Inpawl hma darkar 1 emaw minute 30 a la awmin emaw ei thin tur a ni. A damdawi chak dan azirin vawi1-ah mum 1 bak ei loh tur a ni. Nitin ei a ngai lem lova, a thawh hun chhung hian darkar 4 lai a awh avangin Sex lama sang deuh tan chuan mum 1 hian vawi 2-3 thleng inpawl a daih thei. Hmeichhe pawl dawnah tih loh chuan ei mai mai suh ang che. I ei laklawha hmeichhe pawl tur i hmu remchang mai lo a nih phei chuan nilengin leh zankhuain I kawhte kha a satel chho kal nghawng toh emaw a Kawlhawk chhim thlawk nghawng toh thei tih hria la, a ei hun ngaihtuahin ei thin ang che. I kawhte fawk/fuk/khawng laklawh taka nileng zankhuaa i awm hian I thisen pump sang lutuka I awm reng kha khan I lungphu (Heart beat) atan a tha lo va; chubakah hmeichhe tan pawngsual lakah hlauhawm thlentu i ni thei tih hriain inveng fimkhur hle ang che.

A NGHAWNG PAWI THEIHTE

He damdawi hian tangkaina engemaw chen nei mah se, mihring hriselmanasa takin a nghawng pawi thei a, chungte chu hetiang hian tarlang ila:

Ri hriatna a khawih pawi thei

Thawk harsatna a thlen thei

Ei huat thak/Allergy a siam thei

Lungphu a khawihpawi thei

A hun lo thleng thleng Kawhte tifawk/tifuk/tikhawng thei

Khawhmuh a tifiah lo thei a, mit chaklo a siam thei

Phungzawlna/thluk thurna a thlen thei

Kawthalo a thlen thei

Luna/luhai a thlen thei

Chaw pai tawihah harsatna a thlen thei

Hnar/hnap tui reng a thlen thei

FIMKHUR NGAI

He damdawi hi I ei hmain damdawi lama mi thiam physician-te rawn hmasa thin ang che. Mahni thua ei nghal pawp pawp loh tur. Heng natnate hi I vei mek a nih phei chuan ei nghal mai lo la a tha ber. cChungte chu:

Lungna/lungphu tha lo

Thisen sang

Thinna/thin tha lo/thin lian

Kal tha lo/Kalna

Mit chak lo/thlahtute atanga mita harsatna nei

Piantirh ata mitt ha lo/khaw hmu fiah lo sa

EI LOH HUN LAI

Heng ahnuaia damdawite hi I ei laklawh lai a nih chuan Sildenafil Citrate hi ei hauh rih suh ang che. A inkhawih pawi tawn theih avangin fimkhur takin I ei zawh hun nnghak thin ang che.Chungte chu:

Nitropruside

Cisapride

Nitrates

Methiscop[olamine nitrates

Sildenafil chiding

Rifampin

Erythromycin

Cimetidine

Fungal or Yeast infection drug

HIV/AID drugs

Blood Preasuredrugs

A CHI HRANGTE

Hetiang damdawi hi company hrang hrangin an siam a, Barand hrang hrang nawmin a that dan pawh a inang vek lova, mahse, a tlangpui thuin a thawh dan erawh a inang tlang hle a,chuvangin, I duhduh lei tawh mai rawh. Chungte chu:

1,2,3 Tablet 25/40mg

90 E Tablet50mg

Air bus Tablet 50mg

AlpinkTablet 50/100mg

Alsigra Tablet 25/50mg

Androz Tablet 25/50/100mg

Blue Diamond Tablet 50mg

Caverta Tablet 25/50/100mg

Edegra Tablet 25/50/100mg

Enthusia Tablet 50/100mg

Erix Tablet 25/50/mg

Heatex 50 Tablet 50mg

Juan Tablet 50/100mg

Kamagra Tablet 25mg

Manforce Tablet 50mg

Meriday Tablet 50mg

Merrycom Tablet 50mg

Myagra Tablet 50/100mg

Niagra Tablet 50mg

Nyte Tablet 25/100mg

Orgra Tablet 50mg

Penegra Tablet 25/50mg

Progra Tablet 25/50/100mg

Jeansiagra-100 Tablet 100mg

Dr. X-100 Tablet100mg

Tentex tForte (Himalaya)

Khing bak pawh khi chihrang tam tak a la awm a, tarlan sen ani lo. A lar deuh deuh chauh tarlan a ni. Tin, heng ei chi (Oral) bakah hian a chihrang kawhtea chulh (oiling/Gel) chi te, a kah chawmawlhna (Sprayer)-te thlengin a la awm cheu. Kawhte tihlenna leh tihseina (larger & longer) thlengin Ayurvedic medicine-ah phei chuan a awm thei. Mahse, hriat fo tur chu kawhte malis (massage)-na chi leh a kahna (sprayer) chi i hmang a nih chuan hmeichhia i pawl hmain Peni case/CD uluk takin i kawhteah vuah la hmang ang che. CD tel lova i pawl chuan i damdawi hman khan hmeichhe serh chhung kha a luhchhuah ve avangin nangmaha a thawh dan ang ang khan hmeichhiaah a thawh ve thin avangin a vawrtawp a thlen hartir veleh zel thei a, in inmil thei dawn lo tih hre reng thin ang che. A ei chi i hman erawh chuan HIV/AID laka inven nan i ti kher a nih lem loh chuan CD hman tel kher a ngai lo.

DAMDAWI THA DANG

Khing damdawite khi tha hle mah se, kum upa lam tan chuan hman loh a tha ber. Lungphu a tiring a, thisen a pum sang phut a,lungphu a khawih nat em avangin Lungna/lung tha lo vei a awl em em a; thalai tan pawh a khat tawk chauha hman a tha ber a; hman tam lutuk chuan kum upate a nghawng ang thi hian a nghawng khawlo thei a; a tawpah Birla Hospital, Kolkata pan a ngaih phah leh thin tih hria ang che.Chuvangin, heng damdawi eilova kawhte fawkna/fukna/khawngna atana damdawi tha si hmuh mai theih leh harsa deuh awm,te chu :

Khawizu : Khawizu fir dik tak hian kawhte fawk/fuk/khawng thei lo a tikhawng tha em em thei a; chuvangin.zantin mut dawnah emaw, thim hlimah emaw thirfiante 1 ei ziah la, I harsatna a sutkiansak ang che.

Sahram zang: Sahram zang hi hmuh a har mai thei. Mahse, Forest-hote dil thiama a awmna hria chuan kaha a zang chhum hmin ei hian englai pawha inpeih (Eveready)-in mi a siam thei an ti mauh mai ! Chuvangin, I hmuh theih hram chuan ei a tha khawp ang.

Vitamin ‘A’ : Vitamin ‘A’tlakchham avangin hetiang lamah hian chak loh a awm a,chuvangin, vitamin –A tamna thlai leh chawhmeh ei tam thin rawh.

Carrot & Bawnghnute: Carrot powder 2 Tsps/carrot juice 2tsps leh Bawnghnute tak tha no 1-ah pawlhin miniute 10 chhung chhuang lum la, nitin vawi 3 zelin kar 1 chhung ei ang che.

Purunsen tui : Tui litre chanveah purunsen pum 3 zaiphelin telh la, chhungso la, purun rim reh nan sertui tlemte telh la, a lum pep pepin 100ml nitin vawi 3 zing/chhunleh zanah in thin la, thla 3 chhung hetiang hian ti ang che.

Sunhlu sen :Sunhlu sen tui sawr nitin rial no khatin vawi 1 tal thla 1 chhung tal in thin la, I chaklohna a phuhruk ang che.

Engpawhnise,Sildenafil Citrate ei vak vak hian hriselna a khawih pawi theih avangin pumpelh dan hram zawng ang che. Tar hnu/Upat hnua nupui naupangte te nei si hetiang damdawi eia an kawppuite lawmna zawng nasa apiangin lungna/lung tha lo an vei vat a, an thih hma phah fo thin. Chuvangin, nupui naupangte hmel tha deuh neiha thihsanleh thuai ai chuan khing nghawng tha lo nei ve lo Zo damdawite khi hmang mai la, rei tak i dam phah ang a, I nun a hlimin I hriselzawk bawk dawn a ni tih hrethiam ang che.

-Dr. C. Lalrampana