Kum 2010 a Rimawi khawvela titi lian tak pakhat kha kan la hre tlang em? American hmeichhe singer pahnih kara boruak neuh neuh awm khan chanchin a luahkhat a. A hun lai chuan American thalai zingah pawh ngaihven a hlaw ve hle.
Kawmchhak kawmthlang karah pawh inhmuhthiam loh hun a thleng ve fo a, thil thleng ngai loh a ni bik lo, mahse, an ni ang, milar tan chuan thil ho taka lang pawh, an mahni ngainatu (fans) te karah boruak a lo awm ve thin avangin, an tum reng vang pawh ni lem lovin an inhaw phah ta thin.
An buaina ber pakhat chu, an zai dan kalphung style inan vang niin, "ka style" an ti ve ve a. Fans zingah inhnialna a tam hle.
May ni 15 khan Katy Perry chuan a hla thar Daisies a lo tichhuak tawh a. Entu 2.1 crore lai a tling tawh.
Taylor Swift chuan a Album thar FOLKLORE a tichhuak ta rup mai a. A music video Cardigan phei chu ama phuah leh direct ngei a ni.
A buai atangin kum 10 lai a liam ta. Kum 2020 ah chuan music style hrang ve ve in an kal a. Hei hian an pahnih kara buaina ber "ka style" ti chu a reh tawh tura ngaih a ni.
Tun hnaia interview a neihna ah Katy Perry chuan Taylor hnehah an zai dan kalphung a inan thu a lo sawi fo tawh thu a sawichhuak a. Chu mai ni lovin, Oscar Party hnuhnung ber trum khan ngaihdam dilna thuziak a lo pe tawh bawk a. Taylor pawhin thupha a chawi ve thu a sawi.
"Hetiang borual karah inbepawp reng thei mihring, he khawvel ah hian mi 5 vel bak an awm ka ring loh. Inanna tam tak kan nei a, tunhma atangin kan inkawm fo bawk. Mizia leh hawiher, duhzawng inan tak kan nihna te, thiantha kan nihna te hi kan ngaipawimawh tur a ni" tiin Katy chuan a sawi.
Kum 34 mi Katy leh kum 29 mi Taylor hi social media velah an lo inbeih zeuh zeuh thin a. An music ah pawh ineselna te a awm thin. Mahse, tunah chuan hun a danglam tawh a, tunhmaa in ngeih loh tak kha, thiantha tak an ni leh thei ta.
"Ka lawmna ber pakhat chu hei hi a ni. Khawvel mipui hriatah INREMNA leh Ngaihdamna a awm thei ti, a takin kan lantir a. Hmeichhe tleirawl zawng zawng pawhin kan hnung hi rawn zui thei se ka duh, tiin an Katy chuan a tun huntawn boruak a sawichhuak.
Katy chuan Taylor leh an inhmuhthiam loh chhana media te a puh ber a. Media te hian hmeichhia te hi min tum bik thin a, kan rilru a nem angin boruak an siamchawp hi kan zo thin loh a ni ber. Mipa te karah harsatna a awm ngai meuh lo- Ed Sheeran leh Justin Bieber karah eng thil mah a awm lo, media te hian hmeichhia te hi boruak min siamchawp sak thin a ni, a ti.
"Tunah chuan, kan fans te zawng zawng, a bik takin hmeichhia ten kan inrem tawh thu hi lo hria se, inthian tha tak kan ni leh tawh," Katy chuan a ti.
A pasal hual Orlando Bloom lakah Katy Perry hian nau (hmeichhia nia sawi) a pai mek a, nei theih dinhmuna awm a ni tawh.
Mipa te ang lo takin, hmeichhia te hian kan hmeichhe pui te hi kan inkhingpui fo thin a. Thil nihphung pangngai tak angin lang mahse, hmeichhia ten hei hi kan bansan vat a ngai a ni.
Katy leh Taylor hian an buaina vang hian eng thil mah hlawkna an tel lova, an intihreawm zawk mai a ni. Huatna hian kan khawvel a tizim a, itthikna hian duhamna salah min khung thin a lo ni.
Midang te sawichhe mai lovin, an lakah mi tha tak anga lanchhuah i tum fo ang u.
Post a Comment