TV actor Samir Sharma chu a in luahna Mumbai ah thia hmuh a ni. Samir thihna hian India ram a barakhai hle. 

Samir Sharma hian Kyunki Saas Bhi Kabhi Bahu Thi, leh Left Right Left serial atangin hriat a hlawh hman viau a. He ti maia a liam leh ta hi, Indian film industry a thrawng hle a ni. 

Suahant Singh Rajput thihna khan chanchinthar a la siam reng a. Bollywood chhungah pawh inhnialna a siam nasa hle a ni. SSR thihna vanga buaina neuh neuh a awm mek laia film industry lama mi bawk he tianga a han awm leh ta hi, hrilzui a hlawh leh ngeiin a rinawm. 

Sharma hi Delhi mi niin, Bangalore ah te IT company lamah hna a lo thawk tawh thin a. Chumi hnuah Mumbai lamah a chak em em thin acting lam chu luhchilh turin a chhuk thla ta a. TV lama a inhman hmasakna ber chu Dil Kya Chata Hai leh Kahaani Ghar Ghar Ki a ni. 

Acting lamah a kal tluang zel a. Serial engemaw zatah a chang chho ve zel a, 2014 ah phei kha chuan Bollywood film  Hasee Toh Phasee ah Supporting role lai a chang pha ta. Acting bakah hian modelling lamah pawh Sharma hi hmuh a ni fo a. Sulhnu tam tak a hnutchhia a ni.  TV serial 15 laiah a inlan tawh a. Bollywood film 3 zetah hming a chher ve bawk. 

Kum 44 mi Samir Sharma hi August ni 5 zan bawr vela intihlum niin a lang a. Ni hnih hnuah hmu a ni chauh a. Hun rei tak thawm a nei tak lova chuan, watchman in choka tukver âwng atangin a bihthla a, ceiling a a inkhai chu a hmu a.  Police te hriattir nghal niin, police team chuan hospital lamah an la phei nghal a, hospital doctor te chuan 'Brought death" a thi thaw thu an puang. Police te sawi dan chuan, ni 2 vel liamta a thi niin a lang a.  Mahni intihlum niin an ngai a, chuvangin Accidental  Death  report anga register a ni.


Social media velah hung engemaw chhung kha a reh vang vang a. Istagram-a a post hnuhnung ber chuan titi a siam leh ta a. Engemaw harsatna a tawk ngei niin a lang. Thihna chungchang thuziak (poem) a post hnu hian thlalak 2 a post a, mahse caption erawh a dah lo thung. 
Actor Sameer Sharma

A Eizawnna lamah harsatna tawkin, a suangtuahna ramah a leng pha lo niin a lang a. Mi thenkhat ang bawkin a phur zawh lo tur beiseina a nei, a ni thei bawk. 

Tin, tunlaia sawi hlawh pakhat indian film industry  chhunga nepotism khan Samir Sharma kha a lo ti na ve em? India ramah chuan actor te duhthusam chu Bollywood chhunga zuanluh hi a ni ngei ang. Samir Sharma hi Bollywood ah hmun a chang zawh lo vanga intihlum a ni thei eng em? tih te chu zawna awm thei a ni a.  Mahni intihlum a ni pawhin chhan leh vang a awm ngei ang. 

Samir thian hnai tak, TV lama a inlanpui thin Geetanjali Tikekar chuan Samir chungchang lungchhe takin a sawi a. Lockeddown hma leh hnu ah pawh Samir, kei leh ka pasal hi kan inbe reng thin a. Mi kawm nuam, hlim thei leh fiamthu duh tak a ni. Heti maia a awm hi ka ring thei lo, tiin a sawi. 

A intihlum chhan nia a rin chungchang zawhna chu, Geetanjali chuan, sawi mai a harsa. Mahse, Ka Samir hriat thrin kha chu sensitive leh emotional tak mai a nia. Thil engemaw tak chu a tawrh zawh lo a awm a ni thei, tiin a chhang. 

Indian film actor te an intihlum ta fo mai a. Film lama inhmang te hian engtiang takin nge hlawhtling turin an beih, acting talent bakah thil dang te hi an phût reng em, tih te chuan ngaihtuah a ti thui hle.

Hetih lai hian Bihar Government in Sushant thihna a CBI te chhui tura an phut hi Centre in a pawm sak ta a, Nilaini khan Supreme Court chuan a rawn puangchhuak a ni.

Post a comment

Powered by Blogger.