MIHRING HA (TOOTH) PAWIMAWHNA

MIHRING HA (TOOTH) PAWIMAWHNA

-Dr. C. Lalrampana

Mihring leh ramsa, mihring ranvulh etc-te hian kan taksa tana mamawh chihrang hrang a sak chi emaw a nemchi emaw kan pumpuiin hahdam taka a lo pai tawih (digest) theih nan pumpuia a luh thlak hmaa lo dengsawm/chhusawm/thialsawmtu tur ha (Tooth) kan nei theuh a; chu kan ha hmang chuan kan taksa tana mamawh hrang hang kan eite chu kan thial sawm a; kan lem a; a thlenna tur hmunpui (headquarter)-ah chuan a thleng thla a; pumpui chuan a lo thial nawn veleh a; thil sak lutuk kan eia a thial sawm that theih loh chuan pumpui chuan chakloh nan a hmang a, amaha chakna a neih tawk thin loh avangin a thawh tur ang thawk tha thei lovin a lo na chhuak ta thin a ni. 

Chuvangin, mihring leh ramsa, ranvulh, chungleng/hnuaileng emaw ha (tooth)  nei chi te tan HA (tooth) hi a pawimawh em em a; a bikin mihring ha pawimawhna leh dimdawi a tulna te; ha avanga harsatna kan tawh theih dante uluk takin i han belchian dawn teh ang. Zawm tur chi pawimawh dodal zawnga i awm mek a nih pawhin hmalam thlirin i tana tha tur kawngah chuan theihtawp chhuaha ke pen tum ang che.

HRIAT HMASAK TUR:

Mihring ha (tooth) hi chunglamah leh hnuai lamah 16 ve ve awmin a vaiin 32 a awm a. Hengte hi lan hmelthatna satliah mai atan Pathianin a siam lova, awmze nei tak leh ha mal khatte te hian pawimawhna leh hnathawh hrang hrang an nei theuh tih hrethiam ang che. Chutiang ang tak chuan taksa peng hrang hrang hriselna vawnghimtu leh puitu an nih avangin ‘Ha’  tel lovin mihringte hi kan hriselna a famkim thei lo tih kan hriat a pawimawh takzet a ni. Chung an pawimawhnate chu hetiang hian tarlang ila:

HA CHUNG LAM:

HA HMAI 4-TE: Hengte hi Kal (kidney); Zunkawng/dawt; phing leh chhul kawngkate chakna petu leh hriselna thlentu a ni a; chuvangin, ha hmai chung lam 4 a nget chhe vek emaw a bal vek hian tawng a fiah loh leh mawi loh bakah kal, zunkawng/dawt; phing leh chhul kawngkate hnathawh a tibuai thei a; kal tha lo, zun harsatna, chhul na leh bawlhhlawh chhuakte a thlen thei. 

HA UINGHO 2-TE: Heng pahnihte hian thin (liver) leh mit (gallbladder) chakna leh hriselna atan tangkai taka hna an thawh avangin hengte hi a nget chhe vek emaw a bal a nih chuan thinna (liver disease) leh mit (gallbladder) chak lo emaw, mita lungte awm thlengin sawhkhawk tha lo tak a awm phah thei.

HAPUI TAWNTIRH 4-TE: Hengte hian chuap (lung) leh ril (colon) hrisel nan hna pawimawh tak an thawh avangin Hapui chunglam tawntirh, a tawn tawna 2 ve vete hi a nget chhe vek emaw, a bal a nih chuan chuap chak lo/tha lo leh ril chak lo, rilna/ril pan a siam thei.

HAPUI TAWPBER DAWTTU 4-TE: Hengte hian Pumpui (stomach); Awrpuar (thyroid) leh la (spleen)-te hi natna lakah nasa taka a venhim avang leh chakna a pek avangin hengte hi a nget chhe vek emaw, a bal a nih chuan Pumpuina, Awrpuar (thyroid) natna chihrang leh thyroid cancer; lana (splenic fever)/laa thisenzam chat (rupture of spleen); la (spleen) natna chihrang hrang  thlen thei a ni.

HAPUI TAWP 2-TE: Hengte hian lung (Heart); leh rilfang (small intestine) hnathawh a tanpui avang leh chakna petu a nih avangin  hengte hi a nget chhe vek emaw, a bal a nih chuan lungna (Heart disease)/lungphu chawl (Heart attack); lungsa (heartburn) leh rilfang natna leh chaklohna a thlen thei a ni.

HA HNUAI LAM:

HA HMAI HNUAILAM 4-TE: Hengte hian Kal (kidney); Phing (Bladder) leh mipa thalbe  (Prostate) leh hmeichhe chhul innghak (Uterus) tan chakna petu leh natna laka venghimtu a nih avangin hengte hi a nget chhe vek emaw, a bal a nih chuanKal tha lo; thalbe tuihul leh na bakah chhul innghak natnate  leh chaklohna a thlen thei.

HA UINGHO 2-TE: Hengte hian thin (liver) leh mit (gallbladder) chakna leh hriselna atan tangkai taka hna an thawh avangin hengte hi a nget chhe vek emaw a bal a nih chuan thinna (liver disease) leh mit (gallbladder) chak lo emaw, mita lungte awm thlengin sawhkhawk tha lo tak a awm phah thei.

HA PUI TAWNTIRH 4-TE:  Hengte hian chuap (lung) leh ril (colon) hrisel nan hna pawimawh tak an thawh avangin Hapui chunglam tawntirh, a tawn tawna 2 ve vete hi a nget chhe vek emaw, a bal a nih chuan chuap chak lo/tha lo leh ril chak lo, rilna/ril pan a natnate a thlen thei.

HAPUI TAWPBER DAWTTU 4-TE: Hengte hian Pumpui (stomach); Awrpuar (thyroid) leh la (spleen)-te hi natna lakah nasa taka a venhim avang leh chakna a pek avangin hengte hi a nget chhe vek emaw, a bal a nih chuan Pumpuina, Awrpuar (thyroid) natna chihrang leh thyroid cancer; lana (splenic fever)/laa thisenzam chat (rupture of spleen);  la (spleen) natna chihrang hrang  thlen thei a ni.

HAPUI TAWP 2-TE: Hengte hian lung (Heart); leh rilfang (small intestine) hnathawh a tanpui avang leh chakna petu a nih avangin  hengte hi a nget chhe vek emaw, a bal a nih chuan lungna (Heart disease)/lungphu chawl (Heart attack); lungsa (heartburn) leh rilfang natna leh chaklohna a thlen thei a ni.

Mihring ha (teeth)-te hi hetiang taka pawimawh leh tangkai a nih avang hian uluk taka duat thiam a ngai a, chuvangin, chaw ei khama ha nawh mai bakah thil ei zawh hlim apiangin ha hlo (toothpaste) tha leh rintlak hmangin ha kar leh ka chhunga bal leh bawlhhlawh ha tichhe thei tur zawng zawng  nawh fai ziah thin a tha hle. Hetianga tih zat theih a nih kher loh pawhin tuisik thianghlimin fai takin kam thuah nghal zel thin a tha hle.  Tin, ha nawh fai ringawt a tawk lova, ha tuamtu (enamel) leh ha hni (gum) tichhe thei heng zuk leh hmuam chihrang hrang uar lutukte hi ha chakna tibo theitu a ni a, ha hni a titawih thei a, ha hnia thisen zamte a ei chhe vek thei a; chuvangin, zuk leh hmuam leh kuhva leh ha tana tha lo ei leh in lakah inthiarfihlim a pawimawh tak zet tih hriat a hun ta hle.  Thei thur leh thlum lutukte pawh  hian ha rei tak a chiah chuan ha chhiatna leh chaklohna a thlen theih avangin thil ei/in zawh apiangin ha fai taka nawh emaw kam thuah ziah tur a ni.  Ha nget/muat leh ha bal/thlawn nasa lutukte hian mihring taksaa natna lut tur lo dolettu sipai (white blood cell) tlakchhamnate thlenga a thlen theih avangin uluk takin invawng fel fai ila, englai pawhin nui var thah reng thei ila, kawng engkimah kan lo hrisel mai dawn a lo ni. 

Sa hring seh zo hlim ang maia kuhva ei zawha ka sen huam chunga nula tlangval; nupa an han infawp/inchuk (kiss) thinte hi ngaihtuah chian chuan a tuihnai lo hle. Chumai a ni lo, Sahdah/khaini hmuamna ha hni chunglam leh hnuailam dum thut chunga an han infawp (kiss) chiam thinte hi aw! A la awm cheu mai a! Meiszial/sikret zu zo hlim vaihlo tur (nicotine) nawi chambang rimchhe tak chunga an han infawp (kiss) ngawr nawr maite hi aw! Sawi tur a la awm cheu mai? Zu rui thing nam huam chunga an han infawp chuk chuk mai thinte hi ngaihtuah chian chuan a tenawm takzet a ni. Hmeichheho hian an dawh thei phian a. Nu thenkhat phei chu zantin Pa ber zu nam huam bulah laikhum zalin “Ka duat, nang chauh lo chu e…..!” an la ti thei thinte leh Nulahovin tlangval ha nawhfai nachang hre mang lo leh kam thuah fai nachang hre mang hlei lote leh zurui nam huam duat taka Phengphehlep pangpar zu tlana tui ti taka a fawp ang maia an han fawp/chuk ngawr ngawr mai thin han hmuhte hian ngaihtuahna a tithui thei hle. Hetiang bawk hian mipahote pawhin hmeichhe tawp tak tak  kawpa an han fawp (kiss) ngawr ngawr mai thinte hi chuan dawn a tisei tak zet a ni.  Medical Test nei hmasa zet lo phei chuan tunlaiah natna hri kai mai theih tam tak a awm tawh a; chuvangin, hnam changkang zawkte tihdan zira infawh/inchuk chiam chin thin loh hi a him ber tih hriat a tha a; ha natnate pawh inkaichhawn theih loh tawp a ni hulhual bik lo tihte pawh khunkhan taka ngaihtuah chungin fimkhur takin kan hate hi I vawngfai theuh thin ang u.