He Indonaah hian i tel ve nge i tualdawih?
DEMOCRAT-REPUBLICAN INDONA HIAN ENG NGE
A HRIN CHHUAH DAWN?
Indona hmun : US Election leh Court-a Indona
Indonaa Telte:
(i) Democrat leh Republican
(ii) Ringtute leh Ringlo mite
(iii) Dikna vrs Dawtthua Inbumna
(iv) Ringtute Ralthuam: Tawngtaina leh Lalpaa Beiseina
Dr. PC Biaksiama,
8 Dec 20, Nilaini.
Kan thu tlangpui tur: China (fake) Ballot hmanga US President nih tum Bidena’n Game la khel zel; Kristiante nuai bo tumna leh humhalh duhtute indona; Court hmanga indona kal mek: China Virus-in Trump-a Legal Teamte a chhaih buai; Supreme Court an la thleng thei rih lo – Dem-ho court-in an CHELH khawtlai vangin. Mahse, Texas State-in Supreme Court-ah direct-in State 5 dan bawhchhiate a khing ta rup mai; Georgia officialten audit lovin vote a vawi 3-na an chhiar leh ringawt; Trump-a phatsantu officer lian Wm. Barr-a dinhmun; Trump-an THIL ROPUI lo thleng thuai tur a tiam hi eng nge ni a, eng tika lo thleng tur nge?
CHINA BALLOT SIAMCHAWP man chhuah a ni. He US President inthlana Trump-a paihthla tura foreign ram lian tak tak, China te, Russia te leh Iran ram te inrawlh ve ngeia rinhlelhna kha tunah chuan finfiah a ni ta. Leftist liberal Democrat-ten engti kawng zawng pawha Bidena tlintir tumin, an fake ballot paper lehzel te pawh China khawl chhuak zu nia!
He finfiahna pawimawh tak hi China lal chhungkuaa mi, thuruk puangtu Whistleblower hnen atang ngeia dawn a ni lehnghal a. He thuruk puangtu hian America inthlan nana hman tur ballot maktaduai 5 zet chhu turin Kwangtung, China printing press neitu-in China tawng Mandarin-in order a dawng a, USA a direct-a phur lut lovin, Canada leh Mexico te kaltlanga thawn luh a ni tih finfiahna thlalak te, video te a nei vek a nih chu! He Whistleblower-a hi a hming a tarlan chu Vinness A Ollervides-a a ni a; tun hmain Chinese Communist Party a politic fawng chelhtu lawk ve tak a ni thin.
Chhinchhiah tlak tak chu, Democrat-ho leh Communist China lo inthlunzawm thuk zia, Trump-a tihtlak tuma thil an lo phiarruk nasat zia a tarlang a; Dominion khawl mak pawh kha China siam, China supply a lo ni reng tih kan sawi tawh thin kha. Heng baka chhinchhiah tlak tak chu: Trump-a vote let thla zo tur chuan ballot paper maktaduai 5 (nuai 50) zet an lo order atang hian, Trump-a chak tur zia hi Democrat hovin an lo hre chiang hle mai a, an che turu hem hem reng a ni! Inthlan campaign laia Trump-a au hla ber kha, “Bidena a tlin chuan China thuhnuaiah kan kun nghal ang,” a lo ti thin a nih kha (https://thegatewaypundi.com/.../china-whistleblower.../.)
AMERICA IN SAKHUA (Kristiante) A HUMHALH Nimin 7.12.20 khan sakhaw zalenna nekchep ram hrang hrang – Burma, China, Eritrea, Iran, Nigeria, DPRK (N. Korea), Pakistan, Saudi Arabia, Tadjikistan leh Turkmenistan te hi International Religious Freedom Act of 1998 in a lo sawi angin sakhaw zalenna dan bawhchhe ramah a dah.
He policy hi awm mahse, UNO in a bawhzui ngai lo va; Trump-a America lo chuan khawi sorkar mahin an humhalhin an bawhzui ngam lo. Europe ram, Kristian ram inti ve thinte pawh an Kristian dan a dal - liberal lutuk tawh a, sakhaw zalenna humhalh thei dinhmunah an ding tawh lo. Rinna vawng himtu ‘Defender of THE Faith’ anga ngaih thin Great Britain pawh rinna phatsantu ramthimah a lo chang zo tawh. Chutih laiin, he khawvela kristiante thlavang hauh duhtu leh hauh thei awmchhun Trump-a Americaa mi chhuanvawr, US Secretary of State, Mike Pompei-a chuan, “Sakhaw zalenna humhalh tur hian America hian duap a kaih dawn lo. Sakhaw rinna miin an neih avang maia intih duhdah hi tute tan mah phal a ni lo. Tute pawhin sakhaw zalenna an bawhchhiat chuan hma kan la zel dawn,” tiin Twitter kaltlangin Pompei-a chuan khawvel puma sakhaw zalenna America sorkarin a kenkawh zel tur thu a sawi.
Mahse, a chhe ber dawnin, Communist China candidate Biden-a hi lal ta ang se, khawvel pumah kristianten thlavâng hauhtu pawh nei lovin, kan chep tlawk tlawk ang a; Communist China dictator hnuaiah tuna ringtute an tihduhdah ang mai khi kan awm dan tur chu a ni. Hetiang hi khuai anga khel lova thil awm dan tur a nih avangin he hun hnuhnunga Chanchin Tha hril darh a nih leh theih nan Donald Trump-a hi tawngtaisak a pawimawh zual sauh sauh a ni.
COURT-A INDONA HAUTAK Inthlanna result kha Democrat-ho chuan a rukin an ru tawh a; chumi chhuh let tuma court-a indona hi Democrat-Republican te inkara indona hmunpui a ni ta. Tu nge court-ah thiam chang ang? Trump-a Legal Teamte hmalakna chu heng swing state 6, Democrat thuhnuaia mi vekte hian namen lovin an lo dodal a; vote tihchingpenna a awmzia finfiahna chiang ber berte pawh ngaithla duh lovin an lo hnawl zel a. Lehlamah Supreme Court-a an kal theih lohna turin dan beh an tum tlat bawk si. Thâwk lakna tur leh duhsaktu hmel awmna Supreme Court an la thleng thei rih lo.
Chutih laiin Trump-a ukil senior, Rudy Giuliani-a chuan Covid hri a vei (positive) leh hlauh mai si. Tihdan pangngaia damdawi ina admit a ngai ve si. Mahse a ngaihtuah awm lova, khawsik pawh a awm lo; enkawlna tha bera enkawl a ni a. A awm loh chhunga a ai lo awh turin Texas Senator Ted Cruz-a, Republican zinga thluak tha leh experience nei tha berte zinga mi chu a inpe nghal a; mi rin a hlawh hle mai. Chutih laiin Legal team-a mi tangkai Pi Jenna Ellis-i chu covid test-naah a lo positive ve leh hlauh mai a. Democrat-ho hian court case nawr chak thei lo turin a rukin covid hri hi thiam thilin an lo kaitir a ni ngei ang, tia inrinhlelhna nasa tak a chawh chhuah phah a ni. Chutih laiin Sidney Powell-i chuan, “Supreme Court kan thlenpui hma chuan kan chawl dawn lo reng reng,” a ti a; Georgia attorney tha fahran mai Linn Wood-a pawhin, “Inbumna tinreng hi kan hailang vek dawn a ni,” tiin a tawp thlenga hma lak an tum ruh hle.
TEXAS STATE-IN SUPREME COURT-AH THLEN Hetianga state hrang hranga court-ten lo dang beta che thei lova siam an tum mek lai hian America rama State lian ber dawttu, Texas State (hneh taka Trump-a vote tlingtu state) aiawhin an Attorney General ngei mai, Ken Paxton-a chuan heng state 4: Georgia, Michigan, Pensylvania leh Wisconsin ten inthlannaah khan Constitution Dan an bawhchhia, tiin US Supreme Court-ah direct ngatin a khing ve ta rup mai, tih Lite, breibart.com-ah Joel B Pollak-a chuan nimin khan a sawi.
An hekna thu chu: Heng state 4-te hian an State Legislature phalna la lovin an state court leh an sorkar official-ten an thuneihna hmang sualin, he covid hrileng chhuanlam hian vote thlak dan rules leh regulation bawhchhiain an duh danin last minute-ah an tidanglam, chu chuan inthlan result pawh a tihdanglam phah hial a ni,’ an ti a ni. Chubakah, heng state-ah te hian state pakhat chhungah rau rau pawh bial (counties) hran hran te hian dan an nei hrang vek mai a; hei hian Constitution-in “Equal Protection Clause” a neih dan chu an bawhchhia, an ti bawk a. Hetianga Danpui kalha Bidena tlin theih dan ringawt ngaihtuaha anmahnin dan an lo siamchawp avang hian inthlan dan a timumal lo ta nuaih a ni,’ an ti bawk. Heng thubuai leh dan bawhchhiatna te hi chinfel a nih hma chuan heng state te hian electoral college a vote thlak lo turin Supreme Court hnenah a thlen a ni. Chumi awmzia chu: ‘thubuai chinfel hma chu elector-ten President tur thlan rih lo rawh se,’ tih a ni.
Theihna zâwn zâwna indo. Tun laia America tualchhung indona chu sawi aiin a buaithlak, a chii-rii. Party pakhatin dik taka Pathian trih chunga thawhrimna leh thiltih that hmachhuana tlin tumin thahnemngai takin an campaign a; politik thli a tleh a, mipui chhiar sen loh an tleh dur dur reng a, tun Inrinni thleng khan. Party pakhat zawk erawh chuan campaign hah ve lem lovin, ballot lem siamin, America hmelma lian ber, an pu chuam Communist China siamsak an lo chaw lut a; swing state 6 a election hnathawktu zawng zawngten vote tihchingpen hna an thawk a, an training lawk a; intham lungawina turin sum an seng hnem em em a. Chung vote ruk khawma an intihtlinna dik lo chu court-a roreltuten an lo veng tlat mai bawk a. Dikna leh dawtthua inbumna a indo tluk tluk mai a ni.
State Governor Office leh State Legislature te indona. Georgia state-ah chuan, fake vote dik lo a tla hnem lutuk, tia complain-na chu, tihdik tum ni awm takin, mi ngaih tihthat nan an state thuneitute chuan an han chhiar nawn leh ringawt thin a; a lem leh a tak thliar hrang si lova vawi hnih vawi thum chhiar nawn rikngawt khan awmzia a nei si lo va. Chung lemchanna thiltih hmanga Bidena an tihtlin tumna chu nemngheh luihtir tumin tan an khawh tlat a. Chutianga officialho thiltih chuan an state neitu State legislature (Senate leh House memberte chu Republican majority ve ve an lo ni vek si a; an thuneihna an lekkawh ve ta a; officialho thiltih chu Law-maker-te chuan an pawmpui duh ta lo a ni.
State dang chu kan tarlang seng rih lovang; Georgia state-ah hian Bidena chu vote 12000 velin a chak an ti a. Mahse court hmaa intiamna thu (sworn testimony) meuha thudik an tarlanah chuan, Georgia a vote thlak zingah:
- Mi 4926 te chu hun tiam ral hnua in register an ni.
- Mi 2056 te chu misual, dan lova vote thlak.
- Mi 66,248 te chu kum 18 hnuai lam, kum tling lo an ni.
- Mi 2423 in register lova vote thlak.
- Mi 1043 te PO Box hmanga in register te.
- Mi 10,315 mitthi vote (thih hnua vote thlak)
- Mi 395 in state pahnihah vote an thlak.
- Mi 15,700 ten Georgia an pemsan, address pawh thlak tawh.
- Mi 40,279 ten an awmna hmun insawnin, vote turin an in register lo. (https://twitter.com/DonnaWR8/status/1336057072279035908?s=08)
Heng bakah hian mi dang hminga hming sign (fake signature) 45 000 zet a awm bawk a. Hei vang hi a ni ang, Trump-a pawhin ‘Signature inmil lo ringawt hi siam tha se ka tling nghal a ni,’ a ti reng a ni (https://theepochtimes.com/trump-says-he-will-win-georgia......) Vote endikna (forensic auditing) tura order chhuah a ni a, a result kan la ngaichang a ni. Heti chung hian he state a an Governor, Brian Kemp-a leh election lama thuneitu ber Secretary of State, Brad Raffensperger-a te hi Republican mi leh sa niin, Trump-a duhsaknaa Governor ni thei ni mahse dollar maktaduai 106 a tham lungawi tawh, sum vanga an pu hralhtu, corruption sum bawiha tang tlat tawh kha an ni a. Hetianga state officialte leh an legislature (Senate leh House majority) te an power ve ve an hman dawn chuan, a lal zawk zawk leh Constitution-in thuneihna a pek zawk State Legislature te hian Dec 14-ah Trump-a lamtang hlir Elector 20 an tir dawn a nih hmel.
Georgia state ang chiah hian result chiang lo leh buarchuar dang Michigan, Pensylvania, Wisconsin leh Arizona ah te hian Upper leh Lower House-ah Republican-in an control vek avangin State Legislature ten an thuneihna hmangin President thlangtu tur Elector rual an tir dawn a ni tih kan sawi tawh a. Tin, vote chingpente kha endik (audit) a, Dominion khawlte kha mithiamin an endikna report atangin thil awm dan tur a chiang thei bawk.
Phatsantu Officer lian William Barr-a. Duhsak em ema dinhmun sang ber zinga mi, Attorney General atana a ruat William Barr-a chu a pu Trumpuia tana tangkai ber tura ngaih a nih laiin a ruka lo phatsanin Democrat tana thawktu a lo ni reng mai. Loh theih loh thilah chauh hian Trump-a hian a hnuaia thawkte hi a ban thin a; mahse a officer lawk rualte hi Obama hun laia mi, corrupt pui pui leh a tul huna Trump-a phatsan thintu an lo ni nawk mai si a. Kumin June thla vela Black Lives Matter protest movement nasat vang laia, buaina chingfel tura state governor-ten police pawh ko duh lova khaw tam tak an hal dur dur lai khan, Trump-a chuan, “A ṭul a nih chuan buaina chingfel turin sipaite pawh kan ko chhuak mai ang,” tih thu a sawi rikngawt avang khan a Defence Secretary Mark Esper-a khan puihbawm a hnehin public takin a hnial ta pung pung mai a; mahse a ban lawk chuang lo. Amah zawkin nuam a ti ta lova, hmanni lawk khan Trump-a chuan a ban chauh va. Inthlan buarchuar lutuk avanga ram pum a buai mup mup laiin, a thlavang hauhtu tur a hnuaia thawk Cyber security Director Christopher Kreps-a chuan a pu elsên nana ti ni awm takin, “He inthlan hi America chanchina inthlan him ber a ni (the most secure in American history) tiin a’n tlangaupui leh tlat a. A rilru tur chu sawi ngai lovin kha khan a hril vek tawh.
Tunah hian DOJ hotu lu ber Attorney General William Barr-a chuan amah duhsaktu a pu Trump-a tlak theihna tur a lo zawng char char a. Thla tam tak kal tawha eptuho Hillary Clinton-i te, Obama te leh Biden-a te hovin 2016 kuma Trump-a election campaign an lo enthlak rukna te, ni hauh si lova Russia puihnaa tling ang chauhva Hillary-i te puhna, Trump-a chunga special investigation an tihna te kha, chhui chhuak tura Durham Investigation report chu peih daih tawh tur ni mahse, Barr-a hian, ‘Inthlan hmain report peih hman a ni lo vang,’ a ti tlat a. Inthlan hma khan report kha pe ni se, Trump-a eptuho zawng zawng kha chu jail a tang tur an awm pheng phung mai dawn si a.
Tunah inthlan a buai a, Barr-a hian engmah ti duh lovin a awm hle hle ringawt a. Thu hnuhnung kan hriatah chuan, ban a nih hmaa ban a tum thu a ni. Ani lakah trumpa’n 'I’m disappointed’ a ti chung pawhin mahnia ban nachang a hre mang si lo va; tunah chuan ban a tum ve nia sawi a ni. A chungah hian America mipuite an lawm lo teh a nia. (Twitch TYT.com, “Attorney General Wm. Barr may leave before Trump fires him). Ani chauh a ni lo, FBI director Christopher Wray-a, Biden-a te pafa eirukna case lian pui lo upbet tlattu te, CIA director Haspeli, engmah titha duh lo te hian kan pu Trumpuia rilru an tihhah dan tur hi sawi hian a siak lo a ni.
THIL ROPUI LO THLENG THUAI TUR CHU? Tun atanga ni rei loteah THIL ROPUI DEUH LO THLENG TUR A AWM tiin Trump-a hian a puang tawh a. Chu chu eng thil nge ni, eng tika lo thleng tur nge? tih chu miten rinthuin an chhui zawn nuk nuk mai. Court thubuai hi a la hnawk em avangin court thuchhuah dan tur chin hriat a la ni lo va. Dec. 14 hian dan ang chuan state tina elector ho Washington DC a kalin president tur an thlang dawn a ni a. Mahse state buai 6 zinga 5 tal hi a buai avangin elector inthlan dan turah officialte leh Legislature te karah zawm tur bik a awm loh chuan Congress-in a rel ang; chuti a nih chuan state control hnem zawk Republican in president an thlang dawn tihna a kawk bawk ang.
Chu thleng thlenga kal lo chuan, MARTIAL LAW puan mai hi Pu Trumpa’n thil ropui lo thleng tur a tih hi em ni dawn? Nge, ringtute tawngtaina chhangin Lalpa hian Miracle hmangin a rawn che tawh dawn? tih hi beng sika ngaihtuah zui ngai a ni ta. Tun dinhmunah chuan buaina hi chinfel mai chi ziazang a ni lo. Democrat leh Republican te inkar boruak hi a lum tawh nasa si a. Dem-ho hian an thiltih dik loh hi an sim dawnin a lang si lo. Tualchhung indona (Civil War) hi a hnai hle tawh mai a.
Tun ni hnih lek kal ta khan an intih buainaah silai te pawh hmeh puah a ni hial tawh a. He inthlanah hian foreign powers te inrawlh ngam hial khawpin Biden-a te lamin China thiltihtheihna namen lovin an lo hmang tawh reng mai si a. Foreign ramte an inrawlh tih hi US Director of National Intelligence, John Radcliffe-a chuan December 6 khan Fox News-ah a sawi a ni.
Hetiang huna ram leh hnam inpum khatna tichhe thei buaina leh râl an lo hnaih tuau tuau lai hian, mipuiten Trump-a hi Martial law puang turin an nawr nasa tawh a; sipai general hialte pawhin thurawn an pe tawh bawk a. Civil War rapthlak a puah keh hma ngei hian Trump-a hian ‘thil’ a tih a ngai a ni – ralin Zion an thlen hma hian. A muang sual palh ang tih a hlauhawm. Mainstream news (Fake news) te lahin nitin darkar 24 chhung hi amah Trumpa sawichhiat nan ‘disinformation leh misinformation’ hmangin thapui thawhin hun zawng zawng an hmang a; Trump-a sawi chhiat dan tur hi CNN President leh hotu dangte chuan training an inpe reng mai si a;. Mipuiten thudik zawk hriat duhin an chi-ai tawh a ni.
Mak takin CNN thlirtute zinga comment-tute atang pawhin martial law puan a nih loh chuan he buaina hi chinfel rual a nih loh thu sawi ve tawp tawp an awm bawk. Chuvangin, Lalpa chetna chu dal rual loh ni ta se, Trump-a hian he hun buaithlak em em mai hi an ram Democracy leh Republic vawng hima, religious freedom, Christianity, freedom of speech etc. te humhalh a, Socialism leh Communism lo lawr zuk zuk tawh laka chhan chhuak turin, hmana Civil War hmasa a awm laia a ngaihsan ber Abraham Lincolna’n an ram Uniyed States of America inpumkhatna vawng him tura Martial Law a puang ang khan, Trump-a hian an ram tlu mek tung ding tur hian hma a lak a ngai tak zet. Lincoln-a hun laia thil thleng aia nep hauh lo, tuna buaina su kiang tur hian – Donald John Trump-a hian THIL ROPUI chu thlentir rawh se, muang lovin. (https://youtu.be/T-fAjMHMQbE)
Post a Comment