TUNLAI ZORAM TITI 
A thlirna tlang dang ațangin: DELUSION
 
- Dr. Jeremy V Pachuau.
rilru kimlo Lalramliana


A thupui khi in rin loh zawng daih a nih hlawm ka ring. Tunlai chu Pu James Lalramliana rawngbawlna hian a chhe zawng leh a țha zawng pawn kan rilru a luah ber hrih niin ka hria. 

Kei chuan a rawngbawlna hi a dik/a diklo tih lam hawia post pawh ka tum lem lo. Mahse, Pu James a rawngbawlna leh a thu chhuah te han hmuh țhin chuan, a Medical Science zawnga thlirin natna serious tak ata chhan a ngaiin ka hria. Psychiatrist/Psycologist/Psychotherapist enkawlna a mamawh khawp mai. Tunhma a Psychiatrist te, "mi â doctor" kan tih fiam țhin kha, tunlai ang, ram changkangah chuan, damlo tam zawk hian an mamawh zia a hriat tawlh tawlh tawh awm e.

Ka lo hmuh dan chuan Pu James a hi, a thusawi te ngaihthlak phei chuan, medical a, psychiatric natna chi khat, *"DELUSION"* serious tak a nei a, tisa leh thlarau a puih a mamawh in ka hria.

"ENGE DELUSION/DELUSION DISORDER CHU??"

DELUSION chu mi/damlo (mahse an damlo, rilru damlohna (Mental illness) an nei tih in hre si lo) a, 
- Amah kha midang aia dik/felfai/chungnung zawka in ngaih tlat te. 
- Thil thleng miahlo leh thleng tur pawh nilo, mahse thleng anga ngai/thleng dawna ngaih tlat te. (e.g. Sawrkar hnathawk in, engmah awm silo a promotion hmu mai tura in ngai tlat te "or" Sumdawng mi, sumdawnna lian lemlo, hnathawk lutuk chuang silo a, nasa taka tam, sum nei mai tura in ngai tlat te.)..etc..

"DELUSION"* hi ram changkang ah te, WHO te thlengin, natna hlauhawm tak niin an ngai. Treatment pek țhat loh chuan zual zelin, depression te neiin an taksa leh rilru thlengin a chhe vek thei. Psychiatric counseling an mamawh lutuk tih hriat a țha.

WHO chuan Hriselna (Health) chu ti hian a hrilhfiah. "Health is a state of complete physical, mental and social well-being and not merely the absence of disease or or infirmity". Han chhiar chian chuan, mentally healthy a nih loh chu, dam in ti mahse, natna neia ngaih an ni. Chuvang chuan "Delusion" hi WHO chuan a dah pawimawh a, chi hrang2 in a țhendarh leh zel bawk. A țhen han en ila:
1) Eromatic delusion:- Hei chu midang aia fing leh țha zawka in ngai tlat, mi lar te pawn an ngaihzawn rawn a inngaih tlat na.
2) Delusion of Grandeur/Grandoisity:- Mi pangngai aia thil ti thei/thil tihtheihna nei bika inngaih tlat na a ni. Cambridge dictionary leh Psychiatry text book țhenkhatah phei chuan, heti hian an ziak hial. "Pathianin midang aiin hmangaih bikin, power/thiltihtheihna țha bik neiin a dah bik a. Pathianin midang chhanhim turin a ruat bik hial niin an inngai tlat țhin. Tihdamna tinreng neia inngai tlat pawh an awm". Delusion of Grandeur nei hi an tam ber a, treatment pek țhat loh phei chuan thil pawi tak an chungah emaw, midang chungah an thlen thei.
3) Delusion of Persecution:- Tu emaw/sawrkar spy etc..ten thah an tum tlatin an in ngai țhin.
4) Delusion of Infidelity/Jelousy:- A taka thleng silo in, an kawppui/ nupui/pasal te midang laka rinawmlo/uire tura ngai tlat te, a dang la awm mahse, duh tawk ang.

Chutichuan, Pu James Lalramliana natna ber chu, "Delusion of Grandeur" kan tih khi a ni ta ber a nih chu. Ka ngaihtuah mai2 chu, kan naupan laiin, mahni vengah te tu emaw chhiah/bawl nuam bik an awm țhin. Kan han chhaih a, thinrim taka min han um kual vel chuan nuam kan ti tawlh2 a, kan hmuh apiangin chhaih phet kan tum țhin. Chutih laiin, mi țhenkhat kan han chhiah ngial pawha engatanmaha ngai duh lo, ngawi reng chu kan chhiah rei pek ngai lo.

Chuvangchuan, tunah pawh, Pu James a hian an sawichhiatna leh puhna te chhanglet zel lo se, an sawi rei peih lovang. Tin, "Vantirhkoh in nuai 300 vawi 4 min pe/rulnganin min chuk hlum theilo...etc.." tih a sawi te hi, naupang inkhualtelem ho sawi awm tawk chauh a ni hian ka hria a, Speaker meuhin an sawi hmuh chuan ka lo ip nasa țhin. Hmeichhe pakhat, a țawngtai vanga thi a luak dam ta, mahse, a hnena lawmthu a sawi duh loh vanga anchhia lawh let leh ringawt a "LALPA a natna kha a hnenah kir tir leh rawh" han tih tawp te kha, a rapthlak. Galatia 5:22 - 25 a thlarau rah a sawi a mi kha chu a lang lo khap mai. A hma a chang ami, tisa rah a tih ami ho erawh chu a in mil thlup. (N.B. Mi kan țawngtai sak a, damna an lo chan mial chuan, ka tih dam a nilo a, lawmthu mi hrilh pawh a țullo. A tidamtu diktak LALPA hnenah vek a lawmthu pawh a thlen tur. Ka lo thinrim a, anchhia hial te ka lo lawh chuan, LALPAN natakin ka chungthu a rel thei tih hi kan theihnghilh ta ami aw.). 2 Tim 3: 1 - 4 a ni hnuhnunga mite* a tih te kha ka hre chhuak chuai chuai mai.

A tawp bera ka sawi duh chu, Pu James a rawngbawlpui te, amah țan tlat tu te, a țhian te leh a chhungte, Pu James a hi a damlo a, rilru natna serious tak (Delusion of grandeur/grandiosity) a nei a, midang sawisel/hmuhsit/rel pawisa lovin, A rawngbawlna hmun ațangin hruai chhuak in, a tisa leh thlarau damnan leh Pathian rawng bawl zel tur pawn, LALPA hnena in tuaithar phawt a (Pathian thu hrilmi fel ber pawn, thlarau thianghlim pawltharna an mamawh reng), a tharin LALPA hruaina diktak nen A rawng a bawl thar leh a nih chuan, a rawngbawlna thar chu nasa takin, a hma zawng aia chak turin LALPAN mal a sawm ngei ka ring tlat a ni.

Post a Comment

  1. You can try to discover information on somebody's past by punching in their name right into Google. Run the search as well as a glimpse at the web pages polkbusted that come up as well as if anything is useful if there was ever before info concerning the specific released online after that you could be able to obtain some information regarding him or her.

    ReplyDelete

Powered by Blogger.