Online Admission for Govt. Industrial Training Institute (ITI) Labour, Employment, Skill Development & Entrepreneurship Department chuan Govt. Industrial Training Institute (ITI) Aizawl, Lunglei leh Siaha ah Session 2021 - 2022 leh Session 2021 - 2023 atan Trade hrang hrang ah zirlai (Trainees) a la leh dawn a, dil duh chuan online-in web address https://itimizoram.in ah emaw Online Portal menu a, ITI Admission tihah khian 23-07-2021 (Zirtawpni) thleng form a fill up theih a ni. Hriatchian duh leh zawhfiah duh neite tan Govt. ITI, Aizawl, Lunglei, Siaha leh Directorate of LESDE, Tuikhuahtlang ah Office hun chhungin zawhfiah theih reng a ni.
ITI Aizawl Admission

I.T.I Aizawl hi kum 1964 khan din ani a, amaherawh chu Mizoram chhungah in leh workshop hman/ luah tur a awmloh avangin ITI, Srikona (Silchar) chuan a mikhual a, kum 1964 ah vek hian Mizoram District Council chuan tun a a awmna ah hian ramzau tak a pe a. I.T.I Srikona atangin tuna a awm naah hian April, 1975 khan a rawn in sawn chho ani.

A hnuaia Link New Application Registration atang hian dilna a thehluh theih tawh e. Click here to Register
  • Application last date 23-July-2021 (Zirtawpni).
  • Curriculum ah hian trade awm zawng zawng te dah an ni a, trade hawn loh te pawh dah tel an ni a, trade dil theih ho te chu form ah select theihin a lo awm ang.
Class kal tur te tana hriattur pawimawh te :
  • Face Mask vuah vek tur a ni.
  • Hand sanitiser pai vek tur a ni.
  • Tiffin pai theuh ni se (Canteen-a punkhawm a rem rihlo)
  • Dar 9:30 AM ah institute thlen kim vek tur a ni.
  • Hostel a lut tur (Hosteller ni mek) te'n Covid-19 Free Certificate an nei tur a ni.
  • Bus a kal tur tan ITI Bus hi 8:45 AM ah Vanapa Hall atangin a chhuak ang.

I.T.I hlutna: Sawrkar laipuiin 1956 atanga I.T.I enkawl hna State/UT Sawrkar – te a hlan hnu khan I.T.I zawng zawng in zirlai thuhmun leh kal dan thuhmun an neih zui zel theih nan mawhphurtu “Council” a din nghal a, “National council for Vocational Training (NCVT)” tih ani. I.T.I zawng zawng NCVT ah hian an in ziak lut vek tur a ni a, Exam (All India Final Trade Test) pawh I.T.I zawng zawng tan a rualin NCVT hian a buatsaih thin a, a hlawhtlingte hnenah Certificate (National Trade Certificate) a pe thin a ni. Hetiang a nih vang hian India ram a I.T.I, NCVT in a pawm zawng zawngte hi Sawrkar laipui, State leh UT Sawrkar zawng zawng ten an pawm (recognized) vek a, chuvangin I.T.I pass tawhte tan chuan India ram khawi hmunah pawh hna zawn/thawh a awlsam ani. ITI-a course kalpui te hi National Skill Qualification Framework (NSQF) compliant course vek an ni.

ZIRLAITE HAMTHATNA (Concessions):
  1. Lateral Entry into Diploma Course in Polytechnic from I.T.I: Engineering Trade 2 yrs Course – Zir zo tan Polytechnic - ah Diploma Course – 2nd Yr/ 3rd Semester zir zawm theihna a awm.
  2. Recruitment: I.T.I Aizawl hian Hyundai Motor India Limited leh TATA – te nen thawk ho in World Class Technology hmangin Motor Vehicle Training pek theih tur in kalpui mek a ni. Partner te hian placement pawh an buaipui bawk.
  3. Bus: I.T.I Aizawl hian Bus neiin Bus hi Vanapa Hall atang a I.T.I thlengin nitin service tir a ni. 8:45am ah Vanapa Hall atangin a chhuak a, tlai lamah I.T.I atangin 4pm ah Vanapa Hall ah zirlaite a drop leh thin a ni.
  4. Tribal Scholarship: Mizoram Govt. in a pek ang Scholarship hi zawm a ni.
  5. Hostel: I.T.I Aizawl ah hian Mipa Hostel leh Hmeichhe Hostel a awm a, Zirlai eng emaw zat tan hostel-ah awm theih a ni. Hostel atan Admission leh Mess fee a hran a pek a ngai a ni.

Post a Comment

Powered by Blogger.