FAIREL BEL CHARITY SHOW HLAWHTLING TAKA NEIH
Nizan khan Zonet leh LPS tangkawp chuan Charity Show neiin TV bakah YouTube ah an live bawk a, entu an thahnem hle. He show hi AMC Area bika Covid-19 hripui leng mek vanga harsatna tawkte tana buatsaih a ni.
Miss Mizoram thiam taka lo host tawh Designer Rini Hlondo chuan hneh takin a host leh a, zaithiam tak tak an zai bakah thusawi tha tak tak kan ngaithla bawk.
Nizana Online Payment hmang an sum hmuhchhuah zawng zawng kha cheng nuai 18 chuang a ni a, a ropui hle. Ni 28 August thleng la pek theih a ni ang.
A thlawn vekin zaithiamte an zai a, tin an Hall hmanna HYVE Aizawl City Hall neitu Henry Varte chuan Stage chei zawng zawng a buaipui bakah a thlawn vekin Hall hi a hmantir bawk.
Zaithiam zai te : Vanlalsailova, K.Hminga, Fiona Pachuau, Benjamin Sum, Sangtei Khuptong, Henry Varte.
Thusawi tute : Vanlalsailova, Frederick Lalrindika, Jeje Lalpekhlua.
Post a Comment