HARSATNA KARAH MANA MOTORS-IN BOLERO NEO TLANGZARH
Mana Motors chuan sawm bik hmaah Mahinhra Bolero Neo an tlangzarh a, Covid-19 leng avangin sumdawng tan harsatna lian tak thleng mah se a hlawhtlin ngei an beisei.
Zirtawpni khan an showroom, Bawngkawnah Managing Director Dr. Franklin Lalrinngheta chuan Bolero Neo a khuh hawng a, inthlahrung tak chhungin mi tlem tê hmaah an pho chhuak thei ta chu thil lawmawm a ni, a ti.
Hri lengin an sumdawnna a nghawng avangin thla hmasa khan Mizote lirthei duhzawng tak Bolero thar tlangzarh tum mah se inkharkhip avangin a hun an sawn hla tih a sawi bawk.
Mahindra & Mahindra car dealer Mana Motors hi 2019-20 chhunga Mizoram sumdawng zinga sorkara chhiah, GST chhung lut tam ber dawttu an ni a, Bolero-in an sumdawnna kawngah hmun pawimawh tak a luah a ni.
August 2010 khan India ramah Bolero tlangzarh a ni a, kum 10 chhungin maktaduai 1.3 an hralh chhuak a, hetih chhung hian India rama SUV hralh hnem ber leh hlawhtling ber a ni a, Mizoramah pawh lirthei hralh hnem ber pawl a ni.
Info Cars hotupa Pu Vanlalmuana chuan huang zauh zel turin thiamna sang leh changkang hmangin Bolero thuam ṭhat a ni a, Covid-19 vangin sumdawnna kawngah harsatna thleng mek mah se a hma ang bawkin Neo a hlawhtlin leh ngei a beisei.
"Bolero hmasa kha lirthei hlawhtling a ni a, tunah hian khawl changkang leh thiamna sang hmangin kawngpui pangngai leh kawng chhiaa khalh nuam tura siam a ni.
"A hmaa engine ṭha sa an hmang chhunzawm a, a chhung a thawl ṭhain chen nuam tura duan a ni a, a ruangamah a hmaa mi nen danglam mah se Bolero a nihna a bo chuang lo," a ti.
Bolero Neo hi chi hrang pali a awm a, Mana Motors hnenah hian hauh lawk mi 30 vel an awm a ni.
N4 - Rs 9,39,418
N8 - Rs 10,39,417
N10 - Rs 10,91,318
N10(opt) - Rs 11,71,108
FEATURES:
- A sei zawng 3995 mm chauh a ni avangin khawpuia lek chhuah nuam tak tur a ni.
- Scorpio 3rd Generation chassis a hmang a, high-strength steel body a neih bawk avanngin a ruangam a khauh thain khalh a tihnawm bakah a him tha. Dual Airbag, ABS leh EBD bakah Intellipark Reverse Assist leh Cruise Control a awm bawk.
- Chi hrang (variant) pali a awm: N4, N8, N10 leh N10 (Optional). N10 (Optional) hian Multi-Terrain Technology (MTT) a keng tel a, Mechanical Locking Differential (MLD) a neih avangin kawng nala tlan thei tura duan a ni a, off-roading-ah hman tlak hle tura ngaih a ni.
- Engine: HAWK100 1493cc BSVI diesel a ni. A power hi 100 BHP @ 3750 r/min leh 260 Nm @ 1750-2250 r/min a ni a. Mizoram kawng chhuk chho atan low-end torque ṭha tak a nei a; gear box : 5-speed manual; tyres : 215/75 R15.
- A kual theihna (turning radius) hi 5.35 chauh a nih avangin khawpui chhungah chet vêl a awlsam phah dawn a, mi pasarih (5+2) thut theihna a ni a, zin mite tána remchang boot space zau tâk 384 litres a nei.
- Rawng chi hrang paruk- Napoli Black, Majestic Silver, Highway Red, Pearl White, Diamond White leh Rocky Beige thlan tur a awm.
- A dangte: static bending light, premium Italian interior, 17.8 touchscreen 2-DIN infotainment, Follow me home headlamps, height adjustable driver seat, sporty alloy wheels, electrically adjustable ORVM, voice messaging, sporty fog lamps, AC with eco-mode, engine eco-mode, micro-hybrid engine, etc.
~Thang Khuma T-a
Post a Comment