Tunlai khawvela Mizoram chanchina thil lawmawm ber ni hial tur chu, Mizoram-Tripura kawngpui hawn thu hi a ni awm e. Ramri buaina vangin tunhnai lawk khan Assam-Mizoram kawngpui National Highway 306 chu ni 12 lai vaihovin an dang a. Mizoram chak lakna kawngpui neihchhun a ni miau a, harsatna nasa tak kan tawk nghal a. Kum 2020 pawh khan thla khat chuang fe NH-306 hi an lo dang tawh bawk a. Mizoram mamawh lakna tur kawng dang siam hi tun dinhmuna Mizoram mamawh ber chu a ni. Vawiin August ni 13 hian Mizoram Chief Minister Pu Zoramthanga chuan Mizoram-Tripura inkalpawhna kawng Kilometre 84.50 zeta thui chu a hawng ta rup mai a. Zoram mipui zawng zawngin kan lawm vek a rinawm.

Tunah chuan Cachar vaihovin an duh hun huna Economic Blockade hmangin min hrek thei tawh dawn lo a, Ramri chungchanga pawh buai hi kan hlau vak tawh lovang. 

Mizoram Tripura kawngpui

Zoramthanga on Instagram: August 13, 2021
Mizoram leh Tripura inkalpawhna kawng pawimawh tak, Khedachera - Damcherra - Zamuang - Kawrthah - Tuilutkawn (KDZKT) kawngpui, Km 84.50 laia thui chu vawiin August 13, 2021 hian hawn a ni ta.
He kawngpui hi North Eastern Council (NEC) sum aṭanga thawh niin, Mizoram leh Tripura inkalpawhna kawngpui hi state pahnih tan kawng hrang hrangah chhawr nahawm tak a nih ngei ka beisei.
Mizoram Tripura kawngpui
Mizoram Tripura HighwayMizoram Tripura Highway

Post a Comment

Powered by Blogger.