A PASAL THATTU DAM CHHUNG TANG TURA HREM

A PASAL THATTU DAM CHHUNG TANG TUR CHENG NUAI KHAT CHAWI TURIN COURT-IN HREMNA TI CHHUAK

Nimin khan Dr. Laltanpuia, (43) s/o John Lianzauva nupui Mary Zothansangi chu Additional District & Sessions Judge Aizawl Judicial District, Dr. HTC Lalrinchhana chuan damchhung tang turin hremna a ti chhuak. 

Judge hian Mary Zothansangi chu Mizoram Liquor Prohibition Act (MLP Act.) hmangin kum 5 lung in-a tang tur leh, cheng sang li chawi turin a ti a. Cheng sang li chawi tur a neih loh chuan thla hnih a tan belh tur a ni ang. He hremna hi a tlak hnuah a pasal a thah avangin Damchhung tang tur leh cheng nuaih 1 chawi turin a chungthu a rel bawk a, cheng nuai khat chawi tur a neih loh chuan Damchhung bakah hian kum khat dang tang zui leh turin court chuan hremna a puang ta a ni. 

Dr. Laltanpuia leh Mary Zothansangi te hian fa 3 an nei a, an fate pathum chungchang hi State Legal Service Authority kutah dah a ni dawn a, an fate hian sawrkar atangin compensation la tura rel a ni a, an dawn tur zat chu State Legal Service Authority thutlukna a ni ang.

Dr Laltanpuia hi December 9, 2020 zan dar 7 vel khan an inah hliam na tak turin thichhâwnga hmuh a ni a, Aizawl Hospital & Research Centre panpui niin, hemi zan vek dar 10:05-ah a hliam tuar lovin a thi a ni.

~Vanneihthanga Vanchhawng: 10th December, 2021