Miss Universe 2021 Harnazz Sandhu

Israel rama Miss Universe 2021 neih zawh tak khan khawvel a va deng chhuak leh chiang em! Miss Universe hi kum tin neih ṭhin a ni a, budget atan hian 100 million (maktaduai) dah ṭhin a ni.

Miss Universe hi entu 500 million(maktaduai) awmin, ram bial ṭhen(territory) 190 lai aṭangin miin an en ṭhin a ni.

Miss Universe pakhatna hian $250000 a dawng ziah ṭhin a, chu chu India pawisa chuan ₹18910,000(vaibelchhe khat, nuai 89 leh singkhat hu a ni.
(i.e. 1 $ = ₹75.65).

Kum 2021 atan India rama Chandigarh nula kum 21 a upa lek Harnazz Sandhu chu thlantlin a ni a, Miss Universe 70-na a ni. Ani hi kan hriatthiam theih dan chuan MA(post graduate) a ni a, 5'9 feet a sang a ni. Model leh lemchan thiam(actress) a ni a, 58 kg a ni.  Punjabi, English leh Hindi ṭawngte a thiam hle.
Amah bikah kum 2021 Miss Universe a zawhna leh chhanna chu hetiang hi a ni - 


Top 5 a zawhna:
Q. 'Mi tam tak hian sik leh sa inthlak danglam ṭhin hi thil thleng pangngai, tih ve mai mai a ni an ti a, chutianga sawitute chu engtin nge i hmin let theih ang?

Ans: Dik tak chuan kan leilung dan kal hmang(nature) chhiat mekzia an sawi hian ka rilru a lo na ve ṭhin em em a, a chhan nia lang chu keimahni nungchang leh nunphungin a zir tawk loh vang a ni. Hawh teh u, tun hun tak hi a ni dawn lawm ni, dan anga hma kan lak hun leh kan ṭawngkam chhe hman kan tihtlem hun tur chu. A chhan chu chung hmalakna tin chuan kan leilung hi a tichhiain a chhanhim theih vang a ni. Khapna leh venhimna hi a hnua inchhirna leh siamṭhat tum lehna ai hian a ṭha zawk a, chu ngei chu a ni ka thiante u kan hriat ngei ngeia ka duh em em chu ni. Ka lawm e.

Top 3 zawhna :
Q. I rualpui hmeichhia lo en mektute hnenah hian tunlaia khawvel an hmachhawn meknaa nawr kal tur hian eng ang thurawn nge pek i duh le?

Ans: An nun hman chhoh meka nawrkal lian ber tura ka duh chu anmahni hi inring ngam se ka duh a. Mi danglam bik tak an nih zia te inhria sela, chu chuan nun a timawi ṭhin a. Mi dang nena inkhaikhin hi tingai lo se ka duh bawk a, chung ai chuan khawvel thil thleng te hi sawi se ka duh a ni. Chu chu an hriat chian atana ka duh em em a ni. Chuvang chuan i awmna aṭang khan lo tho chhuak la, nangmah kha inhrilh rawh, i nunah khan nang aia hruaitu ṭha tur an awm lova, nangmahah khan thupetu ber chu i nih tlat vang a ni. Chu chu hriain keipawh keimah leh keimah ka inring ngam a, in hmaah hian ka rawn din theih phah ta a nih hi. 

~ Compiled by Ricky Zohmingliana

Post a Comment

Powered by Blogger.