MIZOTE LEH INFIAMNA TIHMASAWN THEI 'CHAMPION THURUK' TLANGZARH
Infiammite leh coach-te tana pawimawh, infiammi ni ve lote tan pawha á¹angkai tak, Pu H Thangchungnunga buatsaih awmze nei zawka Mizoram infiamna tihmasawn thei tura beisei 'Champion Thuruk' tih lehkhabu tlangzarh a ni.
Thawhlehni khan Terrace Restaurant, Aijal Club, Aizawlah Revd. Chuauá¹huama chuan 'Mizo á¹halai, a chhiar apiangin bengvar nan an hman a, infiamna lama hmasawn nan an hman theih nan' sawm bik hmaah a tlangzarh.
Lehkhabu ziaktu, Pu Thanga chuan Mizoten infiamna tuipui hle mah ila, sports science lamah ráwn tur mihring leh Mizo á¹awng lehkhabu a awm mang lo va, chuvang chuan a buatsaih tih a sawi.
Champion Thuruk, 'Evidence Based Practices in Sports Training' lehkhabu hi a kawm bakah a phek pum puiin colour vek a ni a, sawi hawngtu Pu Hmingthansanga chuan 'infiammite tana hlu leh infiammi ni lote tan pawh taksa tihchakna tura á¹angkai a ni ngei ang' a ti.
Kawng kal neia taksa tihchak leh sawizawi dan tur hrilh fiahin a lem nen inkawh hmuhna a awm vek a; ei tur á¹ha leh dik bakah intihsiak dawna inbuatsaih dan tur indawt, inkhelh hma leh inkhelh zawha tih tur, naupang talent zawn chhuah dan leh pheikhawk bun tur thlenga ziah a ni.
Lehkhabu ziaktu Pu Thanga chuan : "Mizoram infiamna huangah kum 2000 vel khan sports science kan sawi á¹an a; khatih lai khan mi mâwl ang maiin min en a, a manganthlak hle a ni.
"Tunah chuan a á¹angkaizia leh zir chianna awmze nei behchhana inpuahchah a á¹ulzia kan hrethiam tawlh tawlh a, thil lawmawm tak a ni," a ti.
Mizoram Weightlifting Association president Pu Thanga hian Mizoram State Sports Council hnuaiah sports promotion officer hna rei tak chelhin nikum khan a pension a, sports medicine subject-ah master degree nei niin Inder, Cuba atangin High Level Sports Training-ah diploma a zir chhuak bawk a ni.
'Champion Thuruk' lehkhabu hi phek 193-a chhah a ni a, Rs 500 man a ni.
~Thang Khuma T-a
Post a Comment