Nov. 29, 2025 zan aṭangin Dr Sangthankima, TNT Founder hian BCM Chanmari kohhranah Crusade a nei a. Vanneihthlak takin Youtube lamah a thu sawi ka ngaithla a, a ropui êm avangin ka han share teh ang che u.
Khatia rawng a bawl vanglai khân, a kalna apiangah a fanu upa ber, la naupang tak a hruai ṭhin. Mahse, Sangthankima mi luhlul hian damdawi lam reng reng hman a tum lo a, a hmang ngai hek lo!
A fanu, amah zui ṭhintu chu a dam lo ta tlat. A rei tial tial a, a awngrawp tulh tulh a. Sangthankima erawhin damdawi pêk aiin, Lal Isua'n a thisen kal tlanga min tih damna a ring zawk si. Dem a kai a, a laichinte ngei pawhin a ti lutuk an ti ta hial a!
Chutah, Khawzawl lamah rawngbawl tura kohin a la awm zui. Khawzawl damdawi ina dam lo khum a ruak vek a, Crusade-na tur hmunah ruihhlo ngai tam tak nen amah an lo nghak. Mahse, Champhai an chenna ina a fanu erawh a rawih ral tial tial si.
A tawpah Crusade lama a kal hun a lo thleng a. Amahin a bedding a han tel, a fanu a thlah a ngai ta. A nupui hnenah he thu bak hi sawi tur a nei ta lo. "Kan fanu hi a boral ang. A thlarau erawh Lalpa hnenah a kal dâwn a, lo hlim lo suh u" tih zawng a nupui hnenah a sawi thei.
A thuam nena jeep lam pana a kal erawh, pa lian mitah mittui dan rual lohin a sûr a, Lal rawngbawl turin a ke a pen hlei thei lo. 'Ka tân Zion panna kawng dang a awm lo'm ni?' tih zawhnain nâ takin a deng a. Tu mahin a mittui tla an hmuhpui lo. Mahse, Lal rawngbawltu tân hnungtawlh a rem si lo.
Pa lian thinlung kehsawm zet chu! Hawi kir duh lovin Khawzawl a zuk thleng ta. Amah lo nghaktu tlim hmur mai a han en a, "Lalpa, heng mite lam min hawitirin, min pui rawh" tiin a nun a surrender ta.
Nakinah chuan a awmna chhakah a hriat ṭhan em em Scooter ri a rawn ri ta. "Zualko an ni ngei tawh ang" tiin a lo inngaihtuah. TNT lama a Team Leader, lirtheiin a sut thluk tawp pawha, lawmthu sawia, 'Halleluia Amen' pe theia ngei khâ a hnenah lo lutin, "Pathian chu fakin awm rawh se" a rawn tih chuan, a fanu dam leh dam loh a hriattir ngawt tlat lo.
Mahse, chu mi chu Champhaiah a pisaa a buai lai takin, "Sangthankima fanuin ngaihsaktu a tlachham" tih thuin a rawn deng a. Pisa pawipang kalsanin an chenna inah a zuk chhuk a. In a zuk thlen chuan, a fanu chu a lo thi tawh!
A mit leh kâ an lo siam fel chauh a lo ni. Mahse, chu mi chu a zuk lut thuai a. Ruang kiltute nam kiangin, ruang chungah a zuk ṭawngṭai a. Mitthi tawh hnu chu kaih thawhin a rawn awm leh ta!
Khawzawla Sangthankima rawngbawlnaa Thlarau Thianghlim hnathawh ropuizia kha, hahipa sawi a nih ṭhin kha! Kha mi ṭum ang reng renga a rawngbawlnain a tawng sân a awm ngai lo tih tur tluk a ni!
Hei hi Dr Sangthankima Testimony chu a ni e - Lal Isua'n min chhandamnaah kan chianga kan lawm. Thihna ata nunnaah kan luhnaah kan chianga kan lawm. Mahse, Lal Isua'n thih thlenga a rawng bawl tura min kohna erawh kan Amen thei lo a, kan lawm huam lo. Awmhmuna mi ṭawngṭaisak kan thei vek, mahni kan che chhuak thei lo tih hi a ni e. @Lalremliana Pachuau
[ToMZ is dedicated for archive and exposition of Mizo affairs to the rest of the world. Informations obtained are re-posted 'as-is' basis as a digitization initiative so as to make accessible to all through online surfing. Due credit is given to all author/owner except those which cannot be ascertained]
Post a Comment