1. Manpui - Hmeichhe man zawng zawng hi manpui chu a ni. Hnamchawm man chu Se li leh Se nga manin an kal ber a, Pachuau leh Lalchi dang erawh chu Se sarih manin an kal a, Sailo Lal chu Tlangchang kher ni lo mahse Se sawm manin an kal thin.
2. Sumfang - Pami chan ve a ni, manpui atang sem chhuah a ni thin.
3. Mantang - Man tang chu sum hmahruai, sumfang, Pusum, palal, niar, naupuakpuante an ni.
4. Pusum - Mo, pu (Nu lam) ei tur a ni a, Manpui atanga semchhuah a ni thin.
5. Sum hmahruai - Manpui pek tlak tur nei zo lovin, manpui atangin Tlaisial an pek kha sum hmahruai chu a ni. Pa chan a ni.
6. Palal - Karkalak tihzau nan Pa siam chawp ei thin a ni. Mo, pa nau mipa te ei thin a ni bawk.
7. Ni ar - Mo, pa farnu ei tur a ni. Manpui atanga sem chuan ani thin.
8. Naupuakpuan - Mo, u (laizawn) ei tur a ni.
9. Thian man - Mo thiante ei tur a ni.
10. Lawichal - Manpui atanga pek chhuah a ni lem lo, mo lawi hotu ei tur a ni.
11. Puisawm sial - Manpui pek tlak tur nei zo lo, Sumhmahruai tur tak ngial pawh nei zo lovin. Manpui atan cheng 10 an pek kha, Puisawmsial chu a ni. Pa chan a ni (Sum hmahruai leh Puisawmsial an tih te hi manpui petlak theite tan chuan a awm ve lem lo harsate kara an insawi remna a ni.
12. Sumzanlut - Man in hlan zana sum pek zawng hi a ni. Man inhlan reng reng hi zan lama inhlan a ni thin. Chuvang chuan sumzanlut an ti.
13. Charsutphawi - Unau hmeichhia a naupang zawkin a u pasal a neihkhalh sela, man atanga chhiar telloh an pe chuan gang. Hmingchhiat man ti lovin charsutphawi man an vuah zawk a ni.
14. Thutphah - Manpui atangin thutphah ni an pe kir leh thin. Inhriat thiam loh inbahsual a hmeichhe thla vengtu a ni.
Inthen dan
1. Kawngkasula mak - Mipa in a nupui thlak nan hmeichhe dang a lakluh chuan – man zawng zawng a pek kim vek bakah, kum khat chhunga an thawhchhuah kha an insem vek ang. Hmeichhe hmingchhiatna a ngaih a ni.
2. Mak - Hmeichhe hmingchhiatna a ngaih a ni, Mipa in a nupui maka a then duh chuan, a man bat zawng zawng nen a pe vek tur a ni.
3. Pek sa chang - Nupa inkawp rem thei lovin, man peksa leh pek kim loh pawh khawih che lovin, a nih ang angina inthen sela chu chu peksachang a ni, tlawm zawk an awm lo.
4. Sazumeidawh - Mipa in nula fan sela, thutiam hlen hmain chhuak leh si se la, aluhpui zawng a chan vek ang.
5. Sumchhuah - Mipa hmingchhiatna a ngaih a ni. Hmeichhia in a pasal then a duh chuan, man zawng zawng a pe let leh vek ang. Chu chu sumchhuah a ni.
6. Sumlaitan - Nupa ngam leh ngam inthen na a ni. Hmeichhe man zawng zawng nen a zat leh zatin an in sem ang.
7. Uire - Hmeichhia pasal nei laiin mipa dang lo ngai se la, man zawng zawng a chhuak vek a, a pasal ina a ken luh zawng zawng chu atang vek bawk thin.
