ALICIA MIN NGAIDAM RAWH AW

-Sama chhakchhuak

"Hello hello boss thingpui i duh em?" He messege hi zing tin ka dawn țhin ani.Eng ang pawh in dam lo in na mahse min rawn thawn a țhulh ngai lo...chutiang chiah chuan kan țhian dang te pawh a thawn kual vek țhin anih kha

Ani kha kan hnen a arawn tel hmasak ber ni a țang reng khan kan țhian ho khan kan ngaina nghal a,kan țhian ho kan lo țhut khawm lai leh nula chhelo chungchang kan lo sep vel lai in"min kawm ve ru,in bul ah ka awm ve duh ania" arawn ti deuh tawp mai a,kan han en chuan hmeichhe lian lem lo tak, hmel hlim sang mai leh nu deuh zem mai hian nui deuh seng chung in min lo en a, kan hnar lo chiang kher mai..khami ni ațang khan kan in thlah tawh lo...kan nula rim na thleng in a rawn kal a, țhenkhat chuan patil emaw an ti hial reng a,keini lah in hmeichhe en in kan en lo hrim hrim bawk țumkhat pawh thlan lai tur in kan sawm a, ani lah chu a insiam a rawn kal ve a tum ta mai, a nutei nuih a za kher asin hmeichhe kal na chi anih loh thu a han hrilh fe hnu chuan an in dang thei ta hram anih kha...vawikhat kan chhuak chu ruah asur ta buan buan mai a, keimah chiah in ni hliap ka lo keng sia,ani hmeichhe awm chhun ti in duhsak tak in khumtir kan tum a,keini chu mipa kan nia lawm kan do mai ang chu kan tia..min han en vang vang a,muang chang in nihliap chu thlep țha in ka bag ah a khung a,nuisang chung in "kal ang ule" tiin min han mit mei zauh hlawm a,hlim tak in ruah huh hnuang in kan do za ta anih kha,zan ah lah kan riah khawm in kan in kar ah a riak ve mai țhin

Alicia ti in kan ko mai țhin a,a nu leh pa in an thihsan tawh avang in a nutei te hnen a rawn awm ani a, kan bul ah chuan a nu leh pa ngai in naupang chhe țah in ațap duh mai țhin, vawikhat pawh a țap chu le kan țhianpa in hnem a tum ve si hnem thiam silo chuan " țap vak mai rawh an rawn kir leh mai ang" an ti mai a, lungchhiat chhunzawm a har aniang a lungchhe ber thleng a kan nuih tak vak vak ni.hlim thei viau e tilo chuan chik tak a en chuan a mitmeng ah khawhar ruk na riau leh mal riau a in hriat na hi anei tlat in ka hre țhin a, enge maw chang chuan inthlahrung awm em em hian kan bul ah a awm leh țhin.

Kan țhian ho ro ro ah pawh min ngaina fal bik a,zankhat chu dar 12 vel ah min lo call a,a awri ațang chuan ațap tih ka hre mai a,ka va kal chuan inchung zawl ațang in thla eng chu alo thlir deuh deuh a, min han hmu chu min kuah nghal deuh thlawp in a țap nghal char char mai a,hnem dan ka van thiam lo tak em,min hrilh tur chu enge? Tia ka zawh chuan a "a ngai leh lo mai" ti in mi chhang a,ka ngaihdan ni chiah lo kher mai,zanlai ah pawimawh a awm tak in ti in ka va kal ve em em a,ka thinrim deuh tih a hria a,nidang a atih țhin ang bawk in beng pawt an su leh darh darh a,henu zet hi chu aw a bul ah hi chuan tumah an thinrim rei thei lo ang...ti chuan a guiter chu la chhuak in a hla duh ber mai Lal isua kan țhian țha ber in tih hla chu muang fan raih hian a han sa a, thlaeng in a hmel țha tak a chhun en phet chu ka en țhin a,Lapa hian hmuhnawm hi ati bik hliah hliah hian ka ring hial ani

Nikhat chu le thudengkhawng leh țhințhawng lutuk kan hre ta tlat mai a, Chu chu Aliciai'n HIV avei tih hi ani.mak kan ti in kan awi lo hial a, amah zawh chian hmasak kan tum ta a, alo vei anih chuan kawm tawh loh chu kan tum ber ani.(hetih hun lai hi chuan HIV AIDS vei kan hmuhdan kha kan hre vek ang...veng țhenkhat leh thingthlang khaw țhenkhat ah chuan in hnawtchhuak ta hial te pawh awm kha) amah chu kan han zawh chuan mittui tla zawih zawih chung leh lungchhe em em in min hrilh ta vek a, kha tih lai kan rilru kha alo mak mange aw...lainat chu sawiloh kan ten em em a, a țhian nih te kha kan han zak a, kan țhiannu kan ngaih em em chu kan kawm duh ta lo...ani chuan min kawm tum in kan bul ah te alo kal reng țhin a, a mize ngai bawk hlim em em in min be siam siam a,kan chhang duh lo a,kan țih tlat mawle...aw alo va han mawl theih ngai vele..mittui tla zawih zawih in min haw san leh țhin, atuk ah chuan a ngai te bawk in kan bul a awm tum in hlim tak in a rawn kal a,hrehawm ti em em in a haw leh țhin,zan tin leh zing tin messege min thawn a țhulh phah chuang lo a, hlim tak a min biak a țhulh phah hek lo,keini erawh kha chuan a bul a awm hrim hrim kha kan tum tawh lo bur mai a,khawlai a kan in tawh chang pawh in min biak tum a ka an zuau lai in kan kalsan leh daih țhin..ani chu hrilh hai tak in kan va hnutchhiah ngun tak em!!mahse kan kawm loh avang chuan kan hlim phah chuang miah lo,sawi chhuak kher lo mah ila tuman nuam kan ti hauh lo

Sunday tlai khat chu kan țhian ho kan leng tur chu ani chuan min biak tum leh kan bul a awm tum a rawn kal chu kei chuan 'aids vei kan kawm duh lo,lokal suh' kan ti tawl mai anih kha!!keipawn chutia ka ti mai chu mak kati ka in chhir nghal vawng vawng a,ka sawi tur ang ang chu ka sawi zo tawh si,ka kâ a țang ngei a chhuak chu ani si a, aw kha ta a mit meng mak ti lutuk leh hrilh hai hmel mawlh kha ka a ang zuau a,mittui a khpa per sawk bawk a,tichuan in her in hmanhmawh em em in min tlansan ta vang vang a, keini pawh nuam kan tih tak loh em avang chuan len pawh chu kan țhulh phah ta a,kha mi ni ațang khan Alicia chu kan hmu ngai tawh lo a, a messege min thawn țhin pawh min thawn ngai tawh hek lo,keini ho pawh kan in kawm zui lutuk ta lo...mahni țul țul in kan țul țheuh mai ani

Nikhat chu Alicia khawlai a ka hmu chu a cher in a dawldang hle a,ka hai lek lek zawk a, a sam te chu alo thur in a hmel nung sar țhin pawh a lo thim zo tawh a, a pawr em em a, zan a mu ngailo tih hriat em em in a mitmeng a sen deuh ram a, kha bak ka hmu leh ta lo

Chu mi ka hmuh ațang a kar hnihna vel tlai lam dar 3 ah chuan yma information a țang in zualko an rawn puang ta Alicia ani!!! Ka awih chiah silo..ka ngaithla chiang a ani ngei bawk si ka bing muai muai a,ka tih tur ber pawh ka hre tawh lo..ka țhiante ho an rawn kal tak ah chuan ka harh fim ve ta..hmanhmawh em em in kan tlan phei a, Alicia chu nunna nei tawh lo tih hriat em em in alo mu dang var pap a, a nutei chuan alo țah hawm hawm bawk a,min han hmu chiah chu min țah khum ta hawm hawm mai...a țah hla lah chuan min deng dawt dawt mai a,"bawihte hei i țhian i ngaih em em zantin a an hming ilam te kha an lo thleng tawh asin, an hmel hmuh beisei em em a,zantin i thlir țhin kha an lo kal tawh e,lo tho la lo chhang rawh" ti in min han țah khum meuh chuan mittui hi dan ahar ani.

Zan kan tlaivar pui hnu chuan a tuk ah kan vui liam ta...

kha tia khawlai a ka țawng khum atang khan treatment alak chu ati tawp a, tb alo vei hman bawk nen tb damdawi pawh ei duh lo chuan chu natna chuan alo ei hlum ta ani.ka inten in ka in haw ngawih ngawih a, keimah vang ani tih hi a ri tluk tluk mai a,ani chu na tak in aliam tawh arawn kir tawh lo ang,ka ngaihdam dil na hi alo hria anih chuan min ngaidam hian ka ring thin a chhan chu khawvel ka hmeichhe hriat a rilru tha ber ani tlat

Ani chuan kha ti khawp a kan tih nat chung pawh khan țhianțha ber ah min la chhal a,a thih dawn thleng pawh in min hmuh beisei em em in zantin kan hming alam țhin,mahse a hnukchah dawn thleng pawh in kan lo tina ngawih ngawih chu ani si a,na hi ka van ti tak em, a thlan an chhilh na lei vung thar hlam tak chung ah chuan ka țhingțhi hnawk a, ALICIA MIN NGAIDAM RAWH AW tiin ka rum vawng vawng a, a dam chhan neih ve chhun beisei na leh hlim na chu kei hian ka laksak ta si...a dam chhan ber a neih tak siloh ah chuan zing tin a min kaitho tu chu kaihthawh rual lo in aliam ta..Alicia i boss hian thingpui ka duh asin

Alicia enteh hei kum tam tak liam mahse zan in ang thla en zan ah hi chuan ka hrechhuak nawn leh țhin che a,thla eng hnuai ah i hla duh ber 'Lal isua kan țhianțha ber in' tih hla sa in ka zai dawn e...min lo ngaithla hram rawh aw Alicia

(HIV+ natna vei te hi, an natna i ti dam thei lo,mahse an tan a damreina leh damdawi țha ber chu, he khawvel mithiam ten an siam thiam loh khawvel a damdawi țha ber nisi, I hmangaihna leh țhian țhatna kha hlan ve rawh le...He ka thu ziak hi HIV+ te tan ka hlan e)

[Facebook a mi, a ngai ngaia post a ni e]